يا ملاذ الروح أنا فيك ابتليت🤍

البارت الثالث والاربعون :

عند أنور اللي كان يجهز اغراضه وعازم على الرحيل بدون عوده خلاص الشيء الا يبيه وخلصه ومابقى إلا القليل طلع من الفندق وتوجه للمطار وهو هالمره فرحان ومبتسم مب نفس كل مره ..ركب الطيارة بعد ماسمع النداء غمض عيونه وهو يفكر بالخطوة الجاية ..
،
،
وعند نور و كوثر اللي قضوا اغلب ايامهم بهدوء وضحك ومناقر بععض اكيد ولا مايصيرون نور و كوثر ..

نور بهدوء: تدرين كوثر لماكنت في القبو كنت ماتوقع اني راح اطلع منه قلت يمكن اموت هنا ولاحد يدري عني ولا احد يفقدني ويمكن حتى عزا مايسوون لي ..فكرت باشياء كثيرة ولما اخذني أنور حسيت نفسي في حلم ويمكن يجي احد يصحيني منه كنت خايفه يكون فعلا حلم ساعتها شبسوي؟

كوثر ببتسامة: الحمدالله إن الله استجاب دعائنا الحمدالله إن الموضوع انتهى

نور ببتسامة سخرية: انتهى؟ غلطانه كوثر ما أنتهى ! انتي تعرفين الحقيقة وأنور يعرف اني ماسويت شيء بس الباقي! للحين اشوف في عيونهم نظرات شك

كوثر:طيب بقولك شيء وتكفين هالمرة افهميني ! افهمي وش ابي اقول ولا تقاطعيني او تعصبي ..

نور بهدوء: تكلمي مع انا عارفه وش تبين تقولين بضبط !

كوثر: انا عارفه الشيء الا مريتي فيه كبير وثقيل كثير على إي احد ومافي وحده تقدر تتحمل الا مريتي فيه بس انتي اثبتي انك قدرتي تتحملين هذا الشيء

نور وعيونها تلمع دموع كل مافتحوا السالفة: انا كنت اموت مع كل كلمة ينطق فيها اخوي رائد كنت اموت مع كل نظرة اشوفها بعيون امك واخوي وليد كنت اموت لما انطرد أنور من البيت ومحد وقف معاه ما كنت اتحمل !

كوثر: هدي نفسك ..واسمعيني ليه ماتعطينهم فرصه تسمعين وش بيقولون ؟ بس اسمعي لاتقولي شيء ثاني ..امي من اول ما اوصل عندك وهي تدق علي في اليوم الف مره بس عشان تطمئن عليك او تكلمك ونفس الشيء خالي احنا ما نكلمك يانور عشان لا نضايقك ..

نور بنوبة غضب: بس خلاص كلكم انانين فكرتوا في نفسكم ولا فكرتوا فيني مافكرتوا الا في نفسكم !!

كوثر بعصبية: احنا انانين ؟ احنااا !! انانين عشان قلنا لك كلميهم؟

نور وهي تبكي: خلاص كل مره جيتوا وفتحتوا السالفه جروحي تنفتح معاها كل انتوا مب مدركين حجم الالم اللي فيني انا لليوم هذا ماقدر اعيش بشكل طبيعي بسبة الكوابيس اللي تجيني احس في إي وقت بيدخل علي رائد وبياخذني من هالمكان ..انا مو عايشه طبيعي انا عايشه وسط خوف وقلق...

كوثر بضيقه: خلاص لاتضايقين نفسك .. "وقالت محاوله في تغيير الموضوع" تدرين أنور راجع الليله ؟