احببتُ ذاتَ النِقاب(قيد الكتابه)

الفصل السابع عشر

#رواية_احببتُ ذاتَ النِقاب
#الفصل_السابع عشر
#بقلمِ_مريم نادر
الناس مش ضد الدين بشكل عام، الناس ضد الدين اللي بيأثر علي الحياة الاجتماعية
د/محمد الغليظ
*******************
وبعد ساعات، دخلت بحب للمكان وكان الجميع في الاسفل فها هو يوم الجمعة اجازه الجميع نظرت لهم ثم قالت بتردد وصوت منخفض:سلام عليكم
نظر الجميع للصوت ولكن نظرتهم اختلفت فا البعض كان ينظر بصدمه واستغراب والاخره لم تصدق بمن يقف أمامهم
تحدثت اهداء بصدمه وقالت  وهيا تضرب أحمد بكوع ذراعه لكِ ياخذ بالهُ: واد يا أحمد مش البت دي شبه بنت خالتك داليدا
أحمد وهو ينظر بصدمه ويشير عليها وقال:دي دي داليدا بنت خالتي بجد
اقتربت داليدا ببطئ شديد وهيا ترتعب من فكره بأن لا أحد يتقبلها ولاكن تشجعت بكلام خديجه وقالت بصوت عالي نسبية وهي تنظر علي الارض:سلام عليكم
رد الجميع السلام عليه باستغراب من هذا التغير، تقدمت من جدتها وهيا تقول:اخبارك أي يا تيتا
اجابت عليها سامية وقالت:بخير الحمدلله
دخلت الآخره بفرحه وسعاده بان من صوتها:سلام عليكم يا جماعه وحشتوني اوي
تقدمت من جدتها وهيا تحتضنها بسعاده:اخبارك يا سوسو
ضمتها جدتها اليها بحنان وقالت:انا بخير يا قلب سوسو البيت نور بوجودك
قامت خديجه من جانبها واقتربت من داليدا التي تنظر الي الارض بحزن وقالت: وبوجود داليدا برضو يا تيتا
نظرت لها داليدا بحب ثم قالت خديجه بسؤال:أي رايكم في التغير الجميل الطيف العسل ده؟؟
قامت اهداء من مكانها وهيا تقترب منها وتمسك يد داليدا وهيا تلف وتقول:زي الفُل والله جمال ودلال مشوفتش زيهم
ضمتها داليدا تفجاءت اهداء بحركتها ثم رفعت يدها وهيا تضمها ايضا فا تحدثت داليدا بأسف:آسفه آسفه علي أي حاجه انا عملتها ليكِ
تحدثت اهداء بحب وقالت:متتاسفيش يا داليدا انا مش زعلانه منك
تحدثت ساميه بسخريه وقالت:داليدا هانم بتتاسف ده احنا نسجله في كتب التاريخ
بكت داليدا بقوة بعد كلام جدتها هيا لم تدايقه منها بل بالعكس اديقت من نفسها لانها هيا السبب في كل شئ
تقدمت من جدتها وهيا تضمها:حقك عليا يا تيتا متزعليش مني
ضمتها ساميه وقالت:انا مش زعلانه منك يا هبله انا كنت زعلانه علي اللي أنتِ في وكنت عايزاكِ تتغيري للاحسن ده أنتِ بنت الغالي
مسحت داليدا دموعها وقالت:الحمدلله اتغيرت وكل الشكر لخديجه بعد ربنا
نظرت لها خديجه وقالت:انا معملتش حاجه
سلمت خديجه و داليدا علي باقي العائله كانت الرجاله في الخارج يصلون العصر في المسجد،طلعت خديجه و داليدا شقتهم لكِ يغيرون ملابسهم و بالفعل لبست خديجه اسدال وعليه خِمار والنقاب و قامت داليدا بنفس الشئ و لبست اسدال و خِمار ثم نزلوا الي الاسفل في دخول الرجاله اطلق مازن صفيره عاليه وهو يتقدم من داليدا بعدما نزلت فقال:اي الجمال ده يا داليدا
فرحت داليدا بشده بتغييرها الذي اعجب الجميع:بجد حلو
ضمها مازن وقال:حلو بس ده جمال الجمال كمان،ده انا بفكر افشكل مع سمر و اتجوزك
انهي كلامه ولقي وساده في وجه و اباه يقول:تجوز مين يا أهبل دي اختك في الرضاعة
تحدث مازن بإبتسامة بلهاء وقال:اي ده تصدق نسيت
ضحك الجميع ثم نظر الي خديجه الذي تقف علي جانب فتقدم منها وقال:وقفه كده لي يا خديجه
نظرت له خديجه ثم تحركت قليلا ولم ترد عليه فقال مازن:مش بكلمك يا خديجه
تحدثت خديجه وهيا تتك علي اسنانها:روح روح يا حبيبي اقف مكان مكنت واقف ما هو خلاص خديجه اتنسيت
قهقه مازن بسبب غيرتها عليه فهما كانوا اصدقاء مقربين للغايه حتى الان كذلك:ده أنتِ اللي في القلب يا خوختي
ضمته خديجه وقالت:لولا أني مبعرفش ازعل منك مكنتش كلامتك بس مش هنعديها كده بسهوله لازم خروجه حلوه كده وعلي ذوقي
ابتسم مازن وقال:بس كده من عيوني خديجه تؤمر وانا انفذ
تقدم يوسف من مازن بعدما سلم علي داليدا وبارك لها علي الحجاب زقه يوسف مازن وهو يقول:ابعد شويه كده هو أنت هتلزق فيها عايزه أسلم علي اختي شويه وحشتني يا جدع
اقترب مازن وضمها مره اخره بقوة وهو يقول بعناد:طيب عند فيك ما أنا باعد عنها يا يوسف
نظر له يوسف وقال بعناد هو الاخر:هتبعد يا مازن عايزه اسلم عليها مش كل ما تيجي مبتبعدهاش عن حضنك وتفضل ماسك فيها كده
تحدث مازن ببرود وقال:يا عم و أنت مالك هيا كانت اشتكتلك
كان الجميع يضحك بهدوء فا هما دائما يتخانقون علي خديجه هكذا علي من يحتضنها ومن لا يحتضنها تقدم الجد منهم وقال:ابعد يا كلب أنت و هو خلوني أسلم علي حفيدتي الغاليه و ابقوا شوفو هتحضنوها ازاي
قال اخر كلامته بعناد اكثر
***★****★***★****★***
في منزل الميناوي
دخلت الغرفه عليه وجدتها وجها ينير وتبتسم فقالت بستغراب:وه وه وه اي ده اي ده أحنا وشنا نور اهو اي اللي جد ده أنتِ من يومين كنتِ قالبها نكد
تحدثت بسعاده وهيا تنطط علي الفراش:خديجه رجعت خديجه رجعت
شدتها من يدها لكِ تجلس من جديد: بتتنططي كده لي أي جايبن قرد من حديقه الحيوانات
ابتعدت داليا عنها وهيا تزقها من علي الفراش فا وقعت سمر علي الارض امسكت سمر ظهرها وهيا تقوم وقالت:اها يالي منك الله
داليا:علشان تبقي تقولي عليا قرد اوي
نظرت لها سمر بعدما جلست علي الفراش وقالت:بنهزر معاك يا رمضان أي مبتهزرش
نظرت لها داليا نظره فا ابتلعت سمر ريقها وقالت:احكيلي بقى أي سبب فرحتك برجوع خديجه
داليا:خديجه رجعت يعني هتقدر تقنع ماما با العريس
اطلقت سمر زغروطه عاليه نظرت لها داليا بصدمة وهيا تحط يدها علي فم سمر وتقول:اسكتي اسكتي هتفضحينا
شالت سمر يد داليا من علي فمها وقالت:حاضر خلاص مش هزغرط
دخلت أميره عليهم وقالت بصرامة:في أي كنت سامعه صوت زغروطه خارجه من الاوضه دي
نظرت لها داليا با ارتباك فقالت سمر بتوتر:ها ابدا يا عمتو ده ده اه ده التلفون
نظرت لها أميره برفع حجاب وهيا بتقول:والله؟
تحدثت داليا وقالت:اه كنا مشاغلين فيديو والصوت كان عالي شويه
ظلت أميره تنظر لهم قليلا ثم غادرت الغرفه وهيا تقول:ماشي
ضربتها داليا بالوساده وتقول:حسبي الله كله منك يا بومة
***★****★***★****★***
كان يجلس في الطائرة يتشوق برُايه عائلته و هو يتمني ان هذه الساعات تُطير بغمضه عين ثم يفتحها ويكون أمام منزله
نظرت له وهيا تعلم بما يفكر فا ربطت علي كف يديها وقالت:هانت خلاص كلها ساعتين و ننزل أرض مصر علي خير
نظر الي كف يديها الموضوعه علي كفه وقال:والله يا آسيا ما حد مهون عليا غربتي قدك
نظرت له بغيض وهيا تقول:مهونه عليك اه بترضيني بكلمتين بسبب اللي عملتو الصبح
قهقه عامر وهو يتذكر ما حدث
دخل الغرفه وهو يمسك زجاجه مياه مُثلجه وهو يتقدم من الفراش ثم فتح زجاجه المياه والقها عليها قامت من النوم  بفزع وهيا ما زالت تنام علي السرير ولكن تحركت قليلا عن مكان المياه وقالت:أي في أي  في بني ادمين يصحو حد كده
نظر لها وهو يقول: مش أنا صحيتك كده
هزت راسها وقالت: ايوه
تحدثت عامر بكل لامباللاه:يبقي في ثم قال وهو يتحرك من جانب الفراش: البسي يلا علشان هننزل مصر دلوقتي
قامت من علي السرير و جلست عليه ثم نظرت له بصدمه وقالت:دلوقتي
فتح دولاب وهو يخرج ملابسه وقال:ايوه دلوقتي يلا
قامت من علي السرير وهيا تقول:دلوقتي ازاي يعني مش فاهمه مش أنت قولت هننزل كمان تالت ايام يوم عدي يتبقي يومين اي اللي حصل
تحدث عامر بعدما اخرج له ملابس وقال وهو يغلق الدولاب:الكل الحكايه أني كنت سايب اليومين دول علشان العمليه و الحمدلله شلت الشاش من علي عين المريض والعمليه نجحت وقولت نمشي بقى ومنستناش
تحدثت بغيظ وقالت:برا يا عامر برا يلا يلا يا حبيبي
ظلت تزقه حتى خرج خارج الغرفه وقفلت الباب وهيا تقول: يا بني ادم يا مستفز
فاق من ذكريتها علي صوت آسيا فا نظر لها باهتمام لحديثها
***★****★***★****★***
نظر الي شاشه أمامه بعدما علم برجوع داليدا الشيمي و خديجه الشيمي واقتراب موعود رجوع عامر اخيهم
نظر الي صورهم التي علي الشاشه وصور باقي العائله:حان وقت الظهور يا ولاد الشيمي
ضغط علي الجرس فا دخل الحارس وهو يقول:تحت امرك يا باشا
كان يجلس علي الكرسي وظهر الكرسي للحارس فقال:عايز تذكره علي مصر انهارده خلال بليل اكون هناك
حرك الحارس راسه وقال:اؤمرك يا باشا عن اذنك
انتهي من كلامه ثم غادر خارج الغرفه فقال الاخر بشر:هانت هانت يا ولاد الشيمي
***★****★***★****★***
كان يجلس في مكتبه يركز باهتمام في الاوراق الذي أمامه
وبعد شغل كثير سند ظهره علي الكرسي وكان يحرك رأسه الي الجانب الاخر فوقع نظره علي صوره زوجته فا شارد في الذكريات الماضي
دخلت عليه المكتب الذي بداخل البيت وقالت بفرحه:أنا حامل يا شادي هتبقي أب هتبقي أب
كانت تقفز من السعاده ترك الاوراق وتقدم منها وهو يقول بفرحه:بجد الكلام ده
حركت راسها بالموافقه فضمها وهو يلف بها:أحلي خبر سمعته في حياتي يلا يلا علشان نروح نطمئن اكتر
اخذها وذهب الي طبيه دخلو الاثنين الي الطبيبه معاً وجلست علي الكرسي واعطت التحاليل للطبيبه اخذتها الطبيبه ونظرت اليها فقالت الطبيبه:هيا المدام فعلا حامل بس
نظر لها شادي بقلق من نبره صوتها:بس بس أي
قالت الدكتوره باسف:بس الحمل ده مش هينفع يكمل
نظرت لها بصدمه وخوف وقالت:لي لي مينفعش يكمل
الدكتوره:لانك عندك ثقف في القلب من كام سنه وده غلط عليكِ 
وقعت الجمله كا دلو من الماء المثلج علي راسهم
نظر لها شادي بتوهان وقال: طيب شكرا لحضرتك
اخذها شادي وغادر خارج العياده الطبيه جلست في السياره تبكي مسح شادي وجه وقال:بطلي عياط يا حبيبتي
حطت يدها علي بطنها:مش هنزلو صح
انتظرت اجابته بخوف
رقرق الدموع في عين شادي وقال:مش هينفع مش هينفع يكمل
بكت بقوة وقالت:بس أنا عايزه طفل منك
ضمها شادي وهو يهديها:وأنا كمان نفسي في طفل منك بس أنتِ عندي أهم من أي طفل
مسحت دموعها وهيا تقول:متخفش هبقي كويسه ثق في ربنا خلي الطفل حرام نموت روح علشان خاطري يا شادي علشان خاطري
وتحت ضغطها وافق شادي علي أكمال الحمل
فاق من ذكرياته علي صوت حمزه:هتفضل سرحان كده كتير
تحدث شادي بتوهان:أنا السبب انا السبب في موتها
نظر له حمزه باستغراب:أنت السبب في موتها ازاي
نظر له والدموع تنزل منه دون اراده وكان يتحدث بتوهان:كان غلط عليها الحمل علشان عندها ثُقب في القلب والحمل غلط عليها بس هيا ضغطت عليا علشان نفسها في طفل  او طفله مني و عيطت كتير جدا و اقنعتني وانا اقتنعت و محبتش اشوفها بتعيط فا خليتها تكمل بس أي اللي حصل ماتت حتى الطفله ماتت و سبتني لوحدي ياريتني مكنتش سمعت كلامها
حزن حمزه بشده علي صديقه فا هو حقا لم يري حب مثل هذا ؛ حب؟؟ فا انهُ تخطي العشق بمراحل عديده فقال حمزه:انا مش هقدر احس بالي أنت حساس بيه بس اللي اقدر اقولو «لا يصيبنا الا ما كتب الله لنا» ربنا كاتبلها من قبل ما تيجي الدنيا انها هتموت في الوقت ده وانه يجيله المرض ده من كام سنه برضو ربنا اللي كاتب ليها أنت ملكش دعوه بموتها و ملكش ذنب أنت حاولت معاها بس هيا كانت مُصممه استغفر ربنا وهون علي نفسك محدش هيشيل حاجه عنك لو قدر الله حصلك حاجه ولو اللي أنت بتعملوا ده هيرجعها هقولك أعمل اللي نفسك فيه بس هو مش هيرجعها بس بيتعبك أنت أنت الوحيد اللي هتتأذي
شادي:انا مش قادر اتحمل يا حمزه أنا عارف الكلام ده كله بس مش قادر أعمل بيه روحي بتطلع كل يوم لما ادخل الشقه و ملقهاش بتخيلها في كل ركن في البيت بفتكر ذكرياتنا مع بعض دايما لوحدي او لو قاعد مع حد حتى مبعرفش اركز في الشغل
تحدث حمزه وهو يري خطوره الموضوع علي صديقه:شادي أنت لازم تروح عند دكتور نفسي
***★****★***★****★***
في منزل الشيمي
كان الجميع يجلس في شقه جدتهم وكان الوضع كا الاتي تجلس خديجه في حضن جدها و بجانبها يوسف بعد خانق طالع بينه وبين مازن علي من يقعد بجانبها وبجانب يوسف تجلس داليدا و أمامهم  تجلس الحاجه ساميه و صفيه وسالم ومازن و بجانبهم محمود و زوجته ساره و ابنته و اباه و أحمد يجلس علي المقعد وبجانبه سماح و اهداء نزلت من علي الدرج تجري بسرعه كبيره وتقول وهيا بتنهج من الجري:خديجه
قامت خديجه من جانب جدها وقالت وهيا تتقدم منها:زهراء
نظرت خديجه علي ملامح زهراء فكان يوجد تحت عينيها هالات سوداء  فقالت خديجه:أي كميه الهالات دي
تحدثت زهراء بتعب:من كتر السهر علي الكتب
نظرت لها خديجه بحزن فا هيا تعلم أن زهراء ناجحه كثير في دراستها وانها تجاهد اقصي جهدها بأن تجيب مجموع عالي اخذتها خديجه و تحركت قليلا  وقالت:أنا عارفه أنك عايزه تجيبي مجموع حلو جدا علشان تدخلي كليه اللي نفسك فيها بس جسمك لي حق عليكِ ولازم تستريحي برضو
زهراء:خايفه اوي يا خديجه من الامتحانات
طبطبت خديجه علي كتفيها وقالت:متخفيش ان شاء الله الامتحانات هتيجي حلوه واحنا كلنا معاكِ تعالي بقى اقعدي معانا شويه
رجعت تاني علي مكانها في حضن جدها وكان الجميع سعيد بهذه اللمه
دخل من باب البيت بعدما استخدم المفتاح الخاص بي وقف وهو يقول:متجمعين عند النبي
برقت خديجه بصدمة وقالت:عامر
قامت سريعا من جانب جدها وهيا ترتمي في احضانه و هيا تقول:عامر وحشتني أوي
ضمها عامر بكل قوته فا هو غايب عن بلده بقالها سبع سنوات كامله قال:أنتِ اللي وحشتيني أوي يا بندقه
ثم نظر علي ضعف جسمها المُلاحظ بشده:أنتِ مالك خاسه كده لي أنتِ كويسه
تهربت منه خديجه وقالت:ايوه كويس هو شويه ضغط كده وهيعدو
لما يطمئن عامر بهذا الكلام ولكن أجل هذا لوقتً اخر تقدمت داليدا من أخيها وقالت:ابو العماير وحشني يا راجل
قهقه عامر علي هذا اللقب الذي يعشقه كثير وقال:ده أنتِ اللي وحشاني اوي بس أي الجمال ده
قالت داليدا بفرحه:بجد حلو
غمز لها عامر وهو يقول:ده الجمال عدي الكلام
نظرت خديجه لأسيا وهيا تزق أخيها وتقول:وسع كده خلينا نسلم علي أسيا حبيبتنا
ابتسمت أسيا فضمتها خديجه وقالت:أي الجمال ده ماشاء الله عليكِ ربنا يحفظك
آسيا بخجل:تسلمي يا خديجه
تقدم الجميع لكِ يسلمون علي عامر و زوجته آسيا
جلس مازن بجانب عامر وهو يقول بغمزه:طول عمرك بتقع واقف يا ابن المحظوظه  
نظر له عامر بصدمه وقال:الله اكبر في عينك يا عم
قهقه مازن بشده وهو يقول:متخفش يا عم مش هحسدك
قال الحج سليمان:مش أنت قولت يا عامر أنك هتنزل بعد تالت ايام
عامر:أنا فعلا قولت كده بس خلصت اللي ورايا بدري وقولت مستنتش بقى و انزل
انتهي من كلامه وظل الجميع يتكلمون في مواضيع كثيره حتى قالت الجده ساميه:قوم يا عامر أنت و اخواتك و مراتك علشان تنامو أكيد جاين من السفر تعبانين
تحدث عامر بتعب:عندك حق يا تيتا الواحد محتاج ينام يجي يومين تلاته كده
نظر الجميع له فا ابتلع ريقه بخوف مصتنع:انا بقول انام 8 ساعات فايده برضو
واستاذن كل من داليدا و خديجه وعامر و زوجته لذاهب الي النوم
***★****★***★****★***
دخلت الشقه بعد يوم عمل شاق للغايه اضاءت الانوار راته يجلس ويضع رجل علي رجل ويجلس بكل راحه نظرت له  بصدمه وهيا تفكر كيف كيف دخل الي هنا وكيف يعرف العنوان لم تفكر في هذا كتير لانها تعلم انه يقدر يعلم أي شئ يريد ان يعرفه ويدخل أي مكان يعجبه نظرت له بخوف وهيا تراه يقترب منها ببطئ شديد حتى وصل لها وقال وهو يهمس في اذنيها:وحشتيني يا وفاء
يُتَبع....
رايكم يهمني جدا متنسوش الڤوت و كومنت حلو برأيكم بجد بكتب الفصل وانا مش قادره اصلا  نصه اتكتب وانا بموت ونفسي علشان عايزه انام و النص التاني اتكتب وانا فاضيه شويه حرفيا وداخله علي دور برد أنما أي تُحفه فا اعذروني بجد علي صغر الفصل و ياريت القي تقدير علي الفصل بجد +ياريت تدعوا لـ ولدي بالشفاء فضلاً ولكم المثل أن شاء الله❤
واعتذر عن فصل يوم الخميس ما اتكتبش بسبب شويه ظروف حصلت فا ادعولي فضلا ان الظروف دي تعدي علي خير علشان اكتب لكم الفصل بتاع يوم الخميس اللي فات و يوم الخميس بتاع الاسبوع ده
دمتم سالمين يا رفاق
بقلمِ/مريم نادر❤❤