قلبي لكِ

الحلقه الـ3

#قلبي_لكِ

""

.. هلاا بيك عمي
.. شلونها امي

.. عمي انته هسه تذكرت عندك امك
.. وليد محتاج شي
.. هههه عمي انته جاي تضحك عليه لوشنو
.. شبيك جاي احجي صدك
.. اشكرك عمي مامحتاج شي
.. خلي اشوف امي
.. تفضل

دخلنا للبيت وسلم ع خالي وراح سلم ع جده

.. وخرر عني لا اعرفك ولا تعرفني
.. يمه اسفف
.. وليد طلععه بره

ضلت تصيح وتبجي خفت لا يصير بيها شي كتله
.. عمي روح خلي تهدء وغير يوم تعال

راح عمي وكعدت يم جده شوي هدئت كعدت يمها ادرس .. خليتها تنام ونمت يمها كعدت ثاني يوم نفس الروتين اروح للمدرسه وبعدين ارجع اروح للشغل وارجع للبيت بالليل ..

اجو عمامي يردون يأخذون جده مني انا اعرفهم ليش يردون يأخذوها .. جده عنده ورث وعنده املاك لكن لازم يعبر عمري 18 واكدر أطالب بأملاكها جده رفضت تروح وياهم ..

وراحو قدمو بلاغ انو انا مجاي اقدم الها كل احتياجاتها وصدك اخذوها مني صرت وحدي مايخلوني اشوفها .. كلش تعبت نفسيتي جنت كاعد بالسطح بيت خالي واشوفها دخلت

عليه ولابسه الحجل برجلها ويطلع صوت ولابسه بنطرون وتشيرت وطالعه أيديها اجت تركض وكفت كبالي

.. وليد
.. روحه
.. شبيك
.. شبيه
.. انته زعلان لان جده راحت
.. بس هيه ضلت عندي وراحت
.. اكيد رح ترجع
.. ان شالله

اجت لزمت ايدي شفت أيديها صغيره وناعمه كالت
.. لا تزعل انا هنا
فتحت ايدي وحطت گلاده فضيه

كعدت ع الكرويته مشگگه موجوده بالسطح جريتها لحضني كالت
.. من تشوفها تتذكرني
.. انا كل ليله اتذكرج
.. هيج احسن

ضحكت وكتلها
.. مشتاقلج
.. هاا
.. يمتى تكبرين
.. انا جبيره عمري 14
.. اخخخخ ولج حليانه

اباوعلها مثل الغيبه تباوعلي هههه نظراتها حلوه لمن اباوعلها انسى كل حزني وتعبي بستها بخدها وكالت
.. عيببب انته جبير
.. واذا الجبير مايبوس بنته

.. ليش انا بنتك
.. بنتي وروحي وگلبي
.. وليد
.. كولي بت گلبي
.. انته ليش هيج تحجي
.. شلون
.. يعني تتغزل بيه
.. ههههه والله كبرتي وتعرفين الغزل

سمعت خالي يصيح عليها راحت تركض واشوف حركاتها ولمن ركضت هايي البنيه صارت النفس اللي اتنفسه نزلت جوه وبديت ادرس اجت يمي وبيدها استكان چاي ولزمته بأطراف أصابعه وشوي شوي تمشي علمود لا يطيح اجت كبالي وكالت

.. هذا خاله ودته الك

تقصد زوجة خالي .. كعدت يمي وهيه تباوع للكتب .. كالت
.. انته صرت بالخامس
.. ايي
.. بعدين تصير بالسادس
.. ايي
.. تدري الثاني متوسط صعب
.. لازم تدرسين علمود تنجحين النجاح هو سلاحج حتى تكدرين تتخطين كلشي

.. بس مابيه ادرس
.. باعي الدراسه شي مهم ولازم تدرسين وتعبين ع نفسج حتى تتخطين كل المصاعب ورح يكون عندج شهادة هواي اشياء رح تتغير بحياتج

.. زين شلون يصير عندي واهس ادرس
.. شوفي بويه انتي كلشي متوفر عندج واهلج يحبوج لازم ترفعين رأسهم بيج .. وشلون يصير عندج واهس لا تلزمين التلفون وكت الدراسه وأبدي درسي وكعدي وحدج درسي حتى تكدرين تفهمين الدراسه و آذا مافهمتي موضوع تعاي الي وانا اشرحه الج و لازم يكون عندج هدف حتى تكدرين تكملين دراسه لان بدون هدف مارح يصير عندج واهس تدرسين

.. اهاا انته شنو حلمك
.. اصير ضابط وانتي
.. اصير ممرضه وأساعد العالم لان ذاك اليوم رجعت من المدرسه وشفت مره جبيره طاحت بالارض ورحت ركضت الها بس ماعرفت شلون اساعدها وضليت أصيح واجو العالم الها ..

.. ان شالله اشوفج احسن ممرضه
.. هههه واذا وأحد آذاني اجيك وانته تحطه بالسجن
.. ههههه من عيوني
.. بس بيت ام مرتضى جيرانه ابنها ضابط و استشهد
.. وكت شخص يصير ضابط مايهتم للموت

.. بس اذا متت هواي عالم رح يبجون عليك
.. وانتي ؟؟
.. لا تحجي هيج تره ازعل

اجت حضنتني بستها بخدها وكتلها
.. اخخخ يابويه طركاعه انتي

كمت وكفت وسويت تحيه كالت
.. سيدي

ضحكت على تصرفاته جريتها بحضني وكعدي امسد ع شعرها اخخ مو جمال طركاعهه

.. بنيتي
.. ها
.. ماكو شي

شفته تباوعلي بنظرات بريئه .. بستها بخدها واجت نجمه وراحن يلعبن سوه بديت ادرس خلصت دراسه وأخذتها لبيتهم رجعت نمت ..

اجه اليوم اللي صار عمري 18 وبديت ادرس للسادس حتى اجيب المعدل اللي اريده افتقدت جده هوايي صارلي 8 اشهر ماشايفها ولمن اروح يطردوني .. اجه اليوم اللي صار

السقوط وبدت الانفجارات و الحرب .. بوكتها جبت معدل 90‎%‎ بسبب اللي صار سافرنه لتركيا انا وخالي و زوجة خالي .. وحسب علمي نوره هم سافرت بس مااعرف وين جان بالي يم جده وشصار وياها ..

رجعت للعراق بسنه 2004 طلعت بسنه 2003 وبديت ادوام بجامعه البصره للضباط .. وجان خالي من اول الداعمين الي .. اشتغلت بمحل ملابس وجنت انظم وقتي بين الجامعه والشغل ..

يتبع

رايكممم بالبارت ..!!