أنه شناسي ؟
أحط راسي وأريد أغفىٰ ..
وألف شغلة تجي براسي ،
أضّل أتلمس بگلبي
أضل أحسب ..
عددهن كامل جروحي
كلشي أتذكرت
ما ناسي بس روحي !
- زاي الربيعي
"""
وليد .. جنت كاعد بالمركز انا وصديقي اجاني اتصال رديت واسمع صوت ريماس تصرخ ،
ريماس : الحككك نوررر و رضااا كلهم دم
وليد : شنوووو
سديت التلفون و ركضت للبيت دخلت واشوف الصريخ تقربت ، شفت نور و رضا كلهم دم تخبلت ركضت شلت نور وضليت اضرب بخدودها ، درت وجهي واشوف رضا شلتها بس مابي نفس
وليد : كوميييي اخذيييي وياييييي بسرعههه
شلت نور و ريماس شالت رضا ، وركضت للمستشفى انتظرت دقايق وطلع الدكتور كمت
وليد : ابني و مرتي شلونهم
الدكتور : البقيه بحياتكم الطفل توفى
من سمعت هيج تهسترت وضليت أصيح و اضرب بالحايط حسّيت ايدي كلها دم ، دخلت لغرفته ورحت شلته
وليد ؛ رضاوي حبيبي ليش رحت ليش عفتنا انا وأمك ، تعرف امك شكثر جانت تنتظرك ليشششش
اجه الدكتور اخذه مني ، ورحت لنور وكفت بالباب ، وره ساعه طلعت الدكتورة
الدكتوره : لازم ندخلها عمليات
طلعت نور وحاطيها بالسديه ، اخذوها لغرفة العمليات ، جنت بس انا وريماس بالمستشفى اجت ريماس يمي
وليد ؛ منو اللي سَوى هيج
ريماس : جنت انا وجده بالسوگ ، من دخلت محد جان بالبيت بس هيه وشفتها كلها دم هيه و رضاوي
سديت ايدي حيل حجيت بحده ؛ اكيددد زهراء الملعونة ماكو غيرها .
رحت خابرت ع الشرطه يدورون عليها ودزيت صورتها وبده البحث ع زهراء ، طلعت الدكتوره ركضت الها
الدكتورة : اعتذر ع الخبر اللي رح تسمعه
وليد : احجي دكتورة
الدكتوره : المريضه دخلت غيبوبه
وليد : شنوو شكد تضل نايمه
الدكتوره : والله مااعرف طبعًا انصدمت هيه عاشت هذا بفضل ربك
راحت الدكتوره وانا كعدت ع الكرسي وحطيت ايدي ع راسي ، مر ساعه ورحت اخذت رضاوي للنجف دفنته وبدت الفاتحه ، جنت كاعده ع الكرسي واجاني اتصال من صديقي الضابط
احمد : السلام عليكم
وليد : وعليكم السلام بشرر لكيتوها
احمد : حاليًا عرفنه هيه شارده لبابل وبده البحث هناك ، لذالك اطمن مارح تكدر تشرد ، و كل السيطرات بلغتهم بيها
وليد : المُهم تلكوها
سديت التلفون ، مرت الفاتحه ، ونور بعدها حالتها نفسها ، جانت ريماس دوم يمها وماقصرت ، رحت للواجب وره اسبوعين رجعت ، كعدت ع الكرسي يمها
أنت تقرأ
قلبي لكِ
Mystery / Thrillerطيبة القلب وحبيبة الكل .. عاشت حياة حلوه بين عائله جَميلة .. تَحب تساعد العالم واشتغلت ممرضه علمود تساعدهم وتكون وياهم .. قوي و قاسي .. لَكن تعب هواي بحياته عاش يتيم تحمل كل انواع العذاب .. رجل بمعنى الكلمه محد يكدرله كلمته وحده ماتصير اثنين .. عاش...
