قلبي لكِ

الحلقه الـ29

زاي الربيعي

"""

مر اليوم ، يوم ثاني وليد صار احسن ، ورحنا لبيت اهله ، وبده يصيح على خديجة ، لان محد يدخل بيتنا بس خديجة وجانت خديجة تبجي وتحلف مو هيه

وليد : لجججج بعدددد عبالجججج اصدكجججج

خديجة اعترفت انو هيه مسويه السحر لكن ندمت ، وليدد طردها بس زهراء و ريماس يتوسلن بي حتى تضل راح وليد طلع من البيت وانا ضليت خطيه جده تعبت

رحت جبت دوه الها  ، اجت زهراء لزمتني من ايدي ، وتخزر وتباوعلي

زهراء : كله بسببج يا ساق** الله يموتج اكرهجججج
ضربتني راشدي بس ماتحملت وكمت ضربتها واجت ريماس وخرتها عنييي

نور : لا عبالج اسكتلج احترميييي نفسج
زهراء : ههههه مسويه نفسها البريئه وهيه ****

مااهتميت الها ، ورحت خابري وليد يجي ياخذني ، وره دقايق لكيته يمي سكتت وماحجيت بس هو انتبه بوجهي صار خطوط لان أظافر زهراء طوال واذتني اجه لزم وجهي

وليد : منو مسوي هيج
نور : شنوو
وليد : لااا تلعبين عليه اللي بوجهج شنو
نور : ماكو شي
وليد : نوررر احجييي
نور : تعاركت انا وزهراء

دفعتي وراح صعد لغرفه زهراء جان يريد ندخل ونسمع زهراء تحجي ويه واحد دار علي وكال
،، اششش

اسمعها تكول بابااا وينك و تحجي بمواضيع انصدمت منها معقوله زهراء كله بسببها هذا ، وسمعتها تكله

زهراء : بابا كله بسببها وليد عرف اكيد هيه كالت بس والله اله اخليهااا تندم واحطلها عشر سحوره مو واحد

ايي بابا ختولييي عيععع شايفه روحها ، هسه انا لازم اروح اشوف ماما خطيههه بس تبجي بسبب وليد النذل شكد جنت احبههه هسه اكرههه بس رح اخذه من عدها
ونأخذ فلوسه كلهننن والله مااخليها تتهنى بي

بسرعه دخل وليد وهيه شمرت التلفون على الجربايه راح وليد لزمها من شعرها وهيه تصرخ وصعدت خديجة توخره منها وضل يضربها انا بس اباوع لان هيه تستاهل

وليد : ولججج انتييي تلعبيننن عليههه **** ، حقيرهههه ***** اليوممم اموتججج بالعباسسس العببب بيج لعبببب ****

رحت بسرعه لزمته لان رح تموت البنيه بين ايديه هو قوي مااكدرله وهيه تصرخ وتبجي ، اخر شي عافها

وليد : خديجة اخذي اغراضج و اغراض هاي بتج و روحي وره رجلج مااريد اشوفجننن وريماس اذا تريد هممم خلي تروححح

راح طلع ورحت نزلت وراه اجت ريماس
ريماس : وليد انا مااريد اروح وياهن
وليد : انتن كلجننن مااثق بيجن روحي ويه اهلج

اجت لزمت رجل وليد وهيه تبجي
،، والله ماريدهم يأذوني دوم انضرب

رحت لزمته وكومتها
وليد : ضلييي ، نور رح نضل هنااا يم جده

راح طلع وانا ضليت خديجة و زهراء اجن نزلن و الجنط بيدهن

خديجة : حسبي الله ونعم الوكيل عليج يا س****

مااهتميت وهنا راحن طلعن ، كلشش فرحتتت انتهت المشاكل ،

"" وره فتره ""

حياتنا عاديه رجعنا نعيش ويه جده وريماس كله وياي تساعدني ، هالأيام احس بدوخه وتعب موطبيعي وحتى الشهريه متاخره عليه

نور : وليد اريد اروح لدكتوره
وليد : شبيج شصاير
نور : لاا بس تعبانه
وليد : كومي بدلي نروح

كمت لبست صايه وحجابي و رضاوي يم ريماس رحنا لدكتوره اخذنه تحاليل وضلينا ننتظر ، تالي صاحو بأسمي

رحنا وجانت تكول ،،
،، بنيتي انتِ حامل

كُلشش فرحتتت و وليد حاضني كدام الدكتورة الصراحه استحيت وضربته ع صدره بخفه ، والدكتورة تضحك

الدكتوره : مبين هذا اول طفل
نور : لا الثاني
الدكتوره : الله يحفظكم

رجعنا للبيت ، والكل فرحان بالطفل ،

يتبع ...