(DECEMBER 28, 2021)
AMBER'S POV
"Uy, uy, uy! Kabalo namo?" Kalit ra nisulpot sa among atubangan si Ginja. Padung ko karon ug canteen, kauban sila Red ug Syche.
"Ang unsa ba gud? Di man mi chismosa pareha nimo." Tubag ni Red ug nisipat.
Niismid ra si Ginja. "Si Suzette ba, patay na daw!"
Nihunong mi sa pagbaktas ug nanagko ang mata. Y-Yawa?!
"Unsa?!"
"Ha?!"
Gibira nako silang tulong padung sa usa ka kilid nga walay muagi nga estudyante.
"Aha ka gikan ana?!" pangutana nako.
"Niagi man ko sa room sa STEM-A tapos nag-sige silag hinilakay. Gipangutana nako si Marie kung unsay naa tas nitubag siya nga patay na daw si Suzette!" tubag niya.
My jaw dropped—char! Wala ko katuo nga nitan-aw sa iya ug ga-nganga pa. Ingani ko ka-shock.
"Ngano daw? Wala gisulti ngano nagpakamatay?" pangutana ni Syche.
"Stress na daw kaayo sa mga activities, performance task ug thesis tas pila na pud daw siya ka-adlaw nga walay tulog!" tubag napud ni Ginja nga murag newscaster.
Kumpleto jud mig makuha nga information ani niya tungod sa iyang pagka-chismosa.
"Sila na-stress unya ako ani kay gikatulog ra ang mga buhatunon." Ingon ni Red ug nilingo-lingo.
"Kay wala man kay pake sa imong grado!" Ingon nako ug gidukol siya.
Nipadayon mi ug adto sa canteen pagkahuman atong gamay namo nga chismisan. Pag-abot namo, daghan ug nagpa-gwapa nga babae. Braid diri, pulbos didto. Ang mga lalaki sad kay nanudlay, gipangtarong ang mga polo.
"Unsay naa?" pangutana ni Ginja.
Gilingi siya ni Syche. "Chismosa ka pero wa ka kabalo unsay naa ron?"
"Kabalo man ko! Basig kamo ang wala kabalo maong nangutana ko ninyo!" Tubag ni Ginja at nitaas pa ang kilay.
Amp, atitod.
"Weh? Kabalo jud ka? Unsa man daw beh?" Hagit ni Red.
Nitan-aw sa taas si Ginja ug murag naghuna-huna.
"Awa ra! Wa man gani ka kabalo." Ingon ni Syche ug niuna sa linya.
Nisipat ra si Ginja ug nisunod kay Syche. Nisunod pud ming duha ni Red sa ila.
Mag-class picture mi karon kay hapit na mi mu-graduate. Para daw naa mi remembrance nga diri mi gikan ni eskwela. Ako kay di naman kinahanglan ug remembrance para mahinumduman nga gikan ko diri ni-eskwela. Ipahinumdom lang sa ako akong kabuang diri sa eskwelahan, di na nako kinahanglan anang remembrance.
Namalik nami sa room ug pati diri, daghan ug nagpa-gwapa/gwapo. Naay uban nga nasubraan ug murag naay gisagpa sa ilang nawng nga isa ka sako nga harina.
Wa na namo gipansin ug nagpadayon rami sa pagkaon. Pagkahuman kay nanudlay rami gamay, pulbos gamay, pahumot gamay. Di nato pasubraan kay basig mu-gwapa tag samot.
Gipang-group mi into four unya kaming upat nila Ginja, Red ug Syche ang uban.
"Basta lagi mga gwapa, i-uban jud nila." Confident nga ingon ni Red ug gihawi pa iyang buhok.
Nilingo-lingo nalang ko ug wa na nitingog. Pila ka minuto pa namong sig hinulat tung kami na ang magpapicture.
Ni-pwesto na dayon mi. Ako ang naa sa tumoy sa wala, tapad nako si Red sunod si Ginja tas si Syche.
Dali ra nahuman ug pa-picture. Formal picture raman gud ni, dili photoshoot maong dali ra.
"A-Amber.." Gilingi nako si Red tung gitawag ko niya.
"Man?"
"U-Unsay sala nimo kay Suzette?" Nangurog pa gamay ang tingog ni Ginja.
Nikunot akong agtang. "Sala? Wa koy sala uy. Basig ikaw kay ikaw baya ang nangchismis sa iya ganiha."
"Naa siya sa i-imong likod, gurl." Ingon ni Syche ug mura kog gibu-buan ug ice bucket kay namugnaw kog kalit.
Hinay-hinay ko nga nituyok ug nibungad sa ako si Suzetter. Buhaghag ang buhok, dagko ug eyebags, pale ang nawng ug ga-yellow ang ngipon.
"Y-Yawa.. AAAAHHHH!" Nisinggit ko ug nakadagan ug ahat. Nahadlok sad ang tulo ug nisunod sa ako.
Piste, wa man mi sala niya! Nganong gi-multo man ko!
SUZETTE'S POV
"Y-Yawa.. AAAHHHHH!" Nikalit ug singgit si Amber ug nidagan. Nisunod sa iya ang tulo ug nisinggit pud.
Nikunot akong agtang sa ilang gipangbuhat pero gipasagdan ra nako. Basig nakuratan ra sad to sila pareha sa mga estudyante nga nakakita sa ako ganiha.
Nibalik nako sa room ug ang tanan nakong klasmet murag nakakita ug multo.
"AAAAAHHHH! YAWA!"
Nisinggit sila tanan, pati ang mga lalaki.
"GAGO! PAHAWAAAA! MUGAWAS KO!"
"PISTE, PADAPLIN MO!"
"AHHHH, WA NAMAN KOY UTANG NIYA!"
"MAMAAAAA! SUNDUA KO!"
"PAKSHET, MGA TOL! PAHAWA!"
Murag naay niagi nga bagyo kay sa ilang pagdagan pagawas, nangtumba ang mga bangko ug lamesa. Murag tala.
Niduol ko kay Bernadin. Siya nalang ang nabilin diri.
"S-Suzette, u-unsa may sala nako? Nganong nagpakita man k-ka?" Hadlok niya nga pangutana.
"Ha? Naunsa ka?"
"Ayg kabalaka, i-ampo nako imong kalag! Pasagdi nako!" ingon niya ug niluhod.
Ay, nabuang na!
"Huy, tindog ragud diha! Naunsa man ka." Gigunitan nako siya ug gipatindog.
Nihangad siya sa ako nga naay kurat nga expression. Gigunitan niya akong kamot ug aping.
"B-Buhi ka?"
"Unsay buhi? Malamang!"
"P-Pero ana sila nga patay na daw ka tungod sa ka-stress."
Gago, kinsay nagpakalat ana nga peyk news?!
Mao diay'ng na-ingato sila kay abi nilag kalag nako. Buing. Stress ra kaayo ko maong ingani akong nawng pero wa jud ko nagpakamatay.
@cloudnine
