Unicode
Extra-2
ကျန်းကျယ်ဟန့် ရဲ့ တက္ကသိုလ်က ဘွဲ့ယူရမည့်နေ့မှာ ဘွဲ့နှင်းသဘင် အခမ်းအနားကို ကုန်းကျွင့်နှင့် ပေါင်အာလေးလည်း သွားရမည်ဖြစ်သည်။
ပေါင်အာလေးသည် ဒီနွေရာသီအားလပ်ရက်ပြီးရင် သူငယ်တန်းတက်ရမည်။
ဇွန်လတွင် အပူချိန်သည် ၃၀-ဒီဂရီကျော်ရှိခဲ့သည်။
ပေါင်အာလေးသည် သူ့အတွက် ကုန်းကျွင့်ရွေးချယ်ပေးထားသော အဝတ်အစားများကို ဝတ်ရန်ငြင်းဆန်ခဲ့ပြီး အလွှာသုံးထပ်ပါ အနောက်တိုင်းဝတ်စုံကို ၀တ်ဆင်ရန် တောင်းဆိုခဲ့သည်။
အကြောင်းပြချက်ကတော့ သူသဘောကျနေတဲ့ ညီမလေးလီလီရဲ့ ချီးမွှမ်းခြင်းကို ခံယူချင်လို့ပဲ ဖြစ်ပါသည်။
ကုန်းကျွင့်က သူ့ကို ထပ်မံဖျောင်းဖျလိုက်သည်။
"ပေါင်အာလေး~ ဒီနေ့က အရမ်းပူတယ်၊ အခြားအဝတ်အစား ပြောင်းဝတ်ရအောင်နော်၊ သားသားက ဒီလက်တိုအပြာဝတ်စုံလေးနဲ့လည်း အရမ်းကြည့်ကောင်းတယ်"
ပေါင်အာလေးက ခေါင်းခါယမ်းလိုက်သည်။
ပေါင်အာလေးက တွေ့ချင်နေသော ညီမငယ်လေးလီလီသည် ကျန်းကျယ်ဟန့်ရဲ့ နည်းပြပါမောက္ခ၏သမီးငယ်လေးဖြစ်သည်။ ယခုတစ်ကြိမ်တွင် သူသည် ကျန်းကျယ်ဟန့်၏ကျောင်းသို့သွားလျှင် ညီမငယ်လေးလီလီနှင့်တွေ့ရန် အလားအလာအလွန်များသည်။
ပေါင်အာလေးသည် အသက်ငယ်ရွယ်သော်လည်း အလွန်ခေါင်းမာပြီး သူ့ကိုယ်ပိုင်အမြင်လည်းရှိသည်။သူသည် အဝတ်အစားဆိုရင် အရောင်ဖျော့ဖျော့ကိုသာ နှစ်သက်သည်။ အရောင်ရင့်ရင့်ဆိုလျှင် သူက မကြိုက်ပါ၊ မဝတ်ချင်ပါ။
ကျန်းကျယ်ဟန့်သည် ထိုကိစ္စနှင့် ပတ်သတ်၍ ပေါင်အာလေးကို အကြိမ်ကြိမ် ဆုံးမပညာပေးခဲ့သော်လည်း မရသောကြောင့် လွှတ်ထားခဲ့ရသည်။
ယနေ့တွင် ပေါင်အာလေးသည် အဖြူရောင် အနောက်တိုင်းဝတ်စုံလေးကို ၀တ်ဆင်ထားပြီး ကုန်းကျွင့်က သူ့ဆံပင်လေးကို သပ်သပ်ရပ်ရပ် ဖြီးပေးထားသည်။
ВЫ ЧИТАЕТЕ
Fallen
Фанфикшн"ကုန်းကျွင့်~ ကျေးဇူးပြုပြီး မင်း ငါ့ကို အမှန်အတိုင်းပြောစမ်းပါ၊ မင်းက ငါ့အပေါ်ကို ဘယ်လို ခံစားချက်မျိုးထားခဲ့တာလဲ၊ မင်းသိပါတယ် ငါက စိတ်မကောင်းဖြစ်လို့ သနားညှာတာပြီး အလျော်အစားပေးတာမျိုးကို မလိုချင်ပါဘူး" " XiaoZhe~ဒီမှာလာပြီး ကိုယ့်ရင်ခုန်သံကိုန...
