قلبي لكِ

الحلقة الـ22

وحِسبالي من ابتعد
تتعنه لدياري..

تترسني وينك مختفي،
ظل بالي..

كل ضني اهمك صدك
وتهمك اخباري...

""

جنت كاعد أغسل ماعين وبطني بدت توجعني ، كعدت على الكرسي الموجوده يم الثلاجة حطيت ايدي ع بطني ، فجاة شفت دم جوه رجليه ، متت خوف صرختت

،، ابنيييييي يمهههههه

ومن بعدها ما حسّيت بشي ...

"" ريماس

جنت كاعده ادرس احياء لأن انا سادس واسمع جده تصيح
،، وليد وليددد الحكككك

ضلت تصيح رحت الها
،، جده شصاير
،، ولججج ركضي لوليد نور بالمستشفى صاير عدها نزيف

ركضت دكيت الباب وصحت
،، وليد الحككك نور بالمستشفى صاررر عدها نزيف

شفت طلع وما لابس تشيرت صدره طالع جان نايم بالبنطرون وعيونه منعسه لزم ايدي بقوه حسّيتها راحتتت ايدي

،، شبيها احجيييي
،، بالمستشفى عدها نزيف

راح ركض دخل للغرفه لَبْس قميصه ونزل وهو يقفل دكم القميص شأفته جده

جده: خلي اروح وياكك
وليد: جده مستعجل
جده : اخذ ريماس علمود تطمني انته اعرف ماتخابرني

باوعلي وكال
،، انا بالسياره بسرعهههههه

رحت ركضت لبست صايه وحجابي وأخذت موبايلي وصعدت وياه ، وصلنا للمستشفى وهو يمشي سريع ، شفنا من بعيد خاله سرى و صمد و عمو

وخطيه خاله بس تبجي رحت حضنتها و وليد بس يصيح
وليد / ليششش محد يخابرني

اجه عني كباله
،، لكككك اسكتتت عايف بنتي عندي وماتدري عنهااااا اناا شلون وثقت بيككك وانطيتك بنتي ساعة الشيطان لعب بعقلي وخلاني ادخلللل السجننن

وليد ضَل ساكت وسند نفسه ع الحايط ، طلع عدها ولادة مبكرة وساعات احنا ننتظر لحد ما نسمع صوت صريخ طفل ، وليد تقدم على الباب وهو يضحك ،

خطيه خاله سرى من الفرحه حضنتني وتبوس بيه و عمي حضن صمد رحت تقدمت على وليد

، الف مبروك ابو رضاوي

باوعلي وابتسم بدون مايرد ،، طلعت الدكتورة ، والطفل بخيرر وأخذوه للخدج و نور نايمه

رحنا للخدج واحنه نشوف الطفل ، احمر من الصريخ و البجي ، وليد دخل يم نور ودخلت وياه كعد ع الكرسي وهو لازم ايدها وهيه نايمه

وليد : حبيبتي اجه رضاويييي
باسها من رأسها وباس ايدها وباسها من خدها ، خطيه فرحان ، حسيت بيها فتحت عيونها وضلت تباوعله

نور : وين ابني
وليد : بالخدج ، الحمدالله ع سلامتج
نور : الله يسلمك

رحت بستها
ريماس : الف مبروك والحمدالله ع سلامتج
نور : الله يسلمج حياتي

دارت وجها لجهه الثانيه ، عرفتها زعلانه من وليد ، انا طلعت من الغرفه عيب أتدخل بينهم ...

"" نور

لمن كعدت شفته كبالي ، ضجت منه هواييي ، شفته لازم ايدي وخرت ايدي عنه

وليد : اسف

درت وجهي عليه ،
نور : اطلع بره
وليد ؛ هسه صيري بخير بعدين نتفاهم
نور : ماكو تفاهم اطلععع برهههه
وليد : نورر صوتججج
نور : شنو ناوي تضربني هنا

باوعلي وضل كاعد على الكرسي و ما طلع درت وجهي عنه ونزلت دموعي وانا اتذكر كلشي صار ، درت عليه

نور : اكرهككك

باوعلي مصدوم حط ايده ع وجهي ، وخرت ايده
وليد : انتِ ما تفاهمتي وياي وانا لحد الان ادور على هالساقط  ، بس اختفى كلش

نور : ماأريدك وخلي نتطلك
وليد : طلاك مااطلك

سكتت عنه لان مابيه احجي ضليت اباوع لسگف ، وعيوني ع خدي ، حسّيت بايده على وجهي وتمسح دموعي بجيت اكثرر وطلعت صوت ، حضني وحطيت ايديه على ركبته

نور : مااحبك
وليد : المُهم انا احبج

باسني من خدي
وليد : رح نرجع سوه ونتفاهم على كلشي
نور : وعمك
وليد : مستحيل يدخل واذا شفته احط طلقه براسه
نور : وليدد انا تعبانه هواييي
وليد : وانا هم تعبان بدونج

مر اسبوعين وانا بالمستشفى لان حالتي تعبانه ، واجه وقت طلعت من المستشفى ، رحت لبيت اهلي ،

مر يومين جنت جاي أرضع رضاوي وشفت رساله منه
،، اليوم رح اجي انا وجده

ابتسمت ، مشتاقتله موت رغم كلشي صار يبقى حبيبي وأبو ابني ، كمت لبست فستان لحد الركبه ويصير منفوش و حطيت مكياج خفيف

خليت رضاوي بالغرفه لان نايم ، نزلت كلت لاهلي عدلت البيت وامي راحت تغير دشداشتها ، اندك الباب رحت فتحته لكيته لازم ورد بيده و جده بالعوجيه بست راس جده

وسلم عليه دخلو جوه ضَل يسولف ويه ابوي ، بعدين الكل طلع ضلينا انا وياه ..

وليد : ناويه ترجعين
نور : بكيفك
وليد : خوش اذا بكيفي كومي نرجع

باوعتله وضحكت
نور : لااا انتظر
وليد : كومي
نور : احم وليد
وليد : شنو
نور : ؟؟

يتبعع ...