قلبي لكِ

الحلقة الـ10

#زاي_الربيعي

ويَنشدوني عَلىٰ الشيبات
هَذن ثأر الحَزن والألم والحَسبات
لِهمَوم الليَالي البيها عَيني تَبات
لِدَموع اليتَامىٰ تعَيش بِالشوغات
للفاگد عزيزة الماتَ بِالحَسرات
يَنشدوني عَلىٰ الشَيبات
للچانن شِواخص صَارن مَحدبات
زَهرٱء ٱلدَلفي.

"" نور

كعدت الساعه ب10:30 ورحت للصالون ، سويت تسريحه كلش بسيطه و مكياج خفيف ، سمعت صوت السيارات والهورن مالت السياره ، عرفتهم اجو ، اندك باب الصالون وراحت امي فتحته ، رحت وره الباب اجه باسني من جبيني وام الصالون تصور ، رحت لبست عباء وغطيت وجهي وكفت يمه

وليد : من رخصتج خويه مااريد ولا صورة تنشريها ومسحي كل الصور

ام الصالون : شدعوه بس عيونها
وليد : ماكووو ولا صورههه ومسحي صورها من تلفونج

ضلت امي يمها حتى تمسح الصور لزم ايدي وضغط عليها ، هذا شبي يحجي هيج قابل بس عيوني تبين ، صعدت بالسياره رفعت العباء من وجهي

وليد : نزلي
نور : شبيك اختنكت ليش هيج حجيت ويه ام الصالون
وليد / نجبي شنو تردين تنشرين وجهج
نور : هو بس عيوني
وليد / نجبيي بعد بس نشري ****
نور : عزااااا شنووو هايي شبيك

درت وجهي من الخجل نزلت العباء ع وجهي والعب باظافري

وليد : طالعه تشگين
نور : شُكراً

انتبهتله بس يباوعلي نزلت راسي ورجعت العب باظافري اخذ ايدي ولزمها ، وصلنا لبيتنا واجه فتح الباب ولزم ايدي دخلني للبيت وراح ، حسّيت نفسي ملكة لان تصرفاته تخليني احس نفسي فد شي حلو ،

نزعت العباء وكعدت ع الكوشه ، واجن النسوان يبوسن بيه ، اجت جده و زوجة عمه ، كمت وكفت بست ايد جده وبست رأسها

جدة : ولج نويرههه خبلتي الولد بجمالج

ضحكتت لأن سوالفها كلش احبها ، اجن اثنين بنات باسني عرفت بنات عمه ، رجعت كعدت وجده كعدت يمي هيه و العوچيه مالتها ، بدت الركص والهلاهل ، وشفت زوجة

خالي اجت تبوس بيه شكثر مشتاقتلها كمت حضنتها وبنت خالي ، اجت كعدت يمي وتسولف ، سمعت اجه السيد كمت كعدت وره الباب وبده يقره ويحجي ، كلش متوترة واخيراً انا وياه سوه ، لكن خايفه يخرب زواجنا خايفه يبتعد خايفه هوايي ،

الشيخ : نور ** هل توافقين بالزواج من وليد **

سكتت وبديت ارجف لأن مااعرف شنو ارد ولساني سكت ، اجت امي تهديني وتعدل شعري

نور : نعم اوافق

وراح گال اله نفس السؤال وسمعت صوته الرجولي و الخشن لمن كال ( نعم اوافق ) ابتسمت ودموعي نزلت ، امي تبوس بيه وتحضني واجت زوجة خالي ، رجعت ع الكوشه وهو دخل ولابس ستره اسود وقميص ابيض وشعره رافعه

ليفوك ، اجه باسني من جبيني وباسني من خدي ، نزلت راسي من الخجل والكل يباوعلنا ، بده يلبسني الذهب ولبسني أسوار وباس ايدي .

اجت نورس بنت عمه تطلب نركص ، لزم ايدي وبدينه نركص حط جبينه ع جبيني وكال

وليد : يا ريحة هلي ، يا جنتي ، يا عمري ، واخيراً صرتي حلالي ...
نور :  احبك بكثر السعادة اللى احسها وياك ...
وليد : دُمت لي شيئاً جميلاً لا ينتهي ...

ابتسمت ع كلامه اللي خلاني احس صدك نفسي ملكة ، باسني من خدي ، كعدنا سوه وهو لازم ايدي ، اجت نورس تصور ويانا ، طبعاً زهراء كل كاعده وماتحجي ، صورنه

وهو طلع ، كمت اركص انا و بنت خالي نجمة ، خلصت الحفلة ، صعدت لغرفتي سبحت وبدلت حطيت راسي ع المخده واجت رسالة شفتها من وليد كاتب

"" ياِل عينيك ، قمِرين اجتمعا في وجه واحد

ضحكتت ، كتبت

"" حبك الي احلى شي صار ويايه
"" انا اتنفسج
"" كول احبج

دز صوتي وهو يضحك كتبت
"" ليش تضحك
"" ماتكفي هاي الكلمه انا اتنفسج واهواج
"" لعد كول الي احبج بنيتي
"" اهواج بنيتي

ضحكتت سديت التلفون ونمت ، كعدت ع صوت المنبه عندي عمليه اليوم ، كمت بدلت وشفت رسالة منه

"" صباح الخير ، اليوم ترحين للشغل
"" صباح النور ، اي عندي عملية

وره 3 دقايق كتب
"" ربع ساعه انا يمج

رحت اكلت وعدلت شعري وطلعت لكيته بالباب ، صعدت باسني من خدي

نور : عيب العالم
وليد : علمود يعرفون انتِ مالتي

ضحكت ، وصلنا للمستشفى نزلت ودخلت والبنات كلهم يباركولي ، رحت لبست السدريه ورحت لغرفة العمليات

يتبع ..