Fallen

Part (7)

Unicode

စာညွှန်း

တိုက်ဆိုင်မှုတစ်ခုကြောင့် ငါတို့ပြန်တွေ့ရတယ်

အပိုင်း(၇)

ညနေပိုင်းတွင် ကျန်းကျယ်ဟန့်သည် ထိုမူကြိုကျောင်းထံမှ WeChat Friend Request တစ်ခုကို လက်ခံရရှိခဲ့သည်။

Mr. Simon ဟု အမည်ပေးထားသော လူတစ်ယောက်သည် သူ့ WeChat ကို Add လုပ်ပြီး ပေါင်အာလေး ရဲ့ အခြေအနေများကို အသေးစိတ် မေးမြန်းခဲ့ပါသည်။

Mr. Simon သည် ပေါင်အာလေး၏ အရပ်အမြင့်၊ ကိုယ်အလေးချိန်နှင့် ဦးခေါင်းလုံးပတ် အပါအဝင် အလွန်အသေးစိတ်သော မေးခွန်းများကို မေးမြန်းခဲ့သည်။

ကျန်းကျယ်ဟန့်သည် ပေါင်အာလေး၏ အချက်အလက်များကို တစ်ခုပြီးတစ်ခု ပြန်ဖြေခဲ့ပါသည်။ သူသည် ကလေးရဲ့ အသက်အကြောင်းကိုမေးတဲ့အခါမှာတော့ ချီတုံချတုံဖြစ်ခဲ့ပါသေးသည်။ ကလေးရဲ့အသက်အစစ်အမှန်အရ ပေါင်အာလေး သည် ၂၇-လရှိနေပြီဖြစ်ပေမယ့် သူ့ရဲ့မွေးစာရင်းအရတော့ အသက် ၂၃-လပဲရှိပါသေးသည်။ နောက်ဆုံးတွင်တော့ မွေးစာရင်းပါ အသက်အတိုင်း ကျန်းကျယ်ဟန့်က Mr.Simon အား ပြန်ကြားခဲ့သည်။

ပေါင်အာလေးကို မွေးဖွားစဉ်က သူထံတွင် လက်ထပ်စာချုပ် နှင့် ခင်ပွန်း၏အိမ်ထောင်စုစာရင်းစာအုပ် မရှိသောကြောင့် မွေးဖွားရန်အတွက် ဆေးရုံကြီးသို့ သွားရန်မဖြစ်နိုင်ခဲ့သဖြင့် သေးငယ်သော ပုဂ္ဂလိက ဆေးရုံတစ်ခုကိုသာ တက်ရောက်နိုင်ခဲ့သည်။

ကျန်းကျယ်ဟန့်သည် ယောက်ကျားလေး ကိုယ်ဝန်‌ဆောင်ဖြစ်သောကြောင့် ကလေးကို ခွဲစိတ်မွေးဖွားခဲ့ရပြီး သူ၏ ဗိုက်ပေါ်တွင် ဆယ်စင်တီမီတာလောက်ရှိသော အမာရွတ်တစ်ခု ထင်ကျန်ရစ်ခဲ့ပါသည်။

ပေါင်အာလေးကို ကိုယ်ဝန်ရှိစဥ်တုန်းက သူသည် ကျန်းမာရေးချူချာခဲ့တာကြောင့် အလုပ်တွေကို ပင်ပင်ပန်းပန်း မလုပ်နိုင်ခဲ့တဲ့အတွက် ကျောင်းမှာ စာတော်ခဲ့တဲ့သူက အင်တာနက်မှာ စာသင်ရင်း ပိုက်ဆံအနည်းငယ် စုဆောင်းထားရသည်။

ကျန်းကျယ်ဟန့်သည် ထိုကလေးငယ်ကို ဘယ်လို နှလုံးသားမျိုးနှင့် ရင်ဆိုင်ရမည်မှန်းကို တကယ်မသိခဲ့ပါ။ ကလေးကို ခွဲထုတ်လိုက်ချိန်မှာတော့ သူ့ကို ခါးရိုးထုံဆေးထိုးထားပြီး မနာကျင်ခဲ့ပေမယ့် သူ့ မျက်လုံးအိမ်ထဲမှာတော့ မျက်ရည်တွေကျဆင်းလာခဲ့ပါသည်။