أَسَرَتني بعيونها
البارت السادس 💙
-------------------
ليان :
رحت امشي سريع للغرفة واني كُلش مقهورة من تعامله وياي، ليش يسوي هيچ واني ممأذيته ليش هيچ يتصرف وياي بهمجية رغم ممسوية شي غلط صح طلعت بلا حجاب بس ماچنت متقصدة
هسة هوة شدخله بملابسي والله حلوة يجي يحاسبني وهوة صارله اكثر من 10 سنوات مشايفني
شگد ضجت منه ومن اسلوبه وياي
گلت الا اخليها حصرة بگلبه وعلى عناده الا اضل بيهن وما اغيرهن گاعدة صافنة ولازمة ايدي الصايرة حمرا اجت رسل
_وينچ شو ما طلعنة بالحديقة گتلچ اجيب التلفون واجي ومالگيتچ
_ هاا! لأن شمس وحارة ماگدرت اطلع
_يلة ننزل نتغدة
_ لا مااشتهي روحي انتي تغدي
_ ليش شبيچ؟ منو مضوجچ بس لا سارة وشبيها ايدچ حمرة!؟
_ مابيها شي ومضايجه عمري بس راسي يوجعني وجوا هوسة
_ لا كلها راحت ضلت بس رغد وسارة العكرة مراحن
_ اها اوك لعد جاية
ضليت شوية ونزلت لگيتهم ملتمين ؏ السفرة وعلي يمهم يسولف ويضحك من شافني اختفت ضحكته وخزرني غلست سويت روحي مااشوفه ضليت اخذ بالزلاطه وارتبهن بالسفرة وهوة ولا شال عينه وحواجبة معگودات
رحت جبت مي وضليت احچي وي رسل اگُللها وين اخلي المي وفجاة واحد خل ايده ؏ عيوني تلمست ايده ماعرفتها
_ منوو؟
شال ايده وچان انصدم
_ ضرغاممم!!!
حضنته وبسرعة حسيت ؏ نفسي لأن چنت متعوده احضنه من يجينا وهوا صغير لحد ما كبرنا چان يجي وي عمو ابو علي دائما واستوعبت هسة كبرنا رجعت لورا گُتله بأحراج
_ شلونك؟
_ الحمد لله بخير ، انتي شلونچ؟
_الحمد لله زينه .. ههه كبران صاير زلمه
ضربني بخفه ؏ راسي
_ اخخ شبيك!
_ وثول قابل چنت مرة وهسة صرت زلمة؟
_ لا هههه اقصد كبران والله
_ ترة صارلي سنة وحدة بس ماجايكم بعدين انتي هم كبرانه وصايرة حلوة قبل چنتي كاتلچ الوصخ
_ هيچ طلعت؟؟ لعد منو قبل يمشي وراي ويخاف علي من رائد؟؟
_ ههه اي صدگ عمي انتي من صغرچ كيك
رديت بمبتسمه بغرور
_ ي طبعا
_ ههه باع الثقة دتعاي اگعدي ولا تحمين علينا مايحتاج اليوم حار
گعدت بصف ماما نتغدا
وطول الوقت علي عيونه تجدح حتى ماخلى ضرغام يگُعد ؏ السفره من شافه يضحك ويسولف وياي و وية مريم صاح بيه وكُلها انتبهت
گله يجيب السلاح من السيارة ويخليه بالغرفه راد بكل وسيلة يخليه يگوم من الاكل
ياكل بكُل هدوء ويرد على عمو بجواب مختصر، اكل شويه وگام وصاح على رسل گللها صبيلي چاي اني برا بالديوان
أنت تقرأ
أسرَتني بعيونها
Romanceشَرد اگلچ وأنتِ عينچ ضآع ليلّ الله بكِـحلها "بعدما قُفلت القلوب أبوابها للحب تعود ذاتَ يوم تُفتح بسحر ذات العيون الجميلة وينغرم بها ذو الطباع الحادة" هل ستتخلى عن حُبها له بسبب خذلانهُ لها دون سبب؟ هل سيستمع لقلبه ويستمر بحبه رغم تخالف طريقهم؟...
