قلبي لكِ

الحلقة الـ26

زاي الربيعي

""

ماكو شي والغرفه محد يدخلها ، انصدمت وحتى اكو ايّام لمن محمد تقربلي ماكو ولمن جرحت نفسي ماكو يعني نص المشاهد ماكو باوعت لوليد

نور : وليد
وليد / ها
نور : اكو بعض الفيديوهات ماكو
وليد : شلون أصلاً محد يعرف بالكاميرات

ضليت ساكته ، رحت للمطبخ اشرب ماي لان بطني ضلت توجعني حسّيت ايد ع ظهري درت وماشفت احد ، يالله شديصير طلعت من المطبخ وصارت زهراء بوجهي خفتت وردت اصرخ بس سكتت

زهراء : شبيج شني شفتي جني
نور : هاا لا ماكو شي

عبرت من يمها ورجعت لصاله ، وانا الخوف  امتلكني حطيت ايدي على بطني لان كلش توجعني من الخوف

وليد : شبيج
نور : مابيه شي يمتى نرجع
وليد : هسه نرجع

زهراء صعدت لغرفتها و خديجة صاحت
خديجة : شفت ماكو شي ضليت تحجي علينا واحنا مالنا دخل

وليد  باوعلي وكال
وليد : كومي نرجع للبيت
نور : تمام

رحت شلت رضاوي وسلمت ع جده ، وصلنا للبيت رحت سبحت وبدلت طلعت من الحمام شفت وليد متمدد رحت يمه وحطيت راسي ع صدره

نور : وليد
وليد / شبيج
نور : اكو فيديوهات ماموجودة
وليد : جاي اكلج محد يعرف
نور : ماادري بس اكو
وليد : وشنو اللي يخليج متاكده

كمت وكتله
نور : فد يوم محمد حاول يعتدي عليه ماموجود
وليد : شنو صار بهذا اليوم

حجيتله كلشي وهو مصدوم خابر على واحد ويحجي وياه ، ماسمعت شنو يحجي لان طلع بره ، اتوقع احد يعرف لان مامعقوله الكاميرات مامصوره

"" في مكان اخر ...

،، ههههههههههههه لا تخاف عليه ، خطيههه هسهه هيه كاعد تكول لوليد اكو احداث محذوفه بس مارح تكدر ، وهسه وليد جاي يخابر علي ابو الكاميرات لكن رح يكوله ماكو محذوف انا اتاكدت هههههههههههه

انفتح الضوء ودارت وجهه بخوف وشافت خديجة ارتاحت وكالت
،، بابا بعدين اخبارك بايي

خديجة : ولججج زهراء انتي طلعتي مو طبيعيه والله انتي كفو

زهراء : هههه شعبالج

تقدمت وتباوع من الشباك
زهراء : وليد بالنهاية الييي لمن رفضني هوايي رح يندم رح اخليههه يتوسل بيه ، وهاي نور بعدها بالبدايات

خديجة : ههههههه خوش تسوين بيها بسببها انطرد ابوج
زهراء : مثل ما حطيتلها السحر رح احطلها واحد بيتها الجديد ، ومثل ماخليت ابوي يعتدي عليها هممم رح اخلي ابوي يطلعلها باحلامهااا هههههه

خديجة : عفيههه عليججج
زهراء : بقت خطه وحده ولازم اسويها
خديجة : شني هيه
زهراء : انتظري وشوفي

دخلت ريماس عليه وزهراء صاحت
زهراء : شبيججج ولججج غير تدكين الباب
ريماس : نجبي انتي ماما جده تريدج
خديجة : اهوووو هاي العجوز يمتى ارتاح يمها

ريماس : شبيج ماما
خديجة : وخري من وجهييي

راحت خديجة و ريماس تقربت ع زهراء
ريماس : زهيره احسلج لا تلعبين بالنار
زهراء : ليش عيني انا شسويت
ريماس : اناا اعرففف من حذف الكاميرات لا تلعبين عليه لا عبالج صغيره وتلعبين عليه

زهراء ضربت ريماس راشدي و لزمتها من شعرها
ريماس : شلون تضربيني
زهراء : باعييي ولجججج اموتججج بس تحجين شي والله اشمرج من السطح

ريماس : والله انا كلشييي اتوقع منج
زهراء : يلاااا ولييي مناااا

شمرتها بره الغرفه ورجعت اتصلت ع ابوها ...

"" نور

ابو الكاميرات كال اتاكدت من الموضوع ماكو حذف ، الصراحه خفتتت هواييي اكو واحد جاي يلعب لعبهه قذره ، قررنه نعيش بهذا البيت ، وره ايّام اجت جده والبنات و خديجة ،

چنا كاعدين نسولف شفت زهراء ماكو رحت دورت عليه صعدت فوك شفتها ستوه تريد تنزل باوعتلي بتلبك

زهراء / اسفهه بس ردت اشوف البيت
نور : لاا عاديي عمريي
زهراء ؛ يبعد روحي
نور : ليش انتي ماشايفه البيت

هيه سكتت ونزلت ..
استغربت زهراء يوميه شكل ، رحت شفت رضاوي يبجي رحت شلته وهو يرجف ويصرخ

،، حبيبي شبيك يمهه يعمريي
بسته بخده وهو مستمر يصرخ نزلته جوه ، انتبهت عليه يباوع لزهراء معقوله زهراء مسوي اله شي ، اخذته جده وبده يسكت

جبت الهم عصير و مكرزات ، ضلينا نسولف وحتى زهراء تسولف وياي ، شوي و راحن اجه وليد اخذهن

مر شهر و وليد كلش متغير اربع وعشرين ساعه معصب ، وحتى ذاك اليوم ضربني صار عنده عادي يضربني وانا مااحب هيج ، يعني حتى ع رضاوي يصيح ، كلشش ضليت اخاف منه ،

جنت جان اغسل المطبخ وهو دخل ماحجيت وياه ودرت وجهي راح بدل ونزل كعد ع ميز الطعام وصاح

،، شنووو اليوممم ماكوو غده
درت عليه
،، لا ليش ماكوو كلشي تريد موجود

رحت حطيت الغده اله ورجعت اكمل غسل ، شفت ياكل ويلعب بالتلفون رحت اغسل الطارمه ، خلصت ودخلت ، سمعت رضاوي يبجي رحت اله وسمعته يصيح

وليد : شنوووو يعنيييي مانرتاح انا راجع من الشعل وتعبان
رحت بالمطبخ وانا شايله رضاوي

نور : لتصيح شبيك مگلوب علينا

كام جرني من ايدي ولزم رضاوي وحطه بالارض وحطني على الثلاجة

وليد : صوتججج لااا اكصصص لسانج
نور : اكلك اذا انته ما تتحملني طلكنييي

ضربني راشدي طحت بالارض واجه جرني من شعريي
وليد : طلاككك مااطلك

عافني وراح و رضاوي يبجي وانا ابجي شلته رحت غسلت وجهي وتوضيت صليت وخلصت ورحت بدلت لرضاوي ...

جنت كاعده اكلب بالتلفون فجاة اجاني اتصال من رقم غريب
مارديت اجتني رسالة كاتب
"" حبيبي ردييي شدعوه هلكد متكبره عليه ""

يتبععع ...