أسرَتني بعيونها

«البارت الرابع عشر»

أسرتني بعيونها
البارت الرابع عشر💙

------------------

: احس عيوني دا تطلع منها حرارة ونار شبت بين ضلوعي اباوعلها شلون حاضنته جفل ملامحه دفعها

_ شكو شبيچ ماخذچ الواهس لتمصخينها

: تراجعت بسرعة دخلت جوا واحسني مختنگة صح ارتاحيت من دفعها وماقبل من حضنته بس قربها منه اتذكره وجسمي يرجف واتخبل واتوعدله اسوي يومه اسود بسيطه علي
هيچ طلعت من اوگف يم واحد تتخبل بس حضرتك عادي
احچي وي نفسي واكل بأظافري ومحترگة اعصابي واروح واجي بالغرفة

دخلت رسل شايله بايدها مواعين وتسولف وياي واني بالي مو يمها جرتني من ايدي

_خب شبيچ صارلي ساعة اصيح عليچ ايدي وگعت من المواعين

اباوع عليها چني هستوني صحيت
_اسفه منتبهت

_شبيچ عمري اكو شي صاير وياچ؟
اشو مو على بعضچ

: نزلت دمعتي 
تركت البيدها واجت حضنتني وتمسح ع ضهري
شبيچ ولچ خوفتيني ام دمعية ع كلشي تبچين شنو توزعين دموع

_خية راح اقتل بشر قريبا ترقبي

_هههه عزا بعينچ باعي الافكار وانتي من الحشرات تخافين  شكو احچي فتيتي گلبي يالفاهية

_ولو تزعلين بس هاي ام صماخ مصختها شنوهاي تحضن  وتضحك ولازگة بيه ما تستحي صدگ صلفه وماتستحي شنو  متگول عيب؟ حرام؟
واهلي موجودين متخاف تنلگف والله لو بيدي مساع اموتها بيدي والاخ مرتاح ويضحك اخخ لو الزمه اعضه واعلمه شلون يضحك ال.....

خلت ايدها ع حلگي وميته ضحك

_شهيق زفير بعد حيلي شجاچ انهديتي فرد هده شجاچ ولچ منو هالمصخم وهيچ مسوي بحالچ بس لا مهند!

واخرت ايدها مني ضحك عليها

_ولچ رسيله تخيلي يسمعچ تگولين عليه مصخم هههه يذبحچ ع القبله

_خب هوة منو مو موتيني

: برطمت شفايفي مثل الاريد ابچي واشرت بحواجبي عليها چنت اقصد اخوها

_ولچ منو تحچين لو شلون مو راح تجي امي وسلم على الشهداء الي معاك

: باوعت عليها وضحكت

_اخوج.   المصخم ع گولتچ

: فتحت عيونها بصدمة

_گولي غيرها يمعوده  ولچ لحضة !!! والله ؟

: ابتسمت وهزيت راسي بمعنى اي

_مشيت عليچ دجاجات نوح لا تتحركين من الغرفه اودي هذني المواعين لامي واجيچ تسولفيلي كلشي طلعتي ضامه علي كومة سوالف يالفاهية واني اگول اختي

طي***زي طلعتي شامرتني بخانة الشواذي

_ههههه عابت ي والله شهاالالفاض نفس اخوچ