احببتُ ذاتَ النِقاب(قيد الكتابه)

الفصل الثاني

بسم الله الرحمن الرحيم

_الخمار والنقاب بيكبرك !!
=نَعَمْ ، فِيِ عَيْنِ الَلَّهِ..
_ملابسك واسعة كعجوز
=وَ الَقَبْرُ أَضْيَقُ فَلَاَ تَغْتَرْ..
_مش حرانة ؟!
= قُلْ نَاَرُ جَهَنَّمَ أَشَدُّ حَرًا..💛🌿:'

#روايه احببتُ ذاتَ نِقاب
#الفصل الثاني
#بقلمي/مريم نادر
بعد صلاه التروايح
كانت البنات لبسه ومستنين الرجاله تيجي من الجامع عشان يمشو
لمحت خديجه زينه علي وش زهراء
خديجه:زهراء
زهراء:اي يا خوخه
خديجه:اي اللي عامله في وشك ده
زهراء بستغراب:اي اللي في وشي
خديجه:حطه روج وبرفيوم يا ذاتَ الخِمار
زهراء:احم وفيها اي
خديجه:لا لا فيها وفيها كتير ان ربنا حرام ان البنت تبقي حطه زينه برا بيتها

فلا يجوز للمرأة متزوجة كانت أم غير متزوجة استخدام شيء من هذه الأدوات على بشرتها عند خروجها من البيت ولو كان يسيرا ما دام زينة يراه الرجال الأجانب.

اما بنسبهه لل برفيوم

النبي يقول: "أيما امرأة استعطرت فمرت على قوم ليجدوا ريحها فهي مذنبة"، موضحا إن ذلك ينطبق على العطر الفواح، و الرغبة في لفت النظر، ولا ينبغي عليها أن تخرج بهذا العطر لتلفت أنظار الناس.
عارفه انو مش قصدك كده بس مش هنمشي نقول لكل واحد احنا قصدنا اي يا حبيبتي
زهراء:بجد يا خوخه انا بحب كلامك جدا وانتِ كامله من كل حاجه
خديج بابتسامة:الكامل هو الله وحده
قطع حديثهم صوت هداء وهيا تقول
هداء:يا بنات الرجاله برا يلا
خديجه:يلا يا صفصف
صفيه:يلا يا بنتي
طلعت خديجه منديل من شنطتها
خديجه:خدي امسحي
زهراء:شكرا
خديجه:مفيش شكر ولا حاجه
خرجو ركبو العربيه
سليمان وخديجه ومازن في عربيه
وزهراء وصفيه و سالم في عربيه
**************
حمزه:اخلصوو قربوو يوصلوو
ياسمين:اهدى يا حمزه بالله الواحد مش عارف يعمل ايي
داليا: يا ياسمين
ياسمين:ياسمين زهقت والله
داليا:مش ناقصه اخلصيي شوفي ماما ومرات خالك خلصوو الحلويات ولا لا
ياسمين بهمس:اومال لو خطوبه هتعملو اي بس
حمزه:بطلي برطمه يا بنتي
ياسمين بتزمر:مفيش غيري في البيت ده صح
عندي داليا في الغرفه سمر
سمرر:شكلي حلو
داليا:قمر يا سمر احلي حاجه انك مش حاطه حاجه في وشك
سمر:مفيش احسن من الطبيعة
دخلت ياسمين وهيا بتجري
ياسمين:وصلو وصلووو
داليا:فزعتينيي حرام عليكِ
ياسمين:والله انا غلطانه
***************
في بيت الشيمي
ساميه:انا هدخل اقراء قران عقبال ما يوصلو
دخلت ساميه غرفتها
هداء:وانا هطلع اذاكر عشان الامتحانات قربت اوي
ساره:ربنا معاكِ يا حبيبتي
هداء:ادعيلي كتير يا سوسو
ساره:هدعيلك في صلاتي يا هدهد
هداء:تسلميلي يا رب
طلعت هداء في شقتهم وقعدت تذاكر
يوسف:طب يا سوسو هتيلنا فيلم نتفرج عليه بدل الملل ده
ساره:حاضر
جابت ساره الفلاشه وحطيتها في التلفيزيون وقعدو هما التالته يتفرجو عليه
محمود:اومال فين داليدا
ساره:فوق من بدري
محمود:طيب
***************
في بيت المنياوي
استقبلهم سليم بترحيب كبير
سليم:والله البيت نور
سليمان:منور بصحابه
سليم:لو مكنوش الاحفاد هما اللي خلونا نشوف بعض متسالش
سليمان:حقك عليا والله عارف اني قصرت معاك بس مشاكل وانت عارف
سليم:لو مكنتش عارف مكنتش عذرتك يا سليمان ده انت اخويا ومتربين مع بعض
سليمان:دي العشره يا صحبي
سميره:اتفضلو يا بنات ادخلو هنا
دخلت خديجه و زهراء غرفه تطل علي غرفه الشباب والرجاله
دخلت داليا و ياسمين
داليا بصدمه:ديدا
رفعت خديجه عيونها
خديجه:داليا بتعملي اي هنا
ياسمين:خوخههه
خديجه:ياسمينا بتعملوا اي هنا يا بنتي انتِ وهيا
داليا:العروسه تبقي بنت خالي
خديجه:الله علي الصدف وانا العريس ابن عمي
زهراء:كيس جوافه انا صح
ابتسمت خديجه:اعرفكم دي زهراء اخت العريس ودول يا زهراء صحابي داليا من عمري و ياسمين اكبر مننا ب 3 سنين
زهراء:اتشرفت
داليا وياسمين:الشرف لينا
في الخرج
سالم بهمس:اتكلم يا بني هتقعد ساكت كده
مازن:اتكلم انت يا حج نسيت اللي كنت هقولو
سالم:ربنا يعين البنت عليك والله
سالم بصوت واضح:طبعا انا جاي انهارده طالب ايد بنتنا سمر لـ ابني مازن
احمد:ده شئ يشرفنا بس الراي الاول و الاخر للعروسه
سليمان:طب نادو علي العروسه ناخد رايها
سليم:سهير يا سهيررر
دخلت سهير
سهير:نعم يا بابا
سليم:خالي حد من البنات ينادي العروسه
سهير:حاضر
خرجت سهير من الاوضه ودخلت اوضه ال بنات
سهير:داليا ياسمين حد فيكم ياقوم يجيب العروسه
قامت ياسمين ودخلت اوضه سمر
ياسمين:يلا يا سموره
سمر بتوتر:هماا كتير
ياسمين:لا باباه ومامتو وجدو واخته وبنت عمو
سمر:اه طيب
خرجت سمر مع ياسمين ودخلت اوضه الرجاله
سمر:السلام عليكم
الجميع:وعليكم السلام ورحمه الله وبركاته
احمد:تعالي يا سمر اقعدي
قعدت سمر جانب ولدها
احمد:مازن ابن عمك سالم جاي طالب ايدك اي رايك
سمر بهدوء وكسوف:الراي الاول والاخر ليك يا بابا
سليمان: علي بركه الله نقراء الفاتحه
زعرطت سهير و اميره
سليم:نادو علي البنات عشان نقراء الفاتحه
دخلت ياسمين:يلا يا بنات هنقراء الفاتحه
خديجه بهمس:احم بسرعه دي
زهراء:ايوه في اي
خديجه:مش المفروض في صلاه استخاره بردو
زهراء: اه المفروض بس هنفهم لما نروح
خرجت البنات ودخلت الاوضه التانيه
وقراو الفاتحه
سليم:نسيبهم مع بعض ونخرج نقعد برا
سليمان:عندك حق يلا
خديجه بهمس ل زهراء:واي لزمه المرمطه مكنا قرانها واحنا في الاوضه لازم نقوم ونخرج
زهراء بضحك:المشي رياضه
و خرجو كلهم وقعدو مع بعض
****************
في بيت الشيمي
نزلت داليدا وهيا لبسه جيبه قصيره فوق الركبه بكتير وتيشرت قصير وضيق
لمحتها ساره
ساره:راحه فين يا داليدا
داليدا:خارجه في حاجه
ساره:خارجه بلبس البيت
داليدا وهيا تنظر علي لبسه:ده مش لبس بيت
ساره:مش مُهم المهم مفيش خروج
داليدا:وانتِ مين عشان تقولي في خروج ولا لا
ساره:انا ساره واختك قالتلي متخرجيش داليدا
داليدا:وانا هخرج
وقفت ساره قدم الباب
ساره:قولت مفيش خروج
داليدا زقت ساره وفتحت الباب
داليدا:قولتلك هخرج
خرجت داليدا وقفلت الباب
ساره:عيله متخلفه
واخذت هاتفه ترن علي خديجه
******************
في الجانب الاخر
كانو قعدين والكل بيتكلم مع بعض و في مواضيع مختلفه
خديجه:لا لا كده كتير بجد
بصولها كلهم بستغراب
سليم:في اي يا بنتي
خديجه:اسفه بس والله مش قادره لازم اتكلم
سليمان:فيكِ حاجه تعبانه
خديجه:لا بس يعني هما
كان حمزه قاعد ساكت وانتابه جدا لكلام خديجه
احمد:متكلمي يا بنتي في اي
خديجه:مازن و سمر قاعدين لوحدهم و مش معاهم محرم يعني وكده ومينفعش عشان هو لسه اجنبي عنها فا بعد اذنكم يعني خالو زهراء تقوم تقعد معاهم
سليم:بس هما قدمنا وشايفنهم
خديجه:شايفنهم بس مش قاعدين معاهم
سليم:قومي يا زهراء اقعدي معاهم
قامت زهراء وقعدت مع مازن و سمر واخبرت مازن انهم قالو ليها تدخل تقعد معاهم عشان هو اجنبي عنها
رن هاتف خديجه
خديجه:بعد اذنكم هرد علي التليفون
خرجت خديجه برا
خديجه:الو يا ساره في اي
ساره:اختك خرجت يا خديجه
خديجه بغضب:ازايي خرجت ازاي يا ساره
ساره:يا بنتي كنت قاعده ولمحتها وهيا خارجه ولما منعتها زقتني
خديجه:تمم يا ساره انا هتصل بيها
ساره:تمم
قفلت خديجه مع ساره واتصلت علي داليدا
خديجه بغضب:انتِ فين
داليدا:مع صحابك
خديجه:استاذنتي وانتِ خارجه
داليدا:لا واستاذن لي
خديجه:اقل من ربع ساعه القيكي عندي بدل وربي انا ال هجيبك وهخلي شكلك ذي الزفت قدام صحابك وانتِ عرفاني كويس فا بلاش تخليني اوريكي الوش التاني
يتَبع..

#تعريف الشخصيات#

عائله الشيمي
سليمان"كبير العيله"زوجته الحجه"ساميه"
مخلف تالت اولاد
سالم سليمان اول واحد زوجته"صفيه"
مخلف ولدين وبنت
مازن وده اتعرفنا عليه قبل كده عمره 31 سنه يلي يوسف عمره 28 سنه يلي زهراء عمرها 17 سنه
ماهر سليمان زوجته"سماح"
مخلف محمود 27 سنه ابنو البكر ويلي هداء عمرها 20 سنه
محمود متزوج من ساره بنت خالته ومخلف منها هاجر عمرها 7 شهور
اخر واحد
محمد سليمان زوجته "هاله"
مخلف تالت اولاد
خديجه وتعرفنا عليها قبل كده عمرها 25 سنه وعندها اخ تؤام عامر يليهم داليدا عمرها 18 سنه
★توضيح مُهم★
خديجه اتولدت الاول قبل هداء عشان متتلغبطوش وتقولو ازاي يبقي باباها اكبر من عمها وخديجه اتولدت قبلها وكده فا خديجه اتولدت وبعدين ولدت اهداء بعدها بخمس سنوات
ونفس الكلام مع زهراء و داليدا

عائله الميناوي
سليم الميناوي"كبير العيله" زوجته" سميره"
خلفو ولد وبنت
احمد سليم الابن البكر زوجته "سهير"
مخلف بنت و ولد
حمزه وده اتعرفنا عليه عمرو 31 سنه.. يلي سمر عمرها 21 سنه
اميره سليم زوجها "عز الدين"
خلفت بنتين
ياسمين عمرها 28 سنه يليه داليا عمرها 25 سنه
بعد توفي زوجها انتقلت لـ بيت اباها
دي الشخصيات المهمه وليها ادوار كبيره في الروايه وباقي الشخصيات هتبان مع احداث الروايه
دمتم سالمين
بقلمي/مريم نادر