أسرَتني بعيونها

«البارت الثاني والأربعون»

أَسَرتني بعيونها
البارت الثاني والأربعون 💙

للكاتبة: هيلين _آل علي

گليبي اضغطو تصويت قبل لتنزلون تقرأون.

--------------------------------------------

قبل ساعات...

گاعدة يم البنات و اسولف وياهن بس بالي يم علي، شگد مشتاقتله مفروض هسه يمه گاعدة مو اصدقائه لأن شافوه اكثر مني صار العصر ولهسه مشفته وافكر بجروحة ادري تعبان ومفروض يرتاح ...

بعد ما ريم راحت داحضر نفسي انتضر اهلي خلصت كُلشي ونزلت بعدني بَـباب المطبخ و وگفت مصدومة، هاي سارة؟ شمسوية بنفسها؟؟؟

باوعت لرسل چانت واگفه گدامها بدون رد فعل وتجامل بابتسامة مصطنعة اول مشافتني اشرتلي اجي يمها واشوف ...

تقربت اول مَـشافتني سلمت عليه وهيه الكلام گوا يطلع من حلگها گد ما منفوخ فلر ومتورم...

بعدنا واگفين ودخل ضرغام وبيده صينية شافها وصوفر عالي عضيت شفتي وباوعت لرسل كاتمه ضحكتي ادري حَـ يستلمها رفع وكبس...

_لـَك شنوهاييي ضلع
التفتت عَلي مبتسمة وتعدل بشكل وجها
_شنو

_غير تجننننننن ولچ وين مسويتها
_لاااا جديات ضرغام رأيك يهمني شلونه البيبي فيس

_والله خويه هذا صاير بيبي فسيفس
_اهوووو، هسة غير يحچي، باع عبالك فلتر مو حقيقي
_صحيح يابة بس هم يرادلچ فلتر لسوالفچ مو بس وجهچ

_خاب دروووح، اصلا انتم ما تسوون واهس للتطور منو منهن سوت فلر هسه؟ مفروض تدعمني
_تدللين بس اكمل سيارة ابوي تصليح ادعمچ

بقت كُلما تگُله شي يعكسه نرفزها وعجزت منه باوعت النا عاضه شفتي ومسويه نفسي اشتغل وكاتمه ضحكتي گوة ورسل مكتفه اديها ومنتچيه ؏ الباب وصايرة حمرة من الضحك عافتنة وطلعت تدردم ومراضيه اول مطلعت متنا ضحك، مردت اضحك والله بس شكلها چان من صدُگ يخلي الواحد يسئل نفسه ليش الواحد يخرب خلقته والله انطاها اله كامله؟
ولو اعرف چانت نيتها تغيير شكل علمود علي ينتبه ألها بس ضرغام رفع معنوياتها ومقصر برد گلبي...

خلصنا كُلشي والأصدقاء والأقارب كُلها راحت عدا العمام، شوي و وصلو اهلي چنت كُلش فرحانه وصارت فرحتين من اجو، شگد مشتاقه لحضن امي اوييي عطرها يرجعلي العافية...

شوي وعلي اجى گعد يمنه وصارت لمّة تجنن والكُل موجود وكُل تجمع يسولف بشي...

بنص الهوسة واللّمة اخطف نضرات لمحمد وهوا صافن ؏ رسل رغم چانت ثگيله حتى اني استغربت منين اجاها الثگل؟...

علي گعد بنص عمي وبيبيتي، ويسولفلهم وكُلها تسمع رغم تعب بيبي ومرضها وضعفها بهالفترة بس ارتاحت كُلش برجوع علي وصحتها تحسنت شوي هوه يسولف و كُلما يذكر حادث من الحوادث الصارت ويا تبچي هيه وعمتي ويبطل مَـيسولف ويسكتون بيهن، عود كُل هذا هوا مَـسولفلنا شلون طلع كُل اجوبته مختصر وقصير، حتى چان شكله ؏ حاله من اجى من المقر لهسه هوا نفس البرود والهدوء...