Fallen

Part (5)🚨

Unicode

စာညွှန်း

ဒီကလေးက ဘယ်သူ့ကလေးလဲ

အပိုင်း(၅)

ကုန်းကျွင့်သည် ကယောင်ချောက်ချားဖြင့် အိမ်သို့ပြန်လာခဲ့သည်။

သူသည် လူသူကင်းမဲ့နေသော စံအိမ်ကြီး၏ဧည့်ခန်းထဲတွင် အချိန်အတော်ကြာ ငေးငိုင်ထိုင်နေပြီးနောက် သူ၏ကလေးဘဝက ဓာတ်ပုံများကို ရှာဖွေရန် သေတ္တာများနှင့် ဗီဒိုများကို အရူးအမူး လှန်လှောခဲ့သည်။

သူသည် သူငယ်စဉ်ကလေးဘဝက ဓါတ်ပုံတွေကို ကြည့်လိုက်၊ မှိန်ဖျော့ဖျော့ မီးအလင်းရောင်အောက်က သူ့ကလေးဘဝရုပ်သွင်နှင့် ဆင်တူလွန်းတဲ့ ထိုမျက်နှာလေးကို သတိရလိုက်ဖြင့် သူ့စိတ်တွေက လွတ်ထွက်သွားသည်။

အဲဒီကလေးငယ်လေးက အသက်ဘယ်လောက် ရှိသွားပြီလဲ၊ ဒီကလေးငယ်လေးက ကျန်းကျယ်ဟန့်နှင့်အတူ ဘာကြောင့်ရှိနေရတာလဲ။

လွန်ခဲ့သည့်သုံးနှစ်ခန့်တုန်းက ကျန်းကျယ်ဟန့်နှင့် အခြားသူတစ်ဦး ရင်းနှီးစွာပွေ့ဖက်ထားသည့် ဓာတ်ပုံကို မြင်ခဲ့ရသည်။

စူပါမားကပ်မှာ ဆုံခဲ့စဥ်တုန်းက ပေါင်အာလေး၏ ကြည်လင်တောက်ပသော မျက်လုံးဝိုင်းလေးများက သူ့ကိုစိုက်ကြည့်နေပြီး ကျန်းကျယ်ဟန့်၏ရင်ခွင်ထဲသို့ ရှက်ရွံ့စွာတိုးဝင်သွားခဲ့သည်။

ကုန်းကျွင့်၏ မျက်လုံးတွေက နီရဲလာနေပြီး ဓာတ်ပုံတွေကို ထပ်ခါထပ်ခါ ကြည့်နေသည်။ သူ့ခေါင်းထဲက အရမ်းကိုက်ခဲလာနေသည်။ ဒီကလေးက ဘယ်သူ့ကလေးလဲ???

သူက~သူက~ဟုတ်များဟုတ်နေမလား???

သူသည် မခံမရပ်နိုင်လောက်အောင် နာကျင်ကိုက်ခဲနေသော ဦးခေါင်းကို ဆုပ်ကိုင်ပြီး ဆိုဖာပေါ် လဲကျသွားသည်။ သူသည် ထိုကိစ္စကို ကျန်းကျယ်ဟန့်ကို တိုက်ရိုက်မေးချင်မိသည်။  သို့သော် သူသည် သူ့ကိုဆက်သွယ်ရန် မည်သည့် အဆက်အသွယ်အချက်အလက်မျှ မရှိကြောင်း သတိရခဲ့သည်။

သူ့ စိတ်ကူးထဲမှာ ကျန်းကျယ်ဟန့် နှင့် ပထမဆုံးအကြိမ် စတွေ့တုန်းက ပုံရိပ်တွေပြန်ပေါ်လာသည်။