ماذا يحدث لو نظرت في عيناي ؟؟
- نظرتُ و وجدتُ الحب والأمان
ماذا يحدث لو اصبحتُ حُبي الوحيد ؟؟
- اصبحتُ وتبعثرتُ أيامي بأكملها
مادا يحدث لو تِركتُ العالمُ من اجَلي ؟؟
- تركتُ وتغيرتُ كثيرًا
هل تُحبني ؟؟
- اهواكِ
"زاي الربيعي"
شفته گبالي بطوله وهيبته وملابسه العسكرية حضنتها ودموعي بدت تنزل ،
نور : مشتاقتلك
وليد : اخخ يا ريحة هلي
ضربته بخفة ع صدره وابتسمت
نور: ليش تركتني
حضني وكال
وليد :رجعت
كُلش فرحت برجعته ، ومر يومين وحددنه موعد الزواج بعد 3 ايّام زواجنا ، رجت انا وامي نشتري بعض الاشياء ومر اليوم ، وثاني يوم هم رحنا اشترينا واتفقت ويه ام الصالون ، رجعت للبيت ميتهه تعب باجر زواجي ، كعدت الصبح رحت للصالون حطيت مكياج خفيف وتسريحه بسيطه ولبست فستاني واسمع صوت الهلاهل صعدت بالسياره وجنت متوترة كُلش هوايي ، اخذ ايدي وباسها
وليد : اجه اليوم اللي منتظره من سنين
سكتت ، وهو لازم ايدي وصلنا للقاعه ونزلني ودخلت وبده التصوير ، لان ردت تضل ذكرة كُلش حلوه ، وبدت الهلاهل والركص و الأغاني ، كمت ركصت ويه البنات ، ركصنه انا
وياه ، عشت يوم جميل ماانسى هذا اليوم ابداً ، واجه وكت الزفه رحنا لبيت وليد لأن هو راد اول ليله نقضيها هناك ، ورحنا وحدنه ، جنت كاعده بالغرفه وهو دخل جنت متوترة هواي ، ومااعرف شسوي الكل راح بس انا وياه ، اجه تقدم وباس ايدي وراسي وكال
وليد : جان العمر باهت من عرفتج تورد
نور : احبك
وليد : اهواج
قضينا ليلة وأجمل ليله بحياتنا ، كمت سبحت وهو بعده نايم ، بدلت ورجعت نمت يمه بسته بخده
نور : حبيبي يلاا گوم لازم نروح
حضني وكال
وليد : صباح العسل
نور : ههه صباح الورد
ضَل حاضني كتله
نور : يلا هسه اكيد الكل ينتظرونا
وليد / خلي ينتظرون
باسني بخدي وكال
وليد : مو خدود عسل
نور : وخر تره اخجل
كام سبح وبدل وعدلت الجربايه ورجعنا للبيت ، وجانت الهلاهل ورحت بست جده واجت زوجة عمه باستني ، افتقدت امي اتوقع ماكدرت تجي ، رحت صعدت لغرفتنا جانت تجنن والأثاث يخبل اول مره ادخل لأن مااجيت وكت عدلت امي ملابسي ، اجه حصني من وره
وليد : يلا بدلي علمود نتريگ
نور / تمام
رحت لبست فستان طويل يصير لون فضي وعدلت شعري ، ونزلت شفته كاعد يلعب بالتلفون شافني وكال
.. تعاي
رحت يمه وجرني حضني كتله
نور : عليك الله مو هنا تره عيب
وليد : مرتي وبكيفي
نور : مو هنا وخررر
باسمي بخدي وانا متت من الخجل والكل يباوعلنه ، دفعته ورحت للمطبخ شفت زهراء و نورس يحطن بالريوك
نور : بشنو اساعدجن
نورس : عمريي مانحتاج روحي انتِ
شفت زهراء ماتحجي وياي يمكن تستحي رجعت يم وليد ،
جده : ولج نويره نورتي البيت
نور : هههه بنورج جده
جده : حتى جده من صوتها غير
وليد : جده شبيج تره أغار عليها
جده : هاي من البدايه تغار
وليد : اكيد غير حبيبتي و ام زعاطيطي
نور : عزااا يا ام زعاطيطك ستوه تزوجنا
جده : ايي علمود بعد اسبوع اريدج حامل
نور : يااا جده بعدني مامفكره
جده : ولَك شوف مرتك ماتريد تجيب زعاطيط للبيت
وليد : تجيب وبطريقتي اخليها تجيب
صرت حمره من الخجل ضربته ع ايده ونزلت راسي لزم ايدي وباسها
وليد : جده هاي النفس
جده : الله يبعد عيون الحساد
جابو الريوك وانتبهت ال زهراء ضايجه ومالها خلكي ، الصراحه ضجت بس مااهتميت ، كعدنه ناكل اجه عمه وكال
وليد : لبسي حجابج
نور : يا حجاب
وليد : من عمي لبسي حجاب
نور : شبيك انا مامحجبه
هو سكت وانا ضجت منه شبعت وكمت اريد اصعد وصاح
.. وين رايحه
نور : للغرفه
صعدت للغرفه وبدلت لان ضجت من البدله وبديت امشط شعري وهو دخل اجه حضني من وره
وليد : لا تزعلين بس عمي اريدج تلبسين حجاب كباله
نور : شبيك وليد انا كدام العالم ماالبس حجاب نوب كدامه البس
هو سكت وراح تمدد ، رحت حطيت عطر وشفت رسايل من صديقتي رشا بالمستشفى تباركلي ، رديت عليه وانتيهت يباوعلي
وليد / منو تراسلين ؟
نور : صديقتي
وليد ؛ وهسه وكتهه تراسلينها
نور / ايي وكتهه
اجه جر ايدي حيث التلفون طاح ضجت من تصرفه وكتله
نور : شبيككك
وليد : صوتججج
نور : شنو صوتي يعني جاي اكلك صديقتي تراسلني
وليد/ من انا موجود ما تلزمين التلفون
نور : لا والله
وليد / نورررر
لمن يصيح نور يعني معصب وخرت منه وردت اطلع صاح
وليد : ويننن ؟
نور : انتَ مجاي تتحملني انزل جوه احسن
وليد : نوررر
نور : انشالله موت لنور هاي من البدايه وهيج تسوي لعد بعدين شنوو
اجه جرني من ايدي وقربني أله
وليد / ليش تخليني اعصب عليج
نور : وخررر عني وخر
وليد : مااريد اعصب عليج بس تجبريني
دفعته وأخذت التلفون وهو يصيح وانا نزلت شفت عمه و جده و البنات كاعدين جوه رحت كعدت يم جده هو شوي ونزل اجه كعد يمي ، انتبهت لعمه ؟؟
يتبعع ...
""
رح تبدي الأحداث اللي رح تكون
حياة نور الجديده وشلون رح
تتأقلم مع العائله
وشنو قصة زهراء ؟؟
أنت تقرأ
قلبي لكِ
غموض / إثارةطيبة القلب وحبيبة الكل .. عاشت حياة حلوه بين عائله جَميلة .. تَحب تساعد العالم واشتغلت ممرضه علمود تساعدهم وتكون وياهم .. قوي و قاسي .. لَكن تعب هواي بحياته عاش يتيم تحمل كل انواع العذاب .. رجل بمعنى الكلمه محد يكدرله كلمته وحده ماتصير اثنين .. عاش...
