قلبي لكِ

الحلقه الـ2

#قلبي_لكِ

""

جنت كاعد ادخن جكارتي ودخل ماجد ..

.. سيدي
.. جبت الملفات
.. تفضل

بديت ادقق بالملفات دخل مهيمن صحت بعلو صوتي
.. ويننننن باقيييي الملفات
.. شبيك اهده اتوقع عند ماجد
.. شنو تتوقع شبيكم احنه مجاي نلعب احنه هنا بشغل
.. خلاص اهده هسه اجيبهن

كعدت ع الكرسي صارلي اسبوعين بشغلي عندي مهمة ولازم انجح بهاي المهمه ... صارت ب3 بالليل وانا كاعد

اباوع للخطه عفتها ورحت نمت ع الفراش الصغير اللي موجود بالغرفه الثانيه وكنتور صغير و مرايه .. كعدت ب7 الصبح وبدينا نشتغل ..

اجه الوكت اعرفكم عن نفسي ::

انا وليد عمري 27 سنه نقيب والقائد على العساكر .. يتيم الأهل من جان عمري 15 توفى والدي و امي لمن ولدتني توفت .. ماشفت منهم شي تربيت عند جدتي لان هيه الوحيده اللي احسها بقت الي عمامي احيانا اشوفهم لكن خالاتي و خوالي هواي يسئلون عني لكن بسبب شغلي مااكدر اسئل عنهم .. احب بنت خالتي من طفولتي لكن صارلي هواي ماشايفها ومشتاقتلها لمن تركتها جانت صغيره وبسبب الضروف راحت ..

نرجع للزمن قبل ::..

جان عمري 14 سنه جنت كاعد يم خالي علي چنت اسولف وياه ونضحك اجت بنت خالتي نوره هيه اسمها نور لكن احب اسميها نوره .. جان شعرها الطويل رغم عمرها 11 سنه لكن ملامحها حلوههه اجت كعدت يم خالي وتضحك وياه خزرتها جان تكول

.. وليد شبيك تباوعلي هيج تره اخاف
علي : وليد لا تباوعلها هيج

ابتسمت بدون وعي لمن تحجي اتغير هوايي وتحجي بمياعه .. رغم صغر عمرها لكت جانو ولد الجيران كلهم يركضون وراها .. جانت بيتهم يم بيت خالي واحنه بيتنا

يصير مقابل بيت خالي .. جنت عايش انا وابوي و جدتي لكن ابوي دوم يم عمامي وانا مااروح يمهم اروح لبيت خالي وهيه تجي وحدها .. اجت نجمه بنت خالي كعدت يمها وتسولف وياها طركاعههه شوف الحركات ..

رحت اشرب ماي واجه ابن خالي اصغر مني عمره 13 جان المقرب الي كال

.. تمشي نلعب طوبه
.. امشي

رحنا نلعب طوبه واجت نوره هيه و نجمه ..
نوره : اريد العب
وليد : روحي منا ماتعرفين
.. ما اريد العب
نجمه : وليد خلي نلعب

شفتها عصبت كتلها
.. تعالن

بديت اعلمها شلون تلعب صرت انا وياها فريق و نجمه و مصطفى بفريق .. بدينا نلعب جاي تلعب وطاحت ركضت الها

.. نوره
.. اخخخ رجلييي وليد جاي توجعني

ضلت تبجي شلتها وأخذتها للبيت واجه خالي و زوجه خالي حطيت لاصق لرجلها كتلها

.. توجعج
.. ايي شوي
.. ضلي كاعده لا تكومين
.. اريد ماما

باوعت لخالي وكتله
.. رح اخذها
.. اوكي

لزمت ايدها وضلينا نمشي جان لابسه فستان لحد الركبه .. وأيديها بيض و رجليها بيض وشعرها مسويه گصايب وشعرها طويل .. وصلنا لبيتهم دكيت الباب طلعت خالتي ضَل تسلم عليه وكالت

.. تعال ادخل
.. لا انا اريد اروح بس نوره رادت ترجع وجبتها
.. حبيبي اشكرك

سلمت عليها ورجعت لبيت خالي رجعنا نلعب طوبه وصار الليل رجعت لبيتنا شفت ابوي معصب كتله

.. بويه شبيك
.. هذول عمامك رح يموتوني يلا يرتاحون
.. شبيهم
.. يردون يأخذون بيتي ويكولون ابوي أشتراه وهما يردونه

رغم صغر سني لكن جنت متحمل كل المسؤليه وابوي كلشي يصير وياه يجي يگلي .. صارت مشاكل وابوي باع البيت رحنا عشنا عند خالي وابوي صار ماعنده شغل وكلش تعبت

نفسيته .. وبهاي الفتره ابوي وگع أخذناه للمستشفى وخالي يساعدنه استحيت من خالي وكلت ابدي اشتغل .. اشتغلت بمحل غذائيه لكن ماهملت دراستي وجنت اخذ كتبي وادرس

جان حلمي اصير ضابط وأخذ حق ابوي من عمامي وبديت ادرس وصرت الاول ع المدرسه كلها وهذا الشي فرح ابوي هواي صرت بالثالث وهنا جانت الصدمه لمن توفى ابوي

نفسيتي تعبت صرت مااحب اشوف احد جنت اشوف نوره تخاف مني لان صرت بس أصيح وعصبي صرت مااشوفها وتخاف تجي جده تعبت و أخذناها للمستشفى جنت اتمنى

ماتموت لان هيه الوحيده اللي ضلت عندي ... ضليت اشتغل وامتحنت دور ثاني لان بالدور الاول مانجحت جان موت ابوي صعب عليه وصرت اضوج من عمامي حتى بالفاتحة مالي خلكهم ..

درست بالدور الثاني ونجحت صرت صف رابع اشتغلت بمحل ملابس .. جنت راجع لبيت خالي وشفت نوره جاي تلعب ويه جهال المنطقه صحت

.. نورههه

اجت تركض كالت
.. شتريد
.. ليش ماتردين تشوفيني
.. انته دوم تعصب عليه مااحبك
.. بس انا جنت تعبان وضايج
.. ليش تعبان
.. ماكو شي

جانت لمن تكبر تحلى اكثرر ولابسه الأسوار بيدها ولابسه فستان ابيض لحد الرگبه والشعر مسويته ذيل حصان كتلها

.. شلونج
.. زينه وانته
.. زين مشتاقلج
.. ليش
.. انتي شبيج ثوله اكو وأحد يسئل ليش
.. شنو اكول
.. كولي انا هم
.. امم انا هم

لزمت ايدها بستها كتلها
.. نورتي
.. ها
.. انتي ليش حلوه
.. هااا

ضلت مثل الثوله تباوعلي هههه كالت
.. انا اريد اروح العب ويه صديقتي
.. منو صديقتج
.. زنوبه
.. هااا

راحت تركض لصديقتها ويلعبن لعابات .. اخخخ هاي الطفله شالعه گلبي رحت للشغل وبديت اشتغل .. جان خالي مامقصر ويانا جنت راجع للبيت وشفت عمي كال

.. شلونك وليد ؟؟

يتبع ..

شنو تتوقعون عمه يريد منه ؟؟