قلبي لكِ

الحلقه الـ4

#قلبي_لكِ

""

وليد : بديت ادور ع جدتي لان شايلين غير بيت وشكد دورت بس ماكو الها اثر .. وتواصل ماكو وياهم بعد تخرجي خالي كلش فرح وجنت اعتبره ابوي سوي ألي اشياء محد مسويها الي عوضني عن حنان الام والأب .. بدينا نروح تدريب ونتدرب ويعلمونه ..

سنة 2007 : صرت ضابط وحياتي كلها شغل لان هاي المهنه اللي جنت احلم بيها وحققتها نوره ماكو اخبار عنها ولمن اسئل نجمه عنها تكول ماعندي تواصل وياها وخالي

يكول موجودين بغداد .. بديت ادور ع جدتي و حسب المعلومات هيه موجوده بالبصره ورحت انا و الشرطه .. وكفت كبال البيت صغير و الباب مزنجر و كدام الباب زبالة دكيت الباب بكل قوتي اجه صوت عمي وهو يكول

.. شبيك شبيك تكسر الباب

فتح الباب وضل يباوعلي .. لحيته طويله و لابس ملابس وصخه و مشگگه كال
.. وليد
.. اجيت اخذ جده

دفرته وبدون سلام دخلت بديت أصيح
.. وينهاااا جدتيييي

اجن بنات عمي و الوجهه أزرك هذا ابوهن الكلب يضربهن .. اجت بنت عمي كالت
.. وليد جده تعبانهههه
.. وينهاااا
.. بالغرفه

رحت بسرعه فتحت الباب واشوفها بفراشها والغرفه مكسره و وجهه تعبان وتگح نزلت دموعها ركضت الها

.. جده
.. وليد

تحجي بالكوه حطيت ايدي ع خدها كلت
.. جده انا اجيتت شوفي

كمت وكفت وجنت لابس ملابس الشغل تشيرت اسود و بنطرون جيشي و الستره جيشي وخالها مفتوحه ضلت تبتسم وبالكوه تحجي كالت

.. شفتك قبل لا اموت هسه اكدر اموت  مرتاحه
رحت لزم أيديها وبستها
.. جده لا تحجي هيج انا دورت عليج وهسه لكيتج ومثل ماوعدتج كتلج رح اخذج وهسه منو يمنعني

.. ماانطيتهم شي ضلو ماينطوني اكل ومايخلوني اطلع
.. شنووو

كمت طلعت صحتتت
.. وينججج زهراء

اجت زوجة عمي تركض كالت
.. ها
.. ولججج شنو هااا ليش ما تنطيني لجدتي اكل
.. انا مايدخلني عمك مايقبل

رحت لزمته من ياخة القميص كتله
.. اله اخليك تعفن بالسجن

صحت بيهم اجو اخذوه ورحت لجدتي شلتها وأخذتها بالسياره رجعت لزوجة عمي كتلها

.. حسابي وياكم ماخلص رح تتعاقبين انتِ هم
.. انا مايدخلني

رحت اخذتها للمستشفى كالو كلش تعبانه خليتها 3 ايّام بالمستشفى و جبت الها اكل ورجعت لبيتي شفت الخدامه تنظف بي كتلها

.. نظفي غرفة جدتي اليوم رح تجي
.. تامر سيدي

رحت للمستشفى رجعتها للبيت وهيه فرحانه حطيتها بالصاله كالت
.. اللهم صلي ع محمد وال محمد
.. عجبج
.. الأثاث حلو انا اعرف حفيدي و ذوقه

اشوفه بالكوه تحجي علمت الخدامه على دوه الحجيه .'
سنة 2010 بدت الحروب و القتل و الدواعش والخطف جبت

زوجة عمي وبناته عدنه رغم مااريدهم بس زوجته مالها دخل هو حقير وهيه تخاف منه خليتها خدامه للحجيه وبناتها مايحجن .. بديت اسافر و اروح بمهمات صارلي شهرين مارجعت للبيت وكله شغل

هواي من جماعتنا راحت هواي اشياء تعلمتها خلال فترة حياتي خلتني اعرف الحياة شنو والعالم اللي بيها كلها منافقه وجذابه

صارت حياتي شغل و جنت بالأنبار وانا مااستخدم تلفوني لكن اتصلت اعرف اخبار جده وكالو انو هيه بخير ومرتاحه لكن جاي يرتفع ضغطها لان انا ماموجود ..

انا  اعرفها هواي تضوج لان انا ماموجود ويضل بالها يمي .. وتنتظر ارجع ، تصاوبت بجتفي ومره تصاوبت بظهري خلال هاي 4 اشهر هواي احداث صارت .. 3رصاصات دخلت بيه لكن الله وياي ويساعدني بكل لحظه

رجعت للبيت بعد غياب 5 اشهر وأخذت اجازه اسبوعين ورجعت اداوم ..

اما عمي طلع من السجن واجه عندي عاش لكن خليته خادم عندي اله اخليه يتعلم منو وليد .. ولمن رجعت شفته ماخذ راحته بس خليته يتحسر لان مااكدر اخلي جده وحدها وانااسافر ..

يتبع ...
خلصنا احداث اللي صارت ويه وليد .. والبارت الجاي مشوق انتظروو ..