بعد 20 دقيقة تقريبا وصلوا البيت وملاذ خبرت امها انهم راح يتغدون عند ام في وصعدت بسرعه غرفتها وهي معلنه حالة إستنفار دخلت الحمام -الله يكرمكم - واخذت شاور سريع وطلعت ودقت على ملاذ فيديو عشان تاخذ رأيها في الشيء الا بتلبسه
وفي اقل من ثانية ردت ميعاد وهي تصارخ بصوتها المبحوح وبقوة
ملاذ بنرفزة : وجعع شفيك تصارخين !! وهذا انتي مريضة بس ما اشوف إي مرض!
ميعاد :أجل هذي حركة تسوينها تتركيني مع العله القرعا وتروحين مع حبيب القلب بس قالوا من شاف احبابه نسى اصحابه ..
ملاذ غمضت عيونها بفشلة: ههههههههههههههههههههههههههههه ، مو قصدي والله بس ماكنت ابي تصير شوشرة زياده وتعرفين راشد مابيسكت له !
ميعاد وهي تقلدها: انننننننن اقول بس العبي غيرها والله قولي من شفتي هالغمازات اغمى عليك انا كنت شاكه في شيء والحين تاكدت !
ملاذ : ياقليلة الادب شغلك عندي بس مو الحين بعدين المهم عندي شغله مهمه الحين ابي رأيك فيها ؟ يا صديقتي الصدوقه الجميلة
ميعاد:تدرين ماقدر ارفض لك طلب يالسخيفه قولي وش تبين ؟
ملاذ رفعت لها فستان بيج واكمام طويلة وحزام في منتصف الفستان وفتحة صغيره في الفخذ والثاني توب احمر ومعاه جاكيت ابيض وبنطلون ابيض
ملاذ وهي رافعتهم اثنينهم : هاه اي احلى ؟ هذا او هذا؟
ميعاد :طبعا وبدون تردد الفستان الطجم الثاني كانك مديرة مدرسة
ملاذ :هههههههههههههههههه، وصخه انتي والله بس احس الفتحه اوڤر ولا ؟
ميعاد : لالا زينه وانتي ضبطتيه من قبل شفيك .. !
ملاذ بقهر: بروح بيت اخت راشد يعني تحسيه عادي ؟
ميعاد: اي مافيه شيء مضبوط
ملاذ : قسم بالله مخك فاصل ..شوفي خليك معاي بسوي شعري نفس كذا ..شرايك ؟
ميعاد بحماس: اي يناسبك اللوك هذا ..واهم شيء الويڤي سويه عدل !
بعد مدة بسيطة
ملاذ : هاه شرايك في اللوك كامل ؟
ميعاد :بسم الله ماشاءالله عيني عليك بارده ..اهم شيء العدسات
ملاذ وهي تلبس عباتها وطرحتها: ايي يلا حبي اكلمك بعدين
أنت تقرأ
يا ملاذ الروح أنا فيك ابتليت🤍
Sonstigesمقدمة ... روايتي ؛يـا مـلـاذ الـروح أنـا فـيـك ابـتـلـيـت 🤍 تتحدث الرواية عن التضحيات المقدمة من العائلة بشكل عام لإنقاذ وحدة العائلة . سواء كانت التضحية من الوالدين او الابناء ... فهناك بطلة روايتي ملاذ البنت الذكية التي سوف تتغير حياتها كلياً بعد...
