PINASKUHAN (DECEMBER 26, 2020)
Naa mi diri ni Mama sa kwarto, nanan-aw ug mga childhood pics nako. Humana ko sa isa ka-album maong nibalhin na sad ko sa pikas. Pag-abli nako, una nibungad ang picture tung bunyag nako.
Uy, akong mga ninang ug ninong.
Familiar sa ako ang uban pero naa juy isa nga nakakuha sa akong atensyon. Si Tita Alyana! Mama ni Josiah, akong crush.
"Ma, ninang diay nako si Tita Yana?" Pangutana nako kay Mama ug gipakita ang pic.
"Oh, ninang na nimo." Tubag ni Mama ug nikatawa.
*ting!*
Wag kayong ano, naa rakoy idea nga nahuna-hunaan.
Gisirado nako ang album ug nigawas sa balay. Nilakaw ko padung ila Tita Yana para mangayo ug pinaskuhan, mwehehehe.
Pag-abot sa ilang gate, naabtan nako si Tita nga pasulod pa lang sa ilang balay. Gitawag dayon nako siya ug gipasulod ko niya.
"Oh, Rei, naa lagi diri?" Pangutana ni Tita ug ni-smile pero halata nga pilit. Halata kaayo si Tita ay. Siguro nakahiring ni nga mangayo kog pinaskuhan ba.
"Hehe, Merry Christmas, Tita—ay este Ninang." Ni-smile ko ug dako sa iya.
Nawala iyang smile ug dagko na kaayo iyang mga singot. Gusto ko mukatawa pero gipugngan nako. Basig di na nuon ta tagaan ani. Nitalikod siya sa ako ug gibutang sa bangko ang iyang mga gipangbitbit dayon gitawag niya si Josiah.
Ka-gwapo jud niya uy.
"Kuhaa ragud tung gift wrap sa kwarto nako." Sugo ni Tita ug nitando ra si Josiah.
Pagbalik ni Josiah gihatag dayon ni ang wrapper kay Tita, gitan-aw ra nako sila. Aha naman intawn akong regalo ani? Pag ako lagi way madawat nga regalo, si Josiah man jud akong kuhaon ba. Awa, try meh!
Gipaduol niya iyang anak sa iya ug niduol sad si Josiah. Natingala ming duha ni Josiah tung gituyok ni Tita ang gift wrap sa iyang anak. Oh?
"M-Ma? Nag-unsa man ka?" Pangutana ni Josiah. Wa siya gitubag ni Tita ug gipadayon ang gibuhat.
Pagkahuman ni Tita, giatubang niya sa ako si Josiah ug gitulak padung sa ako. Hapit pa mi matumba kung wa pa ko nangusog.
"Merry Christmas, Rei. Si Josiah na akong pinaskuhan. Byeee!" Ingon ni Tita nga dako ug ngisi.
Nilingi ko kay Josiah ug ni-ngisi.
"Merry Christmas to me."
@cloudnine
••••
HAPPY NEW YEAR (JANUARY 2, 2021)
Busy kaayo mi sa handa kay New Year na. Pila nalang ka minuto, musaba na ang palibot.
"Mare! Ali mo diri, dayon mo." Dungog nakong ingon ni Mama maong nigawas ko sa kusina ug niadto sa sala.
Holy macaroons! Si crush, kauban iyang mama! Waaahhh, don't tell me diri sila mag-New Year?!
"Maayo pud kay diri ninyo nahuna-hunaan nga mag-New Year." Ingon ni Mama ug gipalingkod sila. Sinasabi na nga ba!
"Kami raman pud duha sa balay ni Zak." Tubag sad ni Tita Jane ug gihatag kay Mama iyang dala. Naa rako diri sa pultahan sa kusina, nagtan-aw sa ila.
"Cece, dalaa ragud ni sa kusina." Sugo ni Mama maong nilingi sa ako sila Zak. Waaaaahhhh, hagard pa kaayo ko!
Niduol ko kay Mama ug gikuha tung iyang gipakuha nga wa nitan-aw kay Zak, dayon nidagan padung sa kusina. Waaahhhhh, kaulaw! Hagard kaayo ko ug nawng! Wa pa koy punas! dT_Tb
Gitiwas na nako ug andam ang kusina tas niadto sa kwarto para magpunas ug tarungon akong peys. After sa ritwal, gikuha nako akong selpon ug ninaog na padung sa sala pero wa nako nakit-an sila Mama didto. Eh? Asa diay sila?
Gitan-aw nako ang kusina pero wala sad sila. Dayon naa koy nadunggan nga saba sa gawas maong giadto nako. Tua, nakit-an nako sila Mama, nagtindog ug murag naay gihulat.
Naa guroy fireworks display karon. Maong niduol ko ug nitindog tapad kay Zak. Hehe, muduol nako kay fresh na fresh na si Me.
Nag-countdown nami ug nisinggit ug 'Happy New Year'. Pagkahuman, naay fireworks display pero kadali ra.
"Bitin ay." Ingon ni Zak maong gilingi nako siya.
"H-Ha?"
"Nabitin ko sa pabuto," ingon niya ug ni-ngisi. "Tara, ipadayon nato ang pabuto sa imong kwarto." dungag pa niya ug gibira ko pasulod sa balay.
Hala, ka-wild ni Crush uy. Rawr.
@cloudnine
