قلبي لكِ

الحلقه الـ6

شلونكم شخباركم ، من هذا البارت رح تبدي
الأحداث ، وانشالله يكون البارت حلو
ويعجبكم ... ♥️💪🏻

""
كلام نور الـ وليد :
كان اللقاء الاول بعد غياب ،
ولقاء عيناك الجميلة ،
وان اسمع صوتك ،
انا متعبة بدون صوتك ،
اجد الحب معك ،
تعبتُ كثيراً ،
لا اجد من يفهم ماذا بداخلي ،
فقط انتَ تعلم ،
انت منقذي من كل الذي يحصل ،
فقط انتَ ... 💝

""

نور .. حطيت عيني بعينه ، تقدمت عليه لكن ماكدرت امشي ، انتبهت فقط امي و صمد موجودين ، لمن ماشفت ابوي ارتاحيت ركضت حضنته ، امي تعرف احبهه وأريده هو ، حط ايديه ع ضهري دموعي نزلت كتله

.. وليد
.. نوره

صوته متغير وصاير خشن ، طولان هوايي لحيته خفيفه اسمر وشعره خفيف ورافعه ليفوگ ولابس الزي العسكري لكن فاتح الستره وتشيرت اسود ، بعدت عنه وباوعت لعيونه

.. مشتاقتلك
باوعت لامي كالت
.. اخليكم وحدكم

امي كلش تحب وليد ، تحبه حُب مو طبيعي حيث اسمعها فقط تدعي اله تحبه اكثرر مني ، حطيت ايديه ع ركبته وعيوني بعيونه مشتاقتله واخيراً اجه اليوم اللي التقيت بي هو هواييي متغير حيث ماينعرف لكن انا أميزه بين الف شخص ..

.. ليش عفتني ليش
ضربته ع صدره بخفه كال
.. رجعت
.. صرت ضابط
.. اي

عيونه بيها هواي كلام أحسه متألم وتعبان كتله
.. شبيك
.. يمج انسى كل تعبي وشوفتج خلتني انسى كلشي وأفكر بيج نوره انا حتى بالأحلام اشوفج انتِ شاغله بالي اخخ يمتى كبرتي ، بس واخيراً كبرتي وصرتي مره .
.. وانتَ تغيرت هوايي وصاير شطولك

اوصل لصدره لان هو طويل رغم انا موقصيره طولي 160 لكن هو طويل هواييي ، كعدنه ع القنفه وباس ايدي وكال

.. ردت الي الروح
نزلت راسي ، كدامه انسى كلشي اريده اكوله انساه رغم جنت محظره كلام هواي لكن كلشي نسيت ، وشوفته تكفيني ..

اجت امي كالت
.. اجه ابوج

باوعتله وأحس نفسي طايره من الفرح ومااريد اكوم باس ايدي وامي جرتني ، بابا مايقبل التقي ب وليد ، سمعت صوت بابا يرحب بي ويسلم عليه صعدت بدلت ملابسي ، لبست تراك وشعري ضفيره ، نزلت اساعد امي بالغده تقربت ع باب الصاله وأسمعهم يحجون عن الضباط ، اجه صمد كال

.. يلاا الغده

بديت اودي الغده انا وصمد واباوعله واشوفه مايباوعلي وعينه بعين ابوي ، وعيني ماخذه راحتها وتباوعله ، لان بس يباوعلي ارتبك واتوتر من طفولتي هيج بس يباوعلي أتوتر ، راح ويه ابوي يغسل ، صمد وبابا و وليد ياكلون وانا وامي بالمطبخ .

اخذت الماعين وبديت اغسلهن سمعت رح يروح ضجت هواي و وكفت باب المطبخ حتى اشوف من يطلع من باب الصاله ، شوي وطلع وابوي وراه ابوي ضَل يخزرني دخلت جوه ، اف ماكدرت اشوفه كلت لامي

.. ما خلاني اشوفه
.. ثگلي
.. ههههه ماما على أساس انتي مافرحانه مو جنتي تدعين هو يصير الي

.. فرحانه هوايي بس لازم يصير عندج ثگل
.. ماما يا ثگل عود بعدين اصير ثگيله
.. ابوج لا يسمع
.. هو ابوي ماكو غير المشاكل وراه

دخل ابوي ويحمد ب وليد ، ويكول كدر يحقق احلامه ومن هالسوالف ، صعدت لغرفتي ضجت هواي فتحت الشباك مال الغرفه اختنگت نزلت دموعي ، دموع الفرح مدري دموع الحزن ، ماشفته هواي ومشتاقتله ...

دخلت امي كالت
.. احمم
.. اهاااا ست سراري (سرى) شنو صاير
.. شبيج تبجين
.. ماما ماشفته عدل
.. امداني يااا تبجين لان ماشفتي
.. ييي ماشفته
.. عندي رقمه

كمزت وصرخت حطيت ايدي ع حلگي كتلها
.. منين
.. هو كال انطي لنوره
.. انطينياه
.. لا
.. سراوي عمرييي انطيني

بديت ادغدغها وهيه ميتههه ضحك ، اخذت الرقم وكتبته بالفون وبسرعه رسلت رساله

" انا نور

مر دقيقتين ورد
.. اتصل ؟
.. لا
.. ليش
.. اخاف ابوي يسمعني
.. اوو عوفيي

اتصل عليه رديت عليه وسكتت ، عرفته جاي يسوق كال
.. شلونج
.. بخير وانته
.. بخير بشوفتج

ضحكت وكال
.. اشتعل عباسسس مو ضحكة ضيم
.. ههههههههههههه منو عباس
.. لجج انفضحنا ، هذا صاحبي
.. وليد

شفته جر حسره وكال
.. اخخخ شكثر مشتاق اسمع اسمي من صوتج
.. وليد
.. عمره و روحه و گلبه وليد كله الج
.. ههههه شنو هاي صاير تتغزل
.. والله جنت مااعرف بس بسببج عرفت
.. ليش بسببي
.. غير علمود بعدين من نتزوج اتغزل بيج
.. هههههه لا والله مخطط يمتى نتزوج
.. اكيدد بعد كم يوم اجي اخطبج
.. عزاااا تخبلت هسه ابوي يكول اجه علمودها
.. هو انا جاي علمودج

سكتت وهو ساكت وأنفاسه عاليه كال
.. لا تسكتين خلي اسمع صوتج
.. شنو احجي
.. اي شي

ضليت ساكته وهو جر حسره وكال
.. هم سكتت
.. ماادري شنو احجي
.. ليش ماتلبسين حجاب ؟
.. لان مااريد ومامقتنعه بي

سكت وانا هم سكتت ، اخر شي كال
.. تحبيني ؟

سكتت وتوترت مااعرف شنو احجي ، سمعت صوت ابوي يصيحلي كتله
.. بابا يصيحني

سديت الاتصال ونزلت كعدت كباله وكال
..؟؟؟

""

قفلهه لطيفه ، شلونه البارت ؟؟

#القادم_افضل