أسرَتني بعيونها

«البارت الخامس عشر»

أسرتي بعيونها
البارت الخامس عشر 💙

-------------------------

:

بعد ما بررت موقفي لـ ليان حسيت براحه وماادري ليش هيچ صار مع العلم اني مااحب ابرر نفسي لاحد بس غيرتها علي حسستني من صدگ تحبني واهمها مو مثل تقى

رحت يم ابوي ردت اشوف شلون حلوها للطلابة گال بعدين نگعد ونسولف
خل يحضرون نفسهم ناخذهم للبستان لان وعدت بنات عمك وماگدرت اروح من الصبح طلعتلي هاي المشكلة صفح

رحت بلغت امي وصعدت فوگ سبحت ونزلت جوا شفتهم مجتمعين يم السيارات باوعت لبس ليان استغفر الله هسة هاي شحچي وياها شوكت ترد وتسمع الكلام وتلبس محتشم مثل العالم

بس لو اعرف ليش تعاندين ضليت اخزر بيها بعدنا ممخلصين من سالفه الملابس طلعلي مهند صفح الله يصبرچ ياروح سألت ضرغام

_ منو گايل لهالعار

_ ابوي خابره يجيب غراض مااعرف مال شنو من عمي

اباوع عليه وگوا لازم اعصابي من دون شي اتنفرز منه مو انوب اتذكره لازم ايد ليان اتخبل بالزايد صعدنا سياراتنا واني وحدي بالسيارة ومتقصد كلساع اصير يم سيارتهم واباوع عليها لحد ما وصلنا نزلو فرشو وگعدو صارت سوالف اني وگفت يم عمي وابوي ضلينا نسوف

اجت ليان بأيدها ماعون فواكه
وچان يطفر مهند يمد ايده عليها عود ياخذه منها

غمضت عيوني وتنهدت

ويگلك ليش ايدك والضرب لو لسانك ميرحم واحد چا هوة اليشوف هيج نماذج شلون يلزم روحه هسة مال اگوم اكفخة كفخة اخليه يخاف يشوف ليان يعد

سبقته بحركه سريعه لزمت منها الماعون خزرتها وهچيتها ع ملابسها انوب ماعاجبها راحت

شوية انتبهتلها ماكو يم الگاعدين ولا ضرغام ولا مريم موجودين عرفتهم سوا

حتى من ضرغام اغار واضوج من تجي يمه وحتى اليوم من انجرح اشوفها شلون لازمه ايده دين مابقى براسي وادري بيها ع نيتها وتحب تساعد  وحتى ضرغام يشوفها اخت وصديقه ومره ردت اتأكد سألته اذا معجب بيها لو لا وگال من هية صغيرة لحد ما كبرت اخوها وابن عمها وصديقها وراح اضل هيچ ومع كل هذا اغار من يسولفون سوا
بس اصبر حتى من يجي يومها اگدر اتصرف بالوضع

اتصل علية ايهم من الشغل يسأل على ملف مال قضية ضليت احچي وياه

ما سمعت غير صرخه واهلي يركضون بدون ما حچيت شي قفلت التلفون ورحت اركض اشوف احمد شايل ليان وهية نايمه بحضنه وفاقده وعيها بهذيچ الساعه تخبلت حسيت روحي طلعت ماادري يجي يوم يصير نقطة ضعفي بشر وهيچ انفعل عليه

ركضت عليه وهوا هستوه مطلعها من الماي خلاها بالگاع اجيت عليه بسرعه گتله بعصبيه ولهفة عليها