أَسَرَتني بعيونها
البارت السادس والثلاثون 💙
(صوتو من هسة قبل لا تنسون)
----------------------------------------
لازمة الفون وانتظر علي يفتح الخط شوي ورد
... ها حبيبي
... مشغول؟؟
... لو عليه هموم الدنيا كلها هم اتفرغلچ، گولي يبعدي
... شسمة اول شي شلونك!، البارحة مگدرت اتصل عليك من رجعت
... تعبانين والله لهسة لا نوم ولا مرتاحين
... الله يساعدكم گلبي، ءاا علي!!
... يراحته
... اريد اروح للزيارة ويه ماما
... شوكت؟
... اليوم العصر اريد ابات هناك مشتاقة لهيچ اجواء
... هايهية بوية روحي، وي الأهل مو؟
... لا بس ويه ماما
... منو ياخذكم؟
... احنى نروح
... تؤؤ، لو احد يوصلكم لو اني اجي
طفرت بسرعة ورديت عليه
... لااا انته لا تجي
... وليش؟؟
... هاا مو ماريد اتعبك
... بس؟؟
... ايي
... خلي محمد يوديچن
... هسة اروح؟؟
... روحي گلبي، اندعيلنة
... صار حبيبي، ديربالك ؏ نفسك
سديت متنهدة براحة واخيرا راح اخلص من، هالحالة وهمزين علي اقتنع وما اجى لأن ميحب هالسوالف كُلش لو يدري ميخليني اروح
گلت لأمي وحضرت نفسي گعدنا نتغدى اتصل عليه علي
رديت عليه گال اني بالباب فتحت حلگي بصدمة واذا راح ويانا؟؟!
گمت فتحت الباب ودخل سلم عليهم وگعدنا نتغدى سوا وبقو يسولفون، صعدت سبحت بسرعة ولبست ونزلت العباية والجنطة بالصالة وماما حضرت نفسها.
اتصل علي گال نزلي
عفت البيدي ورحت لگيته واگف منتچي ؏ الشجرة ويهز برجله قوي ومچتف اديه مبين ضايج من شغلة
اجيت تقربت منه
_ها عمري، صحتني
_منو ياخذچ!!!
عقدت حواجبي بأستغراب
_محمد غير
_متأكدة؟
_شكو، صاير شي جديد؟؟
_والله ماادري سألي نفسچ، اذا ما طلعتي تچذبين عليه ومستغبيتني
_علي شجاك شنو هالحچي والله الاعرفه محمد ياخذنه
_ورائد؟؟
_يا رائد؟ جيرانة؟؟؟
_لا تجاوبين على السؤال بسؤال، راح احرگ عشيرتچ واحد واحد
_علي شبيك، والله ماادري برائد
_ليش ما گلتيلي هوة يوصلچن
_والنبي ما ادري ياااء
_بطلي ماكو روحة
_شسالفة علي
_وجعيي
_لتغلطط، تدورلك حجة حتى مااطلع
_بلا تمسلت گتلچ روحي، بس وي هذا ماكو روحه، اني اخذچن اوصلچن وارجع وباچر اجيبچ
أنت تقرأ
أسرَتني بعيونها
Romansaشَرد اگلچ وأنتِ عينچ ضآع ليلّ الله بكِـحلها "بعدما قُفلت القلوب أبوابها للحب تعود ذاتَ يوم تُفتح بسحر ذات العيون الجميلة وينغرم بها ذو الطباع الحادة" هل ستتخلى عن حُبها له بسبب خذلانهُ لها دون سبب؟ هل سيستمع لقلبه ويستمر بحبه رغم تخالف طريقهم؟...
