Fallen

Part (4)

Unicode

စာညွှန်း

ကျန်းကျယ်ဟန့် ~ တစ်ချိန်က ငါက တကယ်ပဲ အရာအားလုံးကို စွန့်လွှတ်ပြီး မင်းနဲ့အတူရှိချင်ခဲ့တာပါ

အပိုင်း(၄)

ကုန်းကျွင့်သည် Night Club တွင် ခေါင်းကိုအရိုက်ခံရပြီးနောက် ဆေးရုံသို့သွားကာ သူ၏ခေါင်းကို ထူထဲသော ပတ်တီးစများဖြင့် စည်းထားရကာ မိုက်ကန်းကန်းပုံ ပေါက်နေသည်။  အိမ်ပြန်ရောက်သောအခါ သူသည်ပတ်တီးများကိုချွတ်ကာ ဆဲလ်ဖုန်းဖြင့် ဒဏ်ရာကို ဓါတ်ပုံရိုက်လိုက်သည်။

သူသည် ခမ်းနားကြီးကျယ်သော စံအိမ်ကြီးထဲမှာ တစ်ယောက်တည်း ထိုင်ရင်းတွေးနေမိသည်။

"ကုန်းကျွင့် ဒါက မင်းငါ့ကို ကြွေးကျန်တာပဲ! " 

ကျန်းကျယ်ဟန့်၏ စကားများကို ပြန်လည်ကြားယောင်ရင်း သူ၏နောက်ဆုံးအကြည့်က မျက်လုံးများထဲတွင် အမုန်းတရားများကို သူမြင်လိုက်ရသည်။

အမုန်းတရား~  အကြွေးကျန်တယ်~

ကုန်းကျွင့်သည် ဘယ်လိုပင်တွေးတွေး သူက ထိုလူသားအပေါ်မှာ ဘာအကြွေးတင်နေမှန်း တွေးလို့မရနိုင်ပါလေ။

သူသည် လသာဆောင်မှာရပ်ရင်း 'လ' ကိုကြည့်ရင်း သူ့ကိုယ်သူ လှောင်ပြောင်သလို ရယ်မောလိုက်သည်

ထိုလူသားနှင့် အနာဂတ်မှာ သူစိမ်းတစ်ယောက်သာဖြစ်စေရမည်ဟု သူကိုယ်သူ ကတိပြုခဲ့သည်။ ယနေ့ အခါတွင်တော့ သူသည် အရူးတစ်ယောက်လို ပြုမူခဲ့ လေသည်။

ကုန်းကျွင့်သည် အိပ်ယာဘေးစားပွဲပေါ်မှ အိပ်ဆေးများကို ထုတ်ယူ၍ သောက်လိုက်သည်။ မနက်ဖြန်ကျရင် သူက ကုမ္ပဏီမှာ အလုပ်တွေအများကြီး လုပ်ရဦးမည်။ သူက ဟန်မပျက် အလုပ်လုပ်ရပါဦးမည်။

နောက်တနေ့တွင် သူအလုပ်ပြီးချိန်မှာ သူ့မားမားဆီက မဲဆေ့ချ်စာပို့လာသည်။

ကုန်းကျွင့်သည် ကုန်းမားမားပေးပို့လာတဲ့ Blind Date လုပ်ရမည့်ရက်စွဲကို ကြည့်ပြီး 'ကောင်းပြီ' ဆိုတဲ့စာတိုနဲ့ ပြန်ဖြေလိုက်သည်။

ကုန်းမားမားသည် ဘိုးဘွားရိပ်သာကို ရောက်နေပြီဖြစ်သော်လည်း သားဖြစ်သူအတွက်နေ့တိုင်း စိတ်ပူနေသည်။