احببتُ ذاتَ النِقاب(قيد الكتابه)

الفصل الخامس عشر

#احببتُ_ذات_النِقاب
#الفصل_الخامس عشر
#بقلمِ/مريم نادر
لما حد يقولنا" الحمدلله بخير"
نرد عليه ونقوله جعلك الله دوماً من الحامدين الشاكرين او نقوله  جعل الله حياتك كلها خير فخير.

لما حد يقولنا"طيب"
نرد عليه ونقوله طبت وطاب كل شئ اتخذ اليك سبيلاً.

لما حد يقولنا"بحبك"
نرد عليه ونقوله احبتك الجنه وخالقها وعِباد خالقها.
*******************
نظرت لها داليدا وهيا تقول:أي ده يا خديجه فهميني
نظرت خديجه علي ما تشير اليه ونظرت بصدمه وهيا لم تستوعب كيف لما تخفي هذه الاشياء هيا لم تكن تريد ان يعلم احد الان
قالت داليدا بصراخ:أي ده يا خديجه فهميني بالله عليكِ أي ده
قالت خديجه بارتباك:ده ده شعري
داليدا:ايوه عارفه انه شعرك بيعمل أي هنا ولي واقع بالطريقه دي؟
قالت خديجه بهدوء مُميت: أنا عندي الكانسر
وقع الشعر من يد داليدا وهيا تنظر لها وتقول بعدم تصديق:أنتِ بتهزري صح قولي، قولي أنك بتهزري
نظرت خديجه الي الاسفل وهيا تهزر راسها بالنفي
اقتربت داليدا من خديجه وهيا تقول ببكاء: واغلي حد عندك قوليلي أنك بتهزري أنتِ كويسة اهو، بتعملي كده فيا علشان زعلانه مني صح قوليلي صح قوليلي أنك بتكدبي عليا وبتعملي مقلب فيا
بكت خديجه وهيا تقول بزعيق:لا لا لا أنا عندي الكانسر من 8 شهور وباخد علاج وحضرت جلسه كيماوي واحده بس
جلست داليدا علي الارض وهيا تبكي بانهيار، جلست خديجه بجانبها وهيا تضمها وتقول:أنا كويسه اهو كويسه والله متعيطيش كده بتقطعي قلبي يا داليدا أنتِ حسيتي إني تعبانه محستيش صح؟؟ لي بقى محستيش علشان انا كويسه بجد
امسكت داليدا بها بقوة وهيا تقول:هتتعالجي وهتخفي علشانك وعلشاني صح
اومت خديجه وهيا تقول:هتعالج والله هتعالج بس متعيطيش كده
نظرت لها داليدا: نفسي ابطل عياط بس أنا خايفه عليكِ اوي يا خديجه بصي أنتِ هتتعالجي وانا معاكِ هقف جانبك مش هسيبك خالص كلنا مش هنسيبك انا جانبك و وعد مني مش هسيبك خالص
نظرت لها خديجه بشفقه علي حالتها بعدما عرفت مرضها ثم قالت بحب:كفايه وجودكم جانبي يلا بقى هنقضي طول اليوم كله عياط كده
مسحت داليدا دموعها وهيا تقول:هنعمل أي؟
خديجه:لسه هنعمل الاكل وناكل تستريحي شويه وننزل نتمشي شويه و ناكل ايس كريم أي رايك؟
رسمت داليدا ابتسامه علي وجها وقالت:موافقه طبعا بس بشرط
قامت خديجه وهيا تقول بمزاح: لا أنتِ شكلك خدتي عليا أوي يا استاذه لدرجه أنك نسيتي أني اختك الكبيره وبتشرطي عليا كمان
داليدا:استني بس استني علشان خاطري ده شرط عسول ولذوذ خالص
خديجه بسخريه:لذوذ اه ويتري أي الشرط العسول و اللذوذ ده
داليدا:اساعدك في الاكل
نفت خديجه وقالت:لا ده علي جثتي أنك تدخلي المطبخ ابدا
وبعد نصف ساعه كانت تقف داليدا وهيا تقول بتريقه بعدما دخلت المطبخ مع خديجه:كلمتي مش هتنزل الارض خالص، حنفي، هتنزل المرادي
ثم اطلقت ضحكه عاليه ابتسمت خديجه ثم قالت بتذمر:المطبخ ده حياتي وأنتِ في النص ساعه اللي دخلتي فيها المطبخ بهدلتي المكان كله، زوجك هيتجوزك ازاي كده
داليدا:لا ما هو البركه فيكِ
نظرت لها خديجه بشك وهيا تقول:البركه فيا ازاي؟؟
تحدثت داليدا بمكر:ما أنتِ هتعلميني مش الام بتعلم بنتها وأنا أمي ميته وعندي أخت كبيره فا هيا في مقام ماما فا المفروض أنك هتعلميني
رفعت خديجه حاجبه وهيا تقول:اه ما هو سكتنلو دخل بحماره،هو أنا علشان سكتلك علي دخول المطبخ وانك تساعديني بمزاجي هتقولي كمان اعلمك لي يعني خلفتك ونسيتك
داليدا:بظبط كده
رفعت خديجه السكينه وهيا تتصنع الشر وتقول:أخلصي يا بت وعدي يومك قال بظبط كده قال
نظرت لها داليدا بخوف ثم ركزت علي ما تفعله وتركت خديجه تضحك بخفوت علي خوف اختها
***★****★***★****★***
في بيت سليمان الشيمي باسوان
دخلت الغرفه وهيا تجلس بجانبها:أي يا سوسو هتفضلي قاعده كده
نظرت لها ساميه ولم تتكلم، دخلت الاخره وهيا تقول:أي يا سوسو هو أحنا هنتحايل كتير كده
دخل باقي العائله معاد يوسف ومازن وسالم و ماهر و زهراء
جلس أحمد بجانبها وقال:بس أنا اللي هقنع تيتا أنها تخرج تقعد في وسطينا
ضمته ساميه وهيا تقول بحنان:هو أنا اقدر أكسر كلامتك يا أبن الغاليه
قالت اهداء بتذمر:اهو بقو تالته مازن و خديجه و أحمد اللي بتسمع كلامهم انما احنا لا احنا ولاد البطه السودا يعني
رمت سماح الحذاء وهيا تقول:أنا سوده يا محترمة
قالت اهداء بتوجع من الضربه:مش القصد مش القصد بقول كده علشان تضحك والله
دخلت ساره و محمود خلفها وهاجر تقدمت ساره من جدتها وهيا تقول:الف بعد الشر عليكِ يا تيتا ان شاء لله القطه السوده وأنتِ لا
اقتربت اهداء من محمود وهيا تاخذ هاجر وتقول:تعالي يا روحي أنتِ اللي نصفاني في العيله دي
نظرت لها هاجر ببراء ثم امسكت وجه اهداء بيدها الطفوليه
تحدث اهداء بتاثر علي حركتها وقالت:طيب يا جماعه سلام عليكم
واخذت هاجر وخرجت ابتسمو الجميع علي هذا المشهد اللطيف
***★****★***★****★***
توقفت السياره دخل المكان وهو ينظر بدقه لكِ يراها، كانت تجلس في الحديقه مع اصدقاءها وهما يلعبان بالالعاب خصتها رفعت راسها وهيا تقول:بطلي خم يا مايا أنك اديتك كوب شاي عايزه تاني استني لما الكل يشرب
اقترب منها بعدما راها تجلس مع اصدقاءها ثم جلس علي ركبتيهُ وهو يقول:ينفع أنا كمان اخد كوب من الشاي
نظرت له بسعاده وهيا تقول:عمو مازن وحشتني أوي
شالها مازن وهو يقول:و أنتِ وحشتيني أكتر
نظرت خلفه ولم تراي أحد معه فقالت بحزن:هو أنت جاي لوحدك محدش جيه معاك
قبلها مازن وهو يقول:انا مكفيش يا رُقيه هانم
نفت رُقيه وقالت بطفوله:لا يكفي بس كنت عايزه اشوفهم كلهم
قال مازن بمكر:طيب ما أحنا هنشوفهم كلهم كلهم
قالت رُقيه بعدم فهم:ازاي يا عمو مازن
مازن:هقولك ازاي احنا دلوقتي هنروح للمديره نستاذن منها انها هنخدك تقعدي معانا
نظرت لهُ بفرحه:هييي احلي عمو مازن يعيش عمو مازن
ابتسم مازن علي فرحتها وبالفعل ذهب الي مديره الدار وهو يستاذن منها
قالت المديره:مفيش أي مانع خديجه قالتلي لو هما جيهم تاخدوها عادي بس ترجع قبل الساعه 10
تحدث مازن وقال:متخفيش مش هنتاخر عن اذنك
واخذها وركب السياره وانطلق بها
***★****★***★****★***
في منزل الميناوي كان تجلس داليا بحزن وأمامها ياسمين وبجانبها سمر قالت سمر:هتفضلي قاعده حزينه كده
نظرت لها داليا و قالت:نفسي افهم يعني ماما رفضه لي ده نصيب ورزق أعمل اي يعني
قالت ياسمين بحزن:ده كله بسببي حقك عليا
ربطت داليا علي يدها وقالت:متقوليش كده يا ياسمين لسه ربنا مش كتبلنا لبعض دلوقتي
ابتسمت ياسمين نصف ابتسامه وقالت:مش مازن قال انه هيقول لخديجه وهتكلم مامتك
سمر: خديجه مسافره مش هتعرف تكلم عمتو غير ما تكون هنا وكمان الايام دي عندهم ظروف و مازن عندو ضغط في الشغل
نظرت ياسمين لها بخبث وقالت:و أنتِ عرفتي منين ده كله يا سمور
ارتبكت سمر وقالت:م من اها هقولك لما اهداء بنت عمه اتخطبت جت خديجه في وقتها ومشيت تاني يوم فا عرفت وانا هناك انها مش هتقعد
عدلت داليا جلستها ونظرت لها وقالت بمكر:لا يا حبيبتي مش قصدنا علي خديجه ما انا عارفه ان خديجه لسه مسافره ياسمين قصدها علي الحبيب القلب
علمت سمر بأن بنات عمتها لم يعدو الامر بسهال فقالت:يوه  هتستلموني  انتم الاتنين انا قايمه و سايبه ليكم
وبالفعل قامت سمر مسرعا الي الخارج
فقالت ياسمين بصوت عالي:اهربي اهربي هنعرف برضو يا سمر خالي بالك أنا مفيش حاجه بتستخبا عليا يا حبيبتي
في الاسفل كان يجلس كل من حمزه و والجد و أحمد و سهير
قال الجد وهو يشرب الشاي:الاسبوع الجاي هنروح نتقدم للعروسه انا بقولك اهو علشان يبقي عندك علم من قبليها
تنهد حمزه وقال:طيب يا جدي عن اذنكم
قالت سهير:رايح فين يا حبيبي
حمزه:رايح الشركه شادي كلمني الصبح وقال متجيش غير علي الميتينج بتاع الوفد هروح احضر الاجتماع وهاجي سلام عليكم
رد الجميع السلام وغادر حمزه المنزل
نظر أحمد لـ اباه وقال:برضو لسه مُصره علي الموضوع
تحدث سليم ببرود وقال:معرفش أنتم معترضين لي صاحب الشان موافق لي بقى أنتم معترضين
قالت سهير بحزن:علشان أنا عارفه أبني عايز أي ونفسه يتجوز واحده عامله ازاي
قال سليم بغضب:وأنتِ بتشكي في اختياراتي يا سهير
نظرت سهير في الارض باحترام:ما عاش ولا كان اللي يشك فيك يا حج مقصدش
سليم:ولا تقصدي يا سهير وعلي العموم كلها اسبوع وتشوفو البنت و وقتها لو فيها حاجه ابقو اتكلمو عن اذنكم
وقام الجد من مكانه قام أحمد سريعا وهو يقول باعتذار:حقك علينا يا حج هيا متقصدش، هيا خايفه علي ابنها برضو والكلام خرج وقت زعل بس
لم يرد عليه سليم وكمل سيره فقال أحمد مره اخره:طيب يا ريح فين
سليم:رايح مكان ما اروح
وغادر المنزل قال أحمد لسهير:ينفع كده يا سُهير
قالت سُهير بحزن:والله ينقطع لساني مقصديش يا أحمد أنا بس خايفه علي ابني والله
تنهد أحمد بحيره:مش اكتر مني بس ما باليد حيله هعمل أي علينا نشوف يمكن تطلع شبهُ
تحدثت سهير بدعاء:يارب يجبر بخاطرك يا حمزه يا حبيبي
***★****★***★****★***
في امريكا في منزل عامر و آسيا، دخل عامر المنزل وهو يقول:سلام عليكم
ردت آسيا السلام وقالت: وعليكم السلام ورحمة الله وبركاته
اقترب عامر منها وهو يقول:عندي ليكِ مفجاءه انما أي تُحفه
قالت آسيا بفضول:أي هيا قول
عامر:خلاص يا ستي كلها تالت أيام و هنور اسوان
برقت آسيا وقالت:وحيات أمك
رفع عامر حاجبه وقال:والله
قهقهت آسيا وقالت:مقصدش والله بس بجد هننزل مصر
عامر:ايوه ورايا بكره اخر عمليه هنا وهنحجز اقرب طياره ونروح اسوان بقى
حضنته آسيا بسعاده وهيا تقول:أنا بحبك اوي
قال عامر بمشاكسه:خدتي عليا أوي يا آسيا
اتكسفت آسيا بشده وهيا تقول:بس بقى يا عامر
هقهق عامر وقال:طيب عانر جعان
ابتعدت آسيا وهيا تقول:بس كده من عيوني ثواني والاكل يكون جاهز
***★****★***★****★***
في منزل خديجه بالقاهره كانت انتهت خديجه من الطعام بمساعدة داليدا ثم جلسوا سويا ياكلون فقالت خديجه وهيا تأكل:انا حجزت قطر علشان نرجع اسوان تاني
توقفت داليدا عن الطعام فلحظت خديجه نظرت لها وقالت:مالك وقفتي أكل لي
تحدثت داليدا بخوف:خايفه محدش يكلمني باسلوب حلو بسبب اللي كنت بعملو
تحدثت خديجه وقالت:بشطرتك تقدري تخليهم يحبوكي من تاني بكلامك الحلو ولازم تخليهم يشوفو تغيرك وغير كده ناقص شهر ونص علي امتحانتك وأنا مش عايزه تتاجل أنا عايزاكي تذاكري الايام دي علشان تجبيلي درجه حلوه
ابتسمت داليدا وقالت:أن شاء الله هقدر اخليهم يحبوني اكتر من الاول وهعمل اللي اقدر عليه علشان اجيب مجموع حلو يفرحك
خديجه:وأنا مستنيه وهشوف
ثم اكملو طعامهم وبعد نصف ساعه كانو انتهو من الطعام قامت داليدا تساعد خديجه في نقل الاطباق ثم قالت خديجه:ادخلي البسي يلا علشان ننزل
داليدا:فوريره
وبالفعل دخلت داليدا لكِ تبدل ملابسها و غسلت خديجه الاطباق ثم دخلت هيا الاخره لكِ تبدل ملابسها وبعد قليل خرج الاثنين وهما يرتدون ملابسهم فكانت داليدا ترتدي ادناء بلون النبيتي و الاسود وخِمار اسود وكوتشي من اللون الاسود و خديجه ترتدي جيبه من اللون النبيتي و بلوزه من اللون الابيض وكاب أسود و خِمار ونقاب اسود اللون
نظرت خديجه اليه وقالت:لو متفقين اننا نلبس زي بعض مكنش هيحصل
اتفقت داليدا علي كلامها ونزلو الاثنين معا ولم يركبان تاكسي فضلو المشي أكثر كانت خديجه لا تعلم عن محل ايس كريم غير واحد و ذهبو الي المكان ولكن كان المكان مقفول فقالت خديجه بضحك:حظك عسل يا سُكر والله
داليدا:حظي معروف من زمان
تحدثت خديجه فجاءه:بس جالي فكره عسل
اتفزعت داليدا وقالت:ايه حرام عليكِ فزعتيني
ضحكت خديجه بقوه ولكن بصوت منخفض:حقك عليا بجد افتكرت حاجه حلوه والله
تحدثت داليدا بغيظ:اتفضلي قولي عارفه لو مطلعتش حاجه حلوه متتخيليش هعمل فيكِ أي
نظرت لها خديجه بستخفاف علي كلامها وقالت:متقدريش تعملي حاجه اصلا
داليدا:طيب ينفع تقولي هنعمل أيه
خديجه:ناكل دره
وفقت داليدا فورا و ذهبا الاثنين ثم وجدو باع ذره أمام الكورنيش طلب الاثنين واحد لكل منهم ثم جلسو أمام الكورنيش ومعاهم كوز من الذره  وهما ياكولان بستمتاع وهيا تقول:أحلي قاعده مع أحلي كوز دره دوقته في حياتي
ابتسمت خديجه وقالت بمزاح:يوم ما اتمنيت انزل واتمشي واكل دره كنت بتمني انه يكون زوجي بس الامنيه جت فيكِ  بتهيقلي
قهقهت داليدا بشده وقالت:يا عيني يا بنتي كل ما تتمني حاجه مبتحصلش مع الشخص الي اتمنتي معاه
خديجه:اه والله الدنيا جايه معايا بالعكس
ثم جلسو ينظرون الي المياه وكان راجل يقعد وهو و زوجته في جوا رومانسي بنسبه لخديجه أما الناس الاخرون ينظرون اللي الموقف بستخفاف كان يقعد الرجل وهو يضم زوجته بذراع وهيا تسند راسها علي كتفه وجانبهم اغنيه من اغاني فيروز ابتسمت خديجه بحب وهيا تدعي لهم بكل خير اخرجت داليدا هاتفه وهيا تتصور مع خديجه لذكره ثم
قامت خديجه وداليدا معا بعدما انتهاهم من الذره و التصوير قالت خديجه:تشربي MiX شكولاته
تحدثت داليدا بموافق:طبعا طبعا ده مشروبي المفضل
امكست خديجه كف يديها وهيا تقول:هيا بنا
ظلت تتمشي هيا وداليدا ثم وقفت أمام سوبر ماركت كبير وقفت داليدا وهيا تقول بمكر:خليكِ هنا بقى أنتِ تعبانه خالص هاتي أنتِ الكريت كارت بتاعك وأنا هدخل اجيبه بسرعه و هاجي
نظرت لها خديجه ثم رفعت حاجبها وقالت:كريت كارت أي اللي عايزها علشان تجيبي اتنين MiX شكولاته أنا معايا فلوس خديها
داليدا:لا لا ما أنا هجيب شويه حاجات علشان لازوم القعده في القطر وكده
طلعت خديجه الكريت كارت بتاعتها واعطتها لها وقالت:أتفضلي يا ست يريت متتاخريش جوا
اخذتها داليدا وهيا تهزر راسها بالموافقه ثم دخلت سريعا الي السوبر ماركت و وقفت خديجه جانبا في انتظارها
***★****★***★****
دخلت المنزل وهيا تمسك ورده عباد الشمس ثم دخلت الغرفه وهيا تقول:سلام عليكم
نظر الجميع اليه بصدمه وفرحه وقالت الجده بفرحه:.....
يُتَبع....
الفصل يوم الخميس اهو أي خدمه يا سكاكر مفيش دلع أكتر من كده تالت فصول حلوين نزلو وراه بعض يعني جمال ودلال مشوفتش زيه فا متبخلوش عليا بكومنت لذيذ تكتبو في رايكم وطبعا متنسوش الڤوت ده أهم حاجه الفصول اللي جايه دماار بجد واللي فات حاجه واللي جاي حاجه تانيه خالص وقريبا هيكون في مفجاءه لذيذه ليكم وان شاء الله تعجبكم متحمسه اعرف رايكم اوي
وهنا شكر خاص لكل بنوته قالتلي رايها في الروايه بجد يمكن هما أكتر ناس مشجعاني علي الروايه أني اكتبها بسبب رايهم اللي بيخطف قلبي عقبال ما تحنو عليا كده وتقولولي رايكم اللي هيخطف قلبي برضو، هتقبل الرأي السلبي قبل الايجابي لا تقلقو وأي حد عنده استفسار ومش فاهمه حاجه يقدر يقولي وأن شاء الله احاول اوضح الحاجه دي
دمتم سالمين يا رفاق
بقلمِ/مريم نادر❤