أسرَتني بعيونها

«البارت الثالث عشر»

أسرتني بعيونها
البارت الثالث عشر 💙

------------------

: اكتشفت نفسي متملك ومااحب اشارك الاشياء الاحبها لو بيدي اخفيها حتى من اهلها وتضل بس الي بحيث حتى من تسولف وي النسوان اشيط و كلما اشوفها تلبس اليعجبها وتضحك وتسولف وياهم اصبر نفسي بكلمه
فترة وتصيرين الي واشوفچ شلون تحجين وي العالم

خلصنا عشى اتصل علية مصطفى چنت ناسي سوالفه وهاي مرتين يسويها اخذت التلفون ورحت شوية بعيد ورا شوية شفت ليان وراي سديت الاتصال
_ ارتاحيتي من عرفتي؟
صديقي مسوي هاي السوالف

گلتلها تجين للحديقة الورا نتفاهم وما قبلت
كلش ضجت من رفضت ماتجي وياي للحديقة ومن عاندتني واني مااحب كلمتي ما تنسمع رجعت تسولف وتضحك وياهم واني افور بدمي عليها عفتها وطلعت رحت للشط اني و مصطفى ضلينا نسولف بعدما اكل تبن وذبيت حرگتي بيه والطريق كله اغلط وگلبت الجو من ورا سوالفه الخايسة صار هيچ شفته يدخن اخذت منه جگارة ضل صافن علي

مصطفى : لك هاي من شوكت تشربها
_ سد حلگك لا تمضرط بله

_اويي حبيبتي مبين عليك متاذي تجي تنام بحضني ؟
_ولك مصطفى تعوفني لو شلون بيك اني منا ديني گامز وانته تلح علي مو صوچك صوچي اني اجي يم واحد عار مثلك

: مصطفى عدل گعدته وسأل مرا ثانية بجدية _شبيك ولك شو متعصب بلا سبب شجاك اليوم

: جريتها صفه واني ادخن جريت حسره

_ ولك احجي قلقتني دام بيها حسره السالفة موخالية

_ي والله ابو الصوف سالفة طويلة چنت مبتعد عنها وهسة طحت بيها ورجعنا لهالعذاب

مصطفى طگها ضحكه وصفگ ايده بالثانية اخخخ وگعت يالنچر ومحد سمى عليك عرفتك من صفناتك بوجهك الچنه تنكه

_ گوم مني لا بدفرة اشگك نصين والكاظم

_ لا يخوي على بختك سولف طلع البگلبك

_اي حتى تروح تفضحني بالمركز

_خاب دنچب وسولف لا تضل تشتكي چنك مطلگة يجوز نساعدك!

_ ولك شتساعدني هية گبالي وملازمها مو انته تريد تسيطر ع الوضع ووتساعدني

_ولك بس لا !!!!! لحضة شنو تروح للملا**هي واني ماادري!!!؟

_ مصطفى ما تگوم منا بله؟
شياطيني تگمز گدامي ومالي خلگك

: گام مصطفى حسبة دقائق ورجع جايب چاي ثنين گعد يمي وانطاني واحد چنى گاعدين گبال الشط

_هسة احسبني صديق طفولتك مصطفى الاچلح الزعطوط وفضفضلي مثل قبل يلة

_ ولك مصطفى تعرفني من خمس سنوات واني ساد هالموضوع وماعايدها وصارت النسوان والخبزعلات مو طريقي ولا سوالفي اصلا مااتحملهن شجابني على هيچ درب ؟