يا ملاذ الروح أنا فيك ابتليت🤍

البارت العشرون:

*في احدى الشركات *

وتحديدا بعد اسبوع عند شخص كان جالس على كرسية الكبير يخطط بهدوء وهو مبتسم على كل خططه ومرتاح ..يستنى اليوم الا ينتظره يجي بس !

دخل عليه فيصل وهو يشوفه مبتسم وابتسامته جالس تزيد اكثر و اكثر وهو سرحان وفي عالم ثاني

فيصل ببتسامه وبصوت عالي : اللي ماخذ عقلك ياخي!

عماد بضحكه : الله لايهنيه فيه ..

فيصل بأستغراب: شقصدك !

عماد بجدية وتمثيل : ماعليك من قصدي الا انت وينك صار لك اسبوع لا في ارض ولا في سماء !

فيصل وهو مب مرتاح لتصرفاته: الا موجود بس انت الا ماتدري عن خويك الوحيد هو ميت ولا عايش !

عماد بضحكه : الله الله لا ااشم ريحة عتاب قويه !

فيصل وهو يضحك: انت من اللي مدرسك العربي !! اسمها احس ..

عماد بسخريه : في النهاية كلهم حواس ..امش بس غذائك علي يالزعول ..

فيصل : انا بسوي نفسي ماسمعت شيء دام فيها غذاء!

عماد : ههههههههههههههههههههههههههههه..

*بعد مدة طويله حانت الرجعة*

دخل انور وهو يتاكد من كل شيء ومافيه شيء نسوه وطلع معاها على المطار وكان الوضع هدوء بينهم ومافيه اي كلمه ..بعد ماوصلو المطار وخلاص اشغالهم جلسوا على كراسي الانتظار ينتظرون نداء الاقلاع..
.
.
انور وهو يمسك يد نور ويشد عليها : راح نرجع مره ثانيه ونجلس اكثر بس انا عندي شغل ضروري لازم اخلصه .. وبعد مانرجع انا بروح لدبي ..

نور رفعت رأسها على كلمته وناظرته بسرعه وكأنها تسأله وانا ؟ وهو فهمها اكيد وجاوب على اسئلتها الصامته !

انور وهو للحين شاد على يدها: لاتخافين أنتي بتكوني بالحفظ والصون مع كوثر .. بتجلسون في الشقه وانا قلت لها كل شيء او وصيتها على كل حاجه وبدون لايحس احد وعلى فكرة حتى الشقه غيرتها عشانك بس وعشان ترتاحين محد يعرف مكانها حتى اقرب شخص لي !

اما نور كانت ردت فعلها الوحيدة بعد هذا كله انها بس شدت على يده وكأنها تشكره وحست انها طمئنت ولو 1٪ وهي تحاول تبعد الافكار المخيفه عن رأسها ..

سمعوا النداء وتوجهوا للبوابه المخصصه وكل شخص فيهم يفكر بشيء وكل احد يدور مهرب !

*عند مروة*

اللي كانت منقطعه عن العالم في هالغرفة الضيقة واللي بالكاد يعطيها موية وشوية اكل .. جالسه بنفس ملابسها من اسبوع وجسمها متكسر من نومة الأرض وكانت حالتها جداً سيئة ..