أسرَتني بعيونها

«البارت السابع والعشرون»

أسرتني بعيونها
البارت السابع والعشرون 💙

-------------------------

_ريم؟؟.
بلعت غصة شكبرها وقويت نفسي وصوتي وحچيت
_ روحح من طريقي
_ وينچ من شهر مختفية!
-------------
ليان:

ظلمة ودفيانة بحضنه فززني صوت اتصال من تلفونه

جريت نفسي منه وگعدت انتچيت ؏ التاج مال الچرباية مديت ايدي ؏ شعره العب بيه وحچيت بصوت هادئ

_ عليي... عليي! اگعُد
_ هممم!

_ الفون يدُگ اتصلو عليك
حچى كلمات هوة ومغمض مفهمتها
_ ها؟
_ شوفي منو

_ مكتوب مصطفى
_ خرب **** ماعنده غيره هذاا

گعد وخر الغطى ومسح وجهة طگطگ رگبته وسحب الفون وحچى

_ ها؟.... صدگ ؟؟ .... يمعودد راح اتخبل وينه هذا اخخ من الزمه.... اي مو گتلك صخمه گله

گمت من مكاني اطلع بملابسي بدى صوته يعلى ومبين دا يضوج اكثر

_ والتسجيلات شفتوهن؟.... هسة نسمي نفسنااا زلممم وهذا يلعب عليناا؟ ..... غير اعرف منو بالأول..... خرب اخخخ من الزمه اشوف يا گ*** يگلي عوفه .... ديلة يلة جايك اني ويصير خير
وعلي اذا ما تطلع وراه ناس ثگال فلا اتسمى علي.... يمعودد تعلمني بيهم انته؟ ترة ابو ياسين محملنا المسؤلية لأن جاي يتضرر الشغل من وراه.... يلة يلة ما اطول ساعة واجيك

سد الاتصال وشمر الغطى وگام بسرعة يحچي ويغلط منفعل
اتابع حركاته بصمت حچيت بصوت هادئ عكس رده الي

_ علي!
صاح بيه بصوت وبسرعة
_ هاا؟

ضليت ساكته متفاجئة برد فعله اول مره يصيح بيه هيچ
مسح وجهة بتعب وتقدم حضني
_ اسف بوية اسف حبيبتي تعبان وطاحت بيچ

_ لا تضوج
_ ليش؟

_ اضوج من اشوفك تضوج
_ اروح فدوة لليضوج علية

_ من تصير عصبي تخوفني
_ مو عليچ اصير تدرين كلش زين

_ اي بس اني الوحيدة الأصير گدامك بوقتها
_ صحيح لهذا اگلچ من اصير عصبي لا تضلين گدامي ما اريد تطيح بيچ وانتي مالچ ذنب

_ يعني اعوفك واطلع وانتة تضل وحدك؟ شنو من زوجة اني اذا ما اساعدك بكُلشي
_ لا حبيبي الاحسن هيچ، والله حاولت ابقى هادئ ما گدرت اذا ما أأذي الي چان السبب تطلع علية بعدين

_ شلون يعني؟؟
_ اكسر كلشي گدامي واتأذى

_ يااا
_ وربچ، فـ ياعيني ونظرها من تجيني الرعصة اطفري
_ ههه اوك

_ چا انطيني معطة مال الاتفاق
_ يبوووه شگد استغلالي

_ اذا الموضوع انتي حتى طماع اصير
باسني وعضني من خدي حيل وهاي صارت حركته اليحبها كُلساع يعض خدي ويسد حلگي حتى لا اصيح من اتأذى