Uni
အယောင်ဆောင်သတို့သမီး
(သို့မဟုတ်)
ဦးရဲ့ကြွေရုပ် (boy love)
Ep 20
ဟူဒီပန်းရောင်လေးကို ဒူးအထက်စတိုင်ပန်အဖြူလေးနှင့်တွဲဝတ်ကာဦးထုတ်အဖြူလေးကိုအနောက်ပြန်စောင်းရင်း ရှူးဖိနပ်အဖြူလေးကိုစီးလျှက် လက်တဖက်ကသံကြိုးကွင်းလေးကိုကိုင်ကာ ကြယ်ဖြူလေးနှင့်လမ်းလျှောက်ထွက်ဖို့ ကြွေရုပ်တက်ကြွနေမိသည်။
ဂါဝန်အနီရောင်လေးကိုဝတ်ပေးထားပြီး ခြေထောက်နှစ်ချောင်းနှင့်လက်နှစ်ချောင်းမှာဖိနပ်ပိစိလေးတွေစီးပေးထားကာ ခေါင်းထိပ်ကအမွှေးစုလေးကို ဖဲပြားကလစ်အသေးလေးပန်ပေးထားသော ကြယ်ဖြူလေး၏ပုံစံဟာချစ်စဖွယ်ကောင်းကာ မြင်သူတကာအသဲယား၍ပွေ့ချီချင်စိတ်ကိုဖြစ်ပေါ်လာမှာမလွဲပေ။
"သက္ကရေ ပြင်ဆင်လို့မပြီးသေးဘူးလားကွာ။ ငါတို့သားအဖတောင်အပြင်သွားဖို့အဆင်သင့်ဖြစ်နပြီ။"
"လာပါပြီကွာ။ မင်းဝတ်ခိုင်းတဲ့အဝတ်အစားတွေက ဝတ်သားမကျတော့အနေခက်တယ်။"
ပြောရင်းဖြင့်ကြွေရုပ်တို့အနားသို့ရောက်လာသောသက္ကကို ကြွေရုပ် ခေါင်းအစခြေအဆုံးအထက်အောက်စုန်ဆန်၍ကြည့်မိသည်။ T-shirt အပြာလေးနှင့် ဒူးပြဲဂျင်းပြာအရှည်ကိုဝတ်ကာ ဆံပင်ကိုနဖူးပေါ်သို့ ဖရိုဖရဲချထားသော သက္က၏ ပုံစံဟာ လွန်ခဲ့သည့်တပတ်ခန့်က အညာမှရောက်လာပုံနှင့် အဆတစ်ရာမကကွာခြားလွန်းသည်။
"ဝိုးး ငါ့သူငယ်ချင်းက ဒီလိုကျတော့လည်းအရမ်းလန်းနေပါလား။"
"အဟီးး.. ဟုတ်လား။ မင်းပြောသလို ငါပုံစံကတကယ်ပဲကြည့်လို့အဆင်ပြေလား။"
"ငါကတကယ်မဟုတ်ပဲပြောပါ့မလား။ ကိုမိုးထက်ရေ ဒီကိုခဏလာပါဦး။"
ကြွေရုပ်သည် သက္ကကိုပြောလျှက်ပင် သူတို့အရှေ့ခပ်လှမ်းလှမ်းမှဖြတ်သွားရန်ပြင်နေသောမိုးထက်ကိုလှမ်းခေါ်လိုက်သည်။ ကြွေရုပ်၏ခေါ်သံကြောင့် မိုးထက်သည်ကြွေရုပ်တို့အနားသို့ရောက်လာလေသည်။ သက္ကမှာတော့ ကြွေရုပ်နှင့်မိုးထက်ကိုနားမလည်နိုင်သလိုတလှည့်စီကြည့်နေမိသည်။
ŞİMDİ OKUDUĞUN
အယောင်ဆောင်သတို့သမီး(သို့မဟုတ်) ဦးရဲ့ကြွေရုပ် / အေယာင္ေဆာင္သတို႔သ (Boy Love) Z+U
Romantizm#ညဥ့်ဦးယံ (seme) #ကြေွရုပ်လွှာ (uke) Normal fic မဟုတ်ပါ။ bl fic💗 January 15 . Sat . 2022 #ညဥ့္ဦးယံ (seme) #ေႂကြ႐ုပ္လႊာ (uke) Normal fic မဟုတ္ပါ။ bl fic💗 January 15 . Sat . 2022
