زاي الربيعي
""
مر يومين وحياتنا عاديه لكن انا نفسيتي بدت تسوء للاسوء و احلام تجيني حيث صرت كُلش اخاف ، وجهي صاير اصفر ومااكل هواي وشعري بده يتساقط وجسمي ضعفان وبس اتقيئ ، جنت جاي انزل من الدرج وفقدت الوعي وبعد ماحسيت بشي ...
كعدت واشوف نفسي بالمستشفى و وليد لازم ايدي و يضحك ،
وليد : واخيراً كعدتي
باسني من ايدي وكال
وليد : الف مبروك انتِ حامل
ضليت اباوعله وانا مصدومه وفرحانه بدت دموعي تنزل وحضنته
نور : واخيراً رح يصير عدنه طفل
وليد / ايي يبعد عمري
رجعنا للبيت وخطيه جده ماتقبل اشتغل او اسوي شي ، اما عمه خديجة ما عاجبها العجب وتحجي من وره خشمها جنت جاي اسبح وسمعت صوت باب الغرفه انسد صحت
نور : حبيبي انته اجيتت
ماكو اجد يرد تقدمت ع باب الحمام فتحته محد موجود ، خفت وشوي ودخل وليد حطيت المنشفه ع جسمي
نور : ليش صحت عليك ومارديت
وليد : يمتى صحتي
نور : وليد ستوه دخلت وطلعت
وليد : شبيج ستوني دخلت
سديت باب الحمام ورجعت اسبح وكلبي يدك سريع معقوله اكو واحد بالغرفه ، يالله ساعدني بدلت وطلعت شفته نايم ، رحت مشطت شعري ، و تمددت وتقربت عليه جان منطي ضهره حضنته من وره لان كلشش خايفه ، هو حس عليه و جرني لحضنه ،
كعدت ثاني يوم غسلت وجهي ونزلت جوه ، شفت زهراء تسوي زلاطه و ريماس تحط السفره رحت اساعدها ، نزل وليد وكعدنه ناكل ، صعدت للغرفه وشفت الشباك مفتوح ، منو فتحه انا ما فتحته ، يمكن وليد فتحه رحت سديته وغسلت و رحت عدلت ملابسي وحجابي ونزلت جوه ،
غسلت ماعين ويه ريماس ، صاحت عمه خديجة ع ريماس ضليت وحدي ، جاي اغسل وحسيت ايد ع ضهري درت شفت عمو كلش خفت وجاي يبتسم
نور : تريد شي
محمد : ايي
نور : شنو
لزم ايدي وانا بسرعه بعدت عنه
محمد : شبيج شنو رح اسوي قابل بالغلط لزمتها
نور : عمو انا لازم اروح
محمد : اخخ شنو هالعطر الحلو
نور : شنو جاي تحجي انته
محمد : فدوه الج
دفرته حيلل وطلعت حسّيت حرارتي ارتفعت ، هذا شبي تخبل ، صعدت وشفت وليد جاي يبدل رحت حضنته ترددت احجي وياه واخاف تصير مشاكل
باسني من شفتي وكال
وليد : افيش يا ريحة هلي
نور : هههه وين رايح
وليد : عندي شغل
نور : احم وليد
وليد : عيونه
نور : اريد موطه
وليد : من هالعين قبل هاي
نور : فديتك
باسني بخدي وطلع ، رحت بدلت ملابسي وتمددت ، نمت وفزيت ع لمسات بجسمي خفت هواي فزيت لكن شفته وليد ، ارتاحيت وحطيت راسي ع صدره
نور : خوفتني
وليد : قابل منو غيري يلزمج والله اكسر ايديه
نور : رجعت من وكت
وليد : يا من وكت الساعه ب2 بالليل
نور : صدكك
وليد : وداعتج
حطيت ايدي ع لحيته الخفيفه
نور : وليد
وليد : عيونه
نور : رح ترجع
وليد : وين
نور : يعني رح ترجع للشغل
وليد : ايي بعد يومين
نور : تره ماشفت منك شي بس اسبوع ضليت يمي
وليد : اعرف بس مايصير اطول
نور : وليد لا تروح
وليد : آيام قليله وارجع
باسني بشفتي وصار فوكي وكال
وليد : اخخخ عيونج يخبلني
نور : تره عيوني عاديات
وليد : لجج أحلى عيون اشوفهن
"""
كعدت الصبح ماشفته يمي رحت سبحت وصليت وكعدت اقره قرأن ، نزلت جوه اكلت وغسلت الماعين وصعدت ، شفت امي جاي تتصل
سرى : شلونج حبيبتي
نور : بخير وانتِ
سرى : الحمدالله شلونه وليد
نور : بخير شلونكم شلون صمد بالدراسه
سرى : والله شالع گلبي مايقبل يدرس
نور : لازم يدرس هالسنه هو خامس
سرى : شلون عمة وليد وياج
نور : ماما احسها تكرهني وتحبني ماادري
سرى : عوفيها و تجاهليها لا تعاركينها
نور : ان شالله شلون بابا
سرى : الحمدالله
نور : ماما اريد احجي وياج بموضوع مُهم
سرى : احجي
نور : باجر تعاي عدنه
سرى : ابوج مايقبل تعاي انتِ
نور : تمام اشوف وليد واجي عدكم
سرى : ان شالله يلا خلي اروح ابوج اجه
لازم اكول لامي على كلشي ، تذكرت باجر وليد يروح افف وليد افف منك ، بعني ماشفته ولا شبعت منه ، دزيت رسالة لامي
نور : ماما غير يوم اجي باجر وليد يروح
يتبع ...
أنت تقرأ
قلبي لكِ
Gizem / Gerilimطيبة القلب وحبيبة الكل .. عاشت حياة حلوه بين عائله جَميلة .. تَحب تساعد العالم واشتغلت ممرضه علمود تساعدهم وتكون وياهم .. قوي و قاسي .. لَكن تعب هواي بحياته عاش يتيم تحمل كل انواع العذاب .. رجل بمعنى الكلمه محد يكدرله كلمته وحده ماتصير اثنين .. عاش...
