أسرَتني بعيونها

«البارت الثامن والثلاثون»

أَََسَرتني بعيونها
البارت الثامن والثلاثون 💙

#للكاتبة هيلين آل علي﮼

----------------------------------------

فتحت عيوني بتثاقل شفت علي واگف يلبس بقميصه وخرت الغطى وگمت اول ما خليت رجليه ؏ الگاع وگمت اختل توازني دخت بسرعة وگعدت، ألتفت عليه بسرعة واجى گعد بصفي وخر شعري من وجهي وحچى بقلق

_شبيچ حبيبي، بلة اشوفچ!
_ماكو شي عمري، دخت شويه هسه تروح
_تمددي، اجيبلچ مي؟
ابتسمت ولزمت أديه مطمنته

_مابيه شي ، ليش مگعدتني؟
_وليش اگعدچ، متزوجچ تگعديلي الصبح؟
اعرف ابدل واعرف اسوي ريوگ، رجعي نامي بنيتي

_علي
_عيون علي

_احبك ترا
_هههه، اموت عليچ وبلا حرشة

دگ الفون گام يتصل واني رتبت الفراش ورحت غسلت ونزلت جوا اسوي ريوگ
حضرت الاكل ؏ الطاولة بالمطبخ ونزل علي گعدنه ناكل أنتبهتلة يصفن ويرجع يباوعلي، نظراته وترتني ...

_شلون صرتي
_الحمد لله، شوية دخت وراحت يمكن الضغط ممستقر

يباوعلي بـ برود ورجع يشرب چاي
_ما أقصد الدوخة
_ها! لعد

ياكل بشفته ويهز براسه
_يلة رايح، محتاجة شي؟
_سلامتك

گمت وراه واني عيني ساعة بالگاع وساعة اباوع لأي شي غير عيونه
صعد السيارة وفتحت الباب الرئيسي صرت ورا الباب وصل يمي وگال....

_بالچ على نفسچ، من تضوجين لو تختنگين انزلي يم امي وحبوبتي، بس تحتاجين شي خابريني اذا ماحصلتيني ضرغام يمچ صايرين!!

هزيت راسي احسه عرف بس ميريد يگُلي
_يلة استودعناكم
_الله وياك، ترجع بالسلامة

طلع وسديت الباب ورجعت للغرفة افكر، شلون عرف ومنين، خاف اگُله ويطلع ميدري ويقصد الدوخة مو السحر ومن يدري يسوي مُشكلة وخاف يدري واذا ابقى ساكته ما اگُله ح يضوج ويزعل مني لأن مگلتله بيومها...

إلتهيت بالشغل بقيت اطلع شغل من جوا الگاع حتى ما افكر اكثر واعوفها للوقت، مشى اليوم واني ملتهيه بالتنظيف والطبخ وكُل تفكيري يم علي

صار العصر خلصت كُلشي جسمي تكسر من التعب صعدت سبحت وغفيت
فزيت مستغربة اسمع صوت آذان ,تنهدت براحه هاي اول مرة افز من نومي بلا كابوس , ان شاء الله اخلص
هستوني عدلت الفراش وخليت الشال ؏ راسي ردت اطلع ودخل علي للغرفة وجهه ثگيل كُلش ولا شال عينه لعيني كأنما مموجودة بالغرفة

_الله يساعدك حبيبي
رد عليه بــ برود وهوا ينزع قميصه
_ ويساعدچ

تقدمت ردت اساعده ينزع القميص عافني ودخل للحمام بقيت صافنه شكو ,شوي وطلع نشف شعره وتمدد
_جوعان ؟
_ تؤؤ
_ اكو شي ؟
_مثل شنو
_ ماعرف احسك ضايج وتعبان
_ اممم