قلبي لكِ

الحلقه الـ1

ماذا حدث لقلبي الصغير
هل وقع في الحب ؟؟

""

.. كعدت ع صوت المنبه كمت الساعه ب7:30 خرببب تأخرت ع الدوام كمت ركضت لازم كل يوم اترزل .. رحت غسلت وجهي ورحت بدلت نزلت شفت البيت هدوء كلها نايمه .. طلعت من البيت وأخذت تكسي ورحت للمستشفى شفت دكتور علي گبالي

.. نور ليش متأخره
.. اعتذر دكتور بس أخذتني النومه
.. مااريد هذا الشي يتكرر اليوم رح أسامحج لكن انتِ هواي تتاخرين
.. اسفه

رحت لغرفه الممرضين حطيت جنطتي ولبست السدريه اجت زهراء صديقتي

.. حببب صباح الخير
.. هلا صباح النور

بديت اشتغل لحد الساعه ب7 المغرب رجعت للبيت فد اكره اصعد تكسي شكد تافهين ويععع .. سلمت ع امي وابوي جاي يصلي صعدت بدلت ملابسي .. نسيتتت اعرفكم عن نفسي

.. انا نور عمري 24 سنه لكن ابدا مايبين عليه هذا العمر كلها تشوفني تكول عمرج 17 سنه .. عندي 2 اخوان واحد

طالع بالخارج يدرس والثاني بالاعداديه وعندي اخت وحده متزوجة .. اخوي الجبير اللي يدرس بالخارج متزوج وصارلي 3 سنين ماشايفته مجرد اتصل عليه عنده 3 اطفال

واختي اكبر مني متزوجة وعدها 2 اطفال و صمد اخوي يداوم خامس إعدادي .. ابوي يشتغل بمعرض ويه جدي وامي مخلصه ثالث متوسط واهلها بطلوها .. عمامي شيوخ

انا الوحيده اللي مااحب أختلط بيهم شكد متخلفين و لازم البنيه تحت امرهم ويععع .. انا مامحجبه وابوي عنده عادي بس عمامي دوم يكولون لأبوي خلي اتحجب بس بابا يكلهم ع

راحتها .. ماما كلش حبابه ولطيفة واعشقهااا هيه روحي من الدنيا وابوي همم كلش احبهممم حب موطبيعي حيث اكتل روحي علمودهم .. ابوي من اهل العماره وامي من اهل

بغداد .. حياتي حلوه وهادئة عندي علاقه ويه بنات عمتي مو كلش قويه لكن نتراسل و عندي خالة متوفيه وخال واحد متزوج وعندي علاقه بناته كلش احبهم وقريبات الي انا خالتي المتوفيه عدها ولد بعدين رح تعرفون هوايي احداث .. وانا اشتغل بمستشفى """ الكل يحبني لان اضحك واسولف ودمي خفيف مااشيل بكلبي ع احد وبسرعه اكون صداقات ..

يلاا خلصنااا تعارفف بعدين تتعرفون عليه اكثررر ..

نزلت شفت امي تنظف بالمطبخ ساعدتها بدينا نسوي عشه .. تعشينا وابوي طلع للمعرض وانا رحت ادرس اخوي لان ماما مابيها .. بديت اشرحله رياضيات خلصت منه ورحت خابرت زهراء بدينا نسولف وضحك وطلعت ملابس باجر البسهن للدوام ..

كعدت ثاني يوم من وقت واخيراً اليوم ماتاخرت راحههه نفسيه .. اخذت تكسي نظراتهم خايسه ويععع وصلت

للمستشفى وبديت اشتغل لان كلشش احب شغلي شفت المريضه نور نفس اسمي صغيره ومريضه عدها فتحه بالقلب بديت احجي وياها ونضحك لان اليوم عمليتها .. بدت

العمليه ومتت تعب لان انا اجيب اغراض واروح منا واجي منا تعببب رحت لغرفه الممرضين وذبيت روحي ع الكرسي شفت الساعه ب9 بالليل بدلت وطلعنا انا وزهراء سوه اجه اخوها وصلنا .. رحت لبيتي شفت امي تصلي رحت بستها كالت

.. يمه كلبي ضَل ياذيني خفتتت عليج
.. ماما انتِ تعرفين هذا شغلي لا تخافين مايصير بيه شي
.. روحي بدلي علمود تاكلين

رحت بدلت ونزلت اكلت وغسلت الماعين ورحت ادرس صمد لان منتظرني ادرسه .. درسته كيمياء لان عنده امتحان نصف السنه ..

يتبععع
شلونكم ؟؟
عجبكم البارت ؟؟.
ادري قصير بس عندي امتحان ولازم اروح ادرس ..