يا ملاذ الروح أنا فيك ابتليت🤍

البارت السادس:

تمر الأيام ببطئ شديد لديه بينما في الخارج الأيام تسابق الرياح ، ولا يعلم هل هو في الامس اما اليوم ! هل الان الساعه ٣ او ٤ كل شيء يشبه بعضه
ولاشيء لديه طعم او لون وهو بعيد عن اهله وبيته الدافئ ...

.
.
اعتاد على رؤية الحارس يدخل ويصرخ بالاسماء لديكم زيارة ولكن بعد مده طويله يسمع إن لديه زياره ! خرج متحمساً وملهوفاً ورجليه تسابق جسمه من شدة حماسه وصل إلى قاعة المخصصة للزيارة وهو ينظر إلى شخص واقفاً لايرى منه إلا ظهره !
.
.
ناصر بهدوء واقف ويناظر هذا الشخص الغريب عنه : السلام عليكم !

الشخص بنبرة هادئة : وعليكم السلام يابو ملاذ ...

ناصر بصدمة وقف بسرعه واتجهه الى الشخص هذا وبنبرة مصدومة :راشد!!!

راشد وهو يناظر في وجه ناصر ودموعه على خده : اي راشد ياناصر عسى راشد يروح فدوه لك ، اسف يا ناصر اسف ياخوي

ناصر وهو ناسي كل شيء ضمه بقوه وحتى ماقدر يسيطر على
دموعه : الحمدالله ياربي الحمدالله ، وينك انت عن الناس والعالم ! قلبي انشغل فيك اكثر ماهو مشغول !

راشد وهو يمسح دموعه اشر له يجلس على الكرسي وجلسوا: اخ ياناصر شقولك وش اخلي !

ناصر بهدوء: قولي تعرف ماوراي شيء نفس قبل ! وعندنا وقت هالمره

راشد بقهر : تذكر اخر مقابله لي معاك وبعدها ماجيتك !

ناصر : اي اذكر ! شصار لك !!

راشد وهو يتذكر : وانا طالع من السجن جتني رسالة على جوالي وكانت تقول إذا تبي صديقك يطلع من السجن تعال وكمل اللي تركه ناقص!

ناصر فز من مكانه بخوف : وراحت !!

راشد وهو يناضر صاحب عمره ورفيق دربه شد على يده : ليه ماقلت لي ياناصر!! ليهه خبيت عني !!

ناصر وقف وهو يدور حول الطاولة ويشد شعره بقهر اللي مابقى منهم غير شعرتين اساسا: وش اقولك ياراشد المسألة معقدة مو نفس ما انت عارف!! بس انت قول لي راحت او لا !!

راشد : اكيد راحت بس لاتخاف ماسويت شيء ! طلعت من عنده لان ما اتفقنا اساسا !

ناصر بهدوء: لاتتكلم معاي بالألغاز! وش طلب منك !!

راشد بحزن : طلب مني احط اللي انت خابره في بيتك!

ناصر بصدمه : كيففف!! شسويت انت!!

راشد بإنفعال: اكيد رفضت اساسا اول ماوصلت حسيت فيه مكيده في الموضوع ! ولعب عيال ! طلعت من عنده من غير ولا كلمه بس افا عليك ما طلعت إلا وانا مطيب خاطري .. بس قال لي كلمه وحده ومن بعدها عرفت وش يقصد !