*نور*
عند نور اللي كانت عايشه حياه نفس ما كانت تتمناها مع مؤيد اللي كان مدلعها في كل شيء ومايرفض لها طلب سواءً كان صغير او كبير وكل يوم يزيد حبهم وتعلقهم في بعض اكثر و اكثر وجالسين يهجزون حق زواجهم وهم في قمة الحماس
اما
(تقى و أنور )
تقى اللي كانت عكس نور في كل شيء تحس نفسها راح تعيش حياه مع إنسان غامض ماتعرف عنه ولاشيء وتحس انها مجبور عليها وكل تصرفاتها تدل على ذلك بس ماكان عندها حل إلا انها توهم نفسها إن هو مشغول بتجهيزات العرس وماعنده وقت يتصل او حتى يرسل رسالة يطمئن عليها !
و
(أنور)
اللي كان عايش حالة توتر وقلق خلته مايحس بالايام اللي الكثير يمدحونها ويحبونها وهي ايام الخطوبة اللي فيها الاثنين يتعرفون على بعض وكل شخص يعرف شخصية الثاني اكثر ويتعمق فيها هو ابدا ما التفت حق الاشياء هذي كثر مافي باله شيء محدد ولا راضي يغيب عن تفكيره !
.
.
.
(ملاذ)
بعد ماكلمت ابوها في موضوع الطلاق وهي حابسه نفسها في الغرفه لا ودها تشوف احد ولا ودها تتكلم مع احد حتى !
سمعت جوالها يدق اخذتها بملل وهي تشوف اسم هاجر عطتها مشغول بس رجعت هاجر ودقت عليها بأصرار
ردت ملاذ او واضح الملل على صوتها : هلا هاجر !
هاجر : هلا ياقلبي ملاذ اخبارك ؟ وينك من بعد اخر مره ماشفتك ولا حتى سمعت صوتك ابد قطعتينا !
ملاذ بأحراج: لا والله انتوا دائما على البال بس تعرفين مشاغل الحياة !
هاجر ببتسامة: بما إن على البال وش رايك نطلع مع بعض ؟ وبعد بيني وبينك ضايق خاطري ولا ودي اخبي عليك في شيء وددي استشيرك فيه
ملاذ بفشله : عادي تخلينها وقت ثاني لان والله ماودي اطلع احس نفسي تعبانه !
هاجر : لا والله امانه ! ماراح نطول كلها ساعه بالكثير و راجعين
ملاذ باستسلام: طيب وين اجيك بيتك ؟
هاجر بتسرع: لالا برسلك المرقع وتعالي ..وحتى برسلك السواق لاتجين بتكسي
ملاذ : تمام !
قفلوا من بعض وهاجر فرحت كثير لان خطتهم نجحت وبشرت البنات وهم فرحوا بعد وتحمسوا
اما ملاذ اللي وقفت بزهق وفتحت دولابها وسحبت اول شيء طاحت عليه عينها وكان ترنق (هودي اسود و بنطلون ) رفعت شعرها كعكه وحطت لها ميك اب خفيف يخفي هالاتها ناظرت في نفسها للمرة الاخيرة واخذت جوالها وهي تشوف الرساله اللي وصلتها وكانت من هاجر رسلت لها الموقع دخلت عليه وهي تشوف كم يبعد واستغربت من المسافه الطويله اتصلت لـ هاجر عشان تتاكد بس كان جوالها مشغول .. تركت جوالها وقامت تجهز عباتها وهي بالها مشغول بالف شيء و شيء
اما
هاجر اللي كانت تكلم راشد وتحاول تقنعه بس عيى يقتنع وكان رافض بشدة
هاجر بقهر : ليه انت عنيييد ؟؟
راشد ببرود : ياخي انتي فكرتك سخيفه وانا ماعرف كيف قنعوك البزران ذولي !
هاجر بيأس : مو انت تبي تتفاهم معاها ؟ هذي فرصتك صدقني ماراح تطلعون الا وانتم متفاهمين
راشد وكانه بدأ يقتنع : انتي متاكده من خطتك ذي ؟
هاجر ببتسامة: صدقني راح تضبط بس انت روح وانتظرها ترا السواق الحين في الطريق بيروح ياخذها
راشد وهو بدا يتحمس: طيب بروح والله يستر من افكاركم
هاجر : إن شاءالله نسمع الاخبار الطيبه !
راشد ببتسامة : إن شاء الله .. قولي للسواق يمشي بشويش مو يسرع !
هاجر ببتسامة: إن شاء الله من عيوني ..بس انت روح
راشد : طيب خلاص يلا باي
هاجر : بحفظ الله
...
أنت تقرأ
يا ملاذ الروح أنا فيك ابتليت🤍
Randomمقدمة ... روايتي ؛يـا مـلـاذ الـروح أنـا فـيـك ابـتـلـيـت 🤍 تتحدث الرواية عن التضحيات المقدمة من العائلة بشكل عام لإنقاذ وحدة العائلة . سواء كانت التضحية من الوالدين او الابناء ... فهناك بطلة روايتي ملاذ البنت الذكية التي سوف تتغير حياتها كلياً بعد...
