أَسَرتني بعيونها
البارت الواحد والأربعون 💙
للكاتبة: هيلين _آل علي
گليبي اضغطو تصويت قبل لتنزلون تقرأون.
--------------------------------------------
قبل يوم......
فتحت عيوني أنتبهت للشباك وجو الغرفة صاير ليل!، گمت غسلت وجهي وتوضيت فرشت السجادة وكـالعادة صلاة ودعاء وبچي وفضفضة اخذت ساعتين واني هيچ...
لميت السجادة نزلت جوة لغرفة بيبي هالفترة كُلش مريضة وحالها ديسوء سودة عليه حتى مشايفتها هوايه شفتها نايمه بست راسها وطلعت بالحديقة گاعدة صافنة للسماء وتمُـر ؏ بالي كُل سوالفه وكلماته...
" ابني، حبيبي، يروح وراحة علي، لا احمسچ، اجيبلچ شعر بنات!، عضي ايدي، يبعد علي وعشيرته"
وهوايه كلمات چانت مالية يومي مچنت حاسة بقيمتها ولا ؏ بالي حَـ افتقدها بيوم وتصير اُمـنيتي اسمعها...
اخذتني رجلية لمكان جودلڤين (فرس علي)
ضويت بالفون ومشيت بهدوء اول موصلت إلها ضلت تصهل وتروح وتجي، نزلت دموعي بهضم واني اباوعلها شلون تريد تطلع من مكانها، يمكن چان عبالها علي اجي وياية او اشتمت عطره بالجاكيت مالته الي لابسته اني...
مسحت ؏ راسها وبقيت احچي وياها...
_عافنة اي عافنة ومنعرف ولا معلومة عَلي..
يمكن يرجع بعد اسبوع يمكن بعد شهر او سنة او سنوااات، اخخخخ ياربي فدوة لأسمك بيمن دتمتحني، تروح روحي ولا يروح علي مداگدر بدونه والله داحس الوقت وگف ورا روحته....
بقيت يمها شوي ورجعت گعدت ؏ دچة قريبة طلعت الفون گعدت شغلت لطمية "الله ياحامي الشريعة" لَـباسم الكربلائي
چان كُلش يحبها وكُل ما يگعُد وحده يشغلها
فتحت الفون دخلت ؏ الواتساب واقرا محادثاتنا ودموعي تصب، من كُل عقلي كُلساع اباوع للحالة بلكي يطلع متصل ويرد عليه بــ"يمچ حبيبي"...
مسحت عيوني المغوشة من الدموع وبديت ارجع بالرسائل واقرأ...
_علي بداعتيي خَل اروح شنواااا هوا
_ لا يبعد چبدي استجني بالبيت
_ماريددد اووي
_احترگوووو
_والله منتأخر نروح اني ورسل وعمة هوا بيتين ونرجع.
_اروح فدوا لأسم الزهرة، والله مو ضد المجالس انه، بس ما احب هاي السوالف ولچ بوية فهمييي اخاف عليچ، شبيهة تتجمعن بيناتچن وتلطمن؟ حتى ماتخذين غيبة ولا تختلطين بالنسوان...
_شنو تخاف عليه حَـ ياكلوني لو حور العين اني؟؟
_حبيبي اروح فدوة للجابچ شگد تلحين وتشگين ط*** بسوالفچ، ولچ بوية ما آآمن من تطلعين واني مو وياچ گلبي وبالي يضل يمچ اتدوهن ، هسة الوضع مو آمن والله مو آمن، يومية مهددين واحد من عدنه تعرفين النسوان انتي هناك؟؟؟؟
أنت تقرأ
أسرَتني بعيونها
Romanceشَرد اگلچ وأنتِ عينچ ضآع ليلّ الله بكِـحلها "بعدما قُفلت القلوب أبوابها للحب تعود ذاتَ يوم تُفتح بسحر ذات العيون الجميلة وينغرم بها ذو الطباع الحادة" هل ستتخلى عن حُبها له بسبب خذلانهُ لها دون سبب؟ هل سيستمع لقلبه ويستمر بحبه رغم تخالف طريقهم؟...
