قلبي لكِ

الحلقة الـ25

تَذكر مِن جنت تَزعل
اذا الفظ الـ واو أبين أسامينة ...
ترد وتگول انة أنتِ
هسَ شصار؟
أنتهت عِشرة شكبرها الضال مِنها اسوار

- زاي الربيعي

""

ريماس : اجو خطبوها
نور : ياا صدك مبروك
ريماس : بس هيه ماتريد وامي تجبر بيها
نور : من يمتى السالفه
ريماس : من رحنه لنجف
نور : اذا متريد ميصير تجبروها

سمعت صوت وراي درت شفتها زهراء وتخزر تقربت عليه
زهراء : انتي شيدخلج هااا
نور : زهراء شبيج
زهراء / لا تتدخلين باشياء ماتخصج

دفعتني و راحت استغربت هايي شبيها ، لزمت جتفي ريماس
ريماس : ختولي مالج دخل بيها هالأيام طالعه عينها
نور : بس انصدمت منها

رحت كعدت يم وليد وبده وليد يحجي انتبهت لزهراء تباوع وترجف ؛ هاي البنيه مامعقوله ، وخديجة كل دقيقه و حجت صاح وليد

وليد : من احجييي محدد يحجييي
خديجة : تأمر

زهراء رادت تروح وصاح وليد
وليد : ويننن موو جايي احجييي لو ماكوو احترام

رجعت بمكانه ، وليد كمل كلامه و خديجة كالت
خديجة : اكلك احنا شيدخلنه
وليد / خديجة هاي السوالف ما يعبرن عليه
خديجة : يعني تقصد انا سحاره
وليد : باعي مالي خلكك اكعد أبرر الج الي مسوي السحر يعرف نفسههه زين وخلي يطلع نفسه لأن اذا اكتشفت من نفسي اخليه يندم

خديجة بتلبك ؛ احنا مالنا دخل روح شوف اهل مرتك يمكن هما يردون يأذوها

طفرت من مكاني
نور : قابل امي تسوي سحر انتي شبيج ماتعرفين تحجين

لزمني وليد ورجع كعدني ،
وليد : تمام اذا هيج كلكم تسون نفسكم بريئين بعدين انا اعرف بنفسي يلاا نوره كومي

كمت عدلت حجابي وشلت رضاوي وطلعت ، وصلنا للبيت رحت بدلت ردت اطلع من باب الغرفه ودخل وليد جرني وحطني ع الكنتور

نور : وخرر وليد مالي خلكك
وليد : زعلتي
نور : تكول امي مسويه سحر شنو هلكد امي تكرهني
وليد : ختولي مالج دخل بيها انا اعرف بطريقتي

نور : شلون تعرف
وليد : من الكاميرات
نور : ليش اكو كاميرات بالبيت ؟؟
وليد : ليش ماتدرين ؟؟
نور : بس انته ماكلت الي
وليد : محد يعرف بالموضوع بس عبالي گايل الج
نور : لاا
وليد : اكو كاميرات خفيه ومن صارت المُشكله بينا نسيت أتأكد من الكاميرات ، ولمن تاكدت عرفت النذل محمد ، بس والله لو اشوفه اخلي يخيس بالسجن ،

نور : بالغرفه موجود ؟؟
وليد : ايي موجود واحلى شي انا بالشغل واشوفج اللله
نور ؛ عزاااا صدك متستحي نوب ماينبهني ، ليش مارجعتني من عرفت السالفه من وره عمك

وليد : رحت لشغل وضليت 3 اشهر ولمن رجعت وره 3 ايّام رجعت لشغل وكلت اخليها ترتاح يم اَهلها بس لو شايفه العذاب اللي انا اتعذبه

ضربته ع صدره بخفه
نور : وانا ابجي بغيابك واكول يمكن نساني
وليد : اكو واحد ينسى روحه
نور : ليش هيج سويت والله تعبت بدونك
وليد : بعد شحده اللي يعوفج

""" مر يومين و وليد جاب ابو الكاميرات ورحنا لبيت جده ، وجان الكل موجود و وليد يباوع للكاميرات ، جنت اباوع وياه وشفت ...

يتبععع ...

البارت الجاي كشف الحقيقه كلهاا ، انتظروني ...