قلبي لكِ

الحلقه الـ5

اتاخرت عذروني ، بَس بسبب الدراسه والانشغالات وان شالله رح استمر ، اتوقع برمضان رح يكون التنزيل يومي ، يعني حسب اذا مچان عندي شي انزل وره الفطور يومياً .. وحابه اگلكم رمضان كريم 💝😫 .

""
وليد يگول لـ نور :

طال الغياب ، يمتى عيوني تلتقي بعيونج
واشوف طولج ، و شعرج الطويل
و جسمج ، و اسمع صوتج
يا نور حياتي
و نورة گلبي

""

نور .. جنت كاعده بغرفة الممرضين ميته تعب ، اجت زهراء ممرضه وياي كالت

.. كومي بسرعه اجت حاله الدكتور يصيحلج
لبست حذائي (تكرمون) لأن نزعته ومديت رجليه ، ركضت لصالة العمليات لبست السدريه وبديت العمليه طولت 5 ساعات متت تعب حسّيت رح يغمى عليه ، بس المهم الرجال بخير ، رجعت للبيت شفت ابوي بالصاله سلمت عليه كال

.. تعاي كعدي هنا
.. ان شالله

رحت كعدت كباله و صمد كاعد و امي هم ، كتله
.. شصاير
.. انا مااريد تشتغلين بهشغل
.. ههههه بابا انته صدك تحجي
.. يي وابن عمج يريدج

ضليت اباوعله مصدومه ، ولد عمي و عمامي بدو يلعبون براسه ، وكال
.. وتلبسين حجاب
.. ليش
.. انا كلت اللي عندي وابن عمج احسن من الغريب
.. بابا انته شنو جاي تحجي من يمتى وانته تجبرني ع شي مااريده

.. من هسه اجبرج
.. انا ماالبس الحجاب لازم اكون مقتنعه بي ، لأن مااريد اشوهه الحجاب ، لازم اكون راضيه بي ومقتنعة ، اما ع ابن عمي انا مااريده اخوانك كلهم بالمخدرات ومايخافون الله وأخوك داخل 4 مرات سجن ، بابا انا مستحيل اتزوج شخص ما مقتنعه بي

.. انا انطيتج وجهه هواي ودللتج لكن لهنا وكافي فهمتي ، تتزوجينه غصباً عليج
.. انا اريد ارتاح مو وكتهه هالكلام

ردت اروح وحسيت انجريت من شعري شفت ابويه دفرني بالارض وضربني برجله على بطني حسّيت طلعت روحي وضربني راشدي وكال

.. مااحب البنيه اللي تكسر كلامي

اجه صمد يوخره عني لكن ضربه ودفع امي ولزم شعري كتله
.. مستحيل اخذهههه
.. رح تاخذينه غصباً عليج
.. مااخذه