جالسه وهي في خوف و قلق نست حياتها الطبيعية ونست كيف عايشة قبل وكل بسبب مغامره دخلتها وسمحت لنفسها تستمر فيها بدون خوف والحين تحصد اللي زرعته ، دق جوالها وبسرعه ردت وهي في خوف من المكالمه هذي
الشخص:والله انك شاطرة وتسمعين الكلام!
هي : شتبغى مني ؟ شتبغى مني عذبتني في حياتي الله ياخذني وارتاح !
الشخص بضحكة: توتوتو ..تونا بدري يابيبي على هالكلام وهذا الطريق انتي الا مشيتي فيه بإرادتك
هي ببكي: خلاص تكفى والله تعبت انا ماعندي الشيء الا تبغاه !
الشخص بخبث: قلت لك يا تعطيني 10الاف كاش يا تجين لين عندي !
هي بصدمة : توك قبل يومين تقول 2000 الحين كيف صارت عشرة خاف الله فيني يا نايف حرام عليك الا تسويه !
نايف بقسوة: اصصص ولا كلمة لا والله اجي لين باب بيتكم وافضحك عند أهلك ومايحتاج كل شيء مسجل عندي من محادثات ومكالمات كل شيء بالحرف الواحد مو قلت لك لا تتحديني يا ماما !
هي بترجي: خلاص اعتبرني إنسانه جاهلهه إنسانه ما افهم بس تكفى خليني ابوس رجلك
نايف بتجاهل: عندك اسبوع يا تجيبن الفلوس ولا عارفه وش بيصير لك !
هي : نايف تكفى .. والله اخواني بيذبحوني ومابيرحموني وانا ماقدر اجيب لك كل هالفلوس شسوي اسرق يعني!!
نايف بسخرية: كيفك يا تقى هذا شيء يرجع لك بس تصدقين حسافة على أبوك إنسان مؤمن ومعروف سمعته تجي بنت مثلك وتوسخها حسافة !
سكرت تقى وهي ميته بكي ماتعرف تروح حق منو او تكلم منو بدايتها كان فضول للبرنامج اللي الكل يتكلم عنه ونهايتها هالشكل وهي الا عمرها مايطلع منها الغلط هالمره صار الغلط كبير جدا ومايغتفر سبت نفسها مليون مره على فضولها اللي ودها بمليون الف داهية ماجاء في بالها إلا فكره وحده تموت اهون لها من تهديدة ولا تلطخ سمعة ابوها هذا الشيء الا يمكن بترتاح منه ولا بتخاف بعدها
^^تقى شخصية جديدة اضفتها وفي شخصيات ممكن ماتحصلونها في تعريف الشخصيات الرئيسية بتكون من ضمن البارتات وبعضها ممكن تنتهي في بارت واحد بس عشان كذا ما اعرفها لكم^^
....
مشعل و وديعة
اللي كانت أيامهم أحلى أيام قضوها مع بعض وهم مرتاحين بدون مشاكل وإزعاج ورجعت نفسيتهم احسن من أول وحان وقت الرجعة بعد غياب عدة أيام
وديعة بشوق : ياربي مشتاقه لورد مره أول مره ابعد عنها كذا !
مشعل ببتسامة: حطي في بالك انها مابتكون أول مره انا حاط في بالي نسافر بعد
أنت تقرأ
يا ملاذ الروح أنا فيك ابتليت🤍
De Todoمقدمة ... روايتي ؛يـا مـلـاذ الـروح أنـا فـيـك ابـتـلـيـت 🤍 تتحدث الرواية عن التضحيات المقدمة من العائلة بشكل عام لإنقاذ وحدة العائلة . سواء كانت التضحية من الوالدين او الابناء ... فهناك بطلة روايتي ملاذ البنت الذكية التي سوف تتغير حياتها كلياً بعد...
