(SEPTEMBER 22, 2021)
"Huy, sure na jud mo ani?" pangutana nako kay Danicka samtang gabaktas mi sa ngitngit na dalan.
"Pwede kayka muoli, Cloud, pero wala lang kay libre." Tubag niya.
Ay, di ko muoli no! Sayang libre.
Unta wala mi masugatan nga ampra kay human among kinabuhi ani. Alas onse na sa gabii tas curfew na pero naa pa mi diri sa kalsada kay nangitag 7/11.
Ni-chat sa GC si Keifer nga gigutom daw siya tas gusto siya mukaon sa 7/11. Pero way ni-reply sa iya kay lagi, hadlok madakpan.
Pagkataod-taod ato, ni-chat na sad si Keifer nga ang muuban sa iya, iyaha daw librehan. Unya kami, mga hayok sa libre.. nanguban! Ana pa sila bahala na daw ug curfew, basta librehan.
Oh, diba, mga boang?
Pag-abot namo sa 7/11, kanya-kanya dayon mi'g kuha ug pagkaon, si Keifer bitaw mubayad. Ako ang una nahuman ug pili'g pagkaon maong akoy una maka-adto sa counter. Muduol na unta ko pero nihunong kay nakakitag kog tao nga di dapat.
Yati, pulis!
Nidali-dali ko'g tuyok tas gipangita sila. Naa sila nagtapok sa mga beverages.
"Oy, yawa, naay pulis sa counter ug sa gawas!" ingon nako tas nagpanic.. gamay.
"HA?!" gitabunan namo ang baba ni Noimie tung nisinggit siya.
"Hilom ba!"
"Unsaon nalang ning atong mga pagkaon? Unsaon nalang nato pag-gawas?" pangutana ni Hanns ug ni-kinto para ma-lili ang nasa counter.
"Naa nay pulis, pagkaon gihapon?!" Gi-sita nako si Zethus kay nitaas gamay iyang tingog. Gi-tabisan ra siya ni Hanns ug wa siya gitubag.
Gipasagdan nako sila nga magalalis pero ginasita kung mudako na ilang tingog. Naghuna-huna pa kog way para makalakaw mi diri nga di masakpan.
Niduko ko ug pagkita nako nga gasuot diay kog jacket, nilingi ko sa ila. Ni-ngisi ko kay naka-suot mig jacket tanan nga naay hood.
"Naa koy plano, guys."
••••
Nidagan dayon pagawas si Jean pagkahuman niyag pa-counter. Gisugat namo siya ug nagtago dayon mi.
Mao ni akong plano, ang magpa-counter mi isa-isa ug dili sunod para di halata. Naa pa gihapon ang pulis sa gawas tas murag nagbantay sa 7/11.
Ako ang una nagpa-counter, sunod si Hanns, tas si Keifer, tas si Danicka, tas si Noimie tas si Kelsey, sunod si Zlaire, sunod si Yesha, tas si Jean ug ang nabilin nalang sa sulod kay si Zethus.
Nakit-an na namo nga pagawas siya ug sugaton na unta pero wa nadayon kay niduol sa pultahan ang pulis. Nibalik mi ug tago tas gi-lili si Zethus.
Owshiit! Giduol sa pulis si Zethus!
"U-Umm.. M-Maayong gabii, S-Sir.."
"Maayong gabii sad, dong. Nganong naa pa man ka diri sa gawas nga gabii naman kaayo?" pangutana sa pulis ug gi-head to toe si Zethus.
"N-Naa.. Naa ra k-koy gipalit, Sir.." tubag niya tas nitan-aw sa amo. Bago pa man siya makit-an sa pulis nga nitan-aw diri dapit, niduko nalang siya.
"Uban sa amo, dong. Pakuha nalang sa imong mama sa prisinto." Ingon sa pulis ug gigunitan ang kamot ni Zethus.
Nanagko among mga mata ug wa kabalo unsay buhaton. Nabuang na!
"Hala, yawa!" gisenyasan nako nga muhilom si Jean kay nidako iyang tingog.
"S-Sir, nganong dal-on man ko ninyo didto?" kulba nga pangutana ni Zethus ug nilingi-lingi. Wala siya gitubag sa pulis.
"Ano na, Cloud? Dili man nato pwede biyaan nalang basta-basta si Zethus!" Nagpanic na si Yesha ug gituklod-tuklod ko.
"Hala sige, pugngi didto." Ingon nako ug gituklod pagawas sa taguanan namo si Yesha. Ni-react dayon ang uban.
"Cloud!"
"Boang kayka!"
"Huy, nganong gituklod man nimo!"
"Hilom sa gud! Naa koy plano, erkey?" Ingon nako ug gi-lili sila Zethus.
Nakit-an sa pulis si Yesha maong gihinay-hinay siya'g duol samatang bitbit si Zethus.
"Ikaw, Miss, nganong naa man sad ka sa gawas ingarong orasa?"
Gilingi mi ni Yesha ug gisigahan kog mata.
Nihinga kog lalom ug nigawas sad sa akong gitaguan. Dili makit-an akong nawng kay gisuot nako akong hood. Nitapad ko kay Yesha ug gi-senyasan ang uban nga mang-gawas sad.
Nagduha-duha pa sila kung sundon ba ko nila pero nang-gawas gihapon sila.
Gibuhian sa pulis si Zethus ug gikuha tung iyang walkie talkie. "Santos, anhia sa gud ko diri sa may 7/11. Naay mga batan-on dinhi ba, kinahanglan nakog back-up."
Samtang busy ang pulis, gisenyasan nako si Zethus nga isuot iyang hood. Pagkahuman niyag suot, niihap kog 1-5.
"1, 2, 3, 4, 5, sibat!" singgit nako ug nidagan. Nakuratan pa sila sa akong pag-singgit pero nidagan man sad.
"Atay ka, Cloud! Paghulat ra gud!"
Gatawa rako samtang gadagan ug wala ko kabalo asa mi padung ani. Gikuha nako akong selpon ug nag-selfie.
"Oy, smile!" ingon nako ug ni-ngisi.
Nihunong mi kadali ug ni-posing tas nagpicture. Pagkahuman ug picture, nidagan mi ug balik.
"Diri, diri!" ingon ni Keifer ug gitudlo ang eskenita. Niliko mi didto ug nitago. Gihulat pa namo nga mu-agi ang ampra bago nigawas.
Pirte namong pangatawa samtang nagbaktas pa-uli. We're in a middle of conversation tung nakadungog mi'g growl sa iro.
Nagtinan-away mi bago nilingi.
Ay, atay. Naa tulo ka iro nga lain kaayo ug tinan-awan sa amo.
"Alright, bye." Ingon ni Hanns ug Jean tas nidagan.
"H-Hoy, ayaw mo pamiya!" singgit namo ug nisunod sa ila'g dagan.
Atay, mamalit raman mi'g pagkaon sa 7/11, nganong gigukod naman mi'g iro karon?! Run for your freaking life, Cloud!
@cloudnine
