أسرتني بعيونها
البارت السابع عشر 💙
-------------------
محمد: هلا بالعروسة
ليان: ها؟
_ام رائد چانت هنا
: حچاها بأبتسامة وغمزلي عرفت شنو يقصد
_بابا صيح بمحمد شوف شلون يتحارش واني ممسويتله شي
ابو محمد: عوفها لتضوج بنيتي
علي: ي ليان شلونچ شلونها الكليه
: يحچي وياي ببرود واستهزاء عرفته ضاج جاوبته بالحمد لله وصعدت فوگ
غيرت ملابسي ومانزلت للغدا متقصدة لان ادري بيه صاير نار ويريد يعرف شنو عروسة ومنو ام رائد
صار العصر نزلت جوا لگيته طالع تنهدت شفت ماما وبابا گاعدين بالساحه يشربون چاي طلعت گعدت يمهم
_وينچ من الضهر ماكو شنو هذا كله نوم؟ وديت اختچ عليچ گالت ماتريد تتغدى
_ها اي ماما مااشتهي مو جوعانة
ضلينا هيچ صار المغرب دخلنا جوا رحت صليت وفتحت كتبي اقرأ بس بالي يمه وما گدرت اسأل اهلي ليش جاي وهوا مامنطيني خبر يجي وشنو يسوي هنا وليش بسرعة راح وراها صار العشى نزلت تعشيت وياهم وبابا گال حضرو الاستقبال وفرشوها لولد عمكم ضليت صافنة شسالفه مساع بس علي موجود وهسة منو وياه وليش رجع لبيتنا رحت فتحت الفون ماكو رسائل دزيتله مسج
.... وين انتة
: وسديت الفون رحنا نظفنا الاستقبال وفرشناها وصعدت لغرفتي شفته راد
... مااحب هيچ سؤال لا تعيدينه
....شنو شگلت ترا سألتك ما حاسبتك اني
.... نص ساعه وجايكم للبيت تصعدين بغرفتچ الدرج ما تنزلينه واذا شفتچ جوا رجلچ تنكسر
: ضليت مصدومه شبيه هذا شنو هالاسلوب معقولة مايريد يشوفني بعد بس لان سمع سالفة وهوا مامفتهمها؟
ما رديت عليه دخلت سبحت ورجعت كملت دروسي بدون تركيز
شوية سمعت صوته جوا تعمدت انزل واشوفه شلون يسيطر علي ويفرض امره واني ببيت اهلي واني طبعي عنودية
لبست گلبيه نص ردن رغم برودة الجو وخليت شال ع راسي بأهمال وخليت ميك اب خفيف ونزلت جوا شفته واگف يم باب الأستقبال يسولف وي بابا بنفاذ صبر وحواجبه معگودات وابوية يهدئ بيه ما عرفت السبب فتت للمطبخ سويت نفسي اشرب مي ورحت گعدت بالصالة يم ماما ومريم ضلينا نسولف اجاني اشعار مسج منه فتحته
.... ورب العزة الچ دقيقتين اذا ما صعدتي فوگ اجي انعل والديچ واصعدچ سحل
.... استغفر الله شبيك اليوم شوتغلط وتهدد غير اعرف ليش اصعد واني بـ بيت ابوية
... ابني اصعد بلا اسألة بعدين نتفاهم هسة مالي خلگ دين مابقى براسي يلا فوگ بسرعة
: تنهدت من اطباعة صدگ بيه انفصام كل دقيقة شكل ح يخبلني گلت لماما عندي دروس كومه وح اصعد اقرا صعدت فوگ غيرت ملابسي وگعدت اقرا صارت الساعه بالوحدة بالليل رجع دز مسج كاتب بيه انزلي
أنت تقرأ
أسرَتني بعيونها
Romansشَرد اگلچ وأنتِ عينچ ضآع ليلّ الله بكِـحلها "بعدما قُفلت القلوب أبوابها للحب تعود ذاتَ يوم تُفتح بسحر ذات العيون الجميلة وينغرم بها ذو الطباع الحادة" هل ستتخلى عن حُبها له بسبب خذلانهُ لها دون سبب؟ هل سيستمع لقلبه ويستمر بحبه رغم تخالف طريقهم؟...
