احببتُ ذاتَ النِقاب(قيد الكتابه)

الفصل السابع

أروع القلوب قلب يخشى الله وأجمل الكلام ذكر الله وأنقى الحب الحب في الله
#روايه احببتُ ذاتَ النقِاب
#الفصل_السابع
#بقلمِ/مريم نادر
#عاشقه_الروايات
آسيا: حضرتك تعرف بابا
ماهر: ده باباكي ده كان صحبي اوي و ربنا يعلم زعلت قد اي لما مات
سليمان: عامر احكلنا اللي حصل
عامر: حصل موقف بيني و بين باباها و الرجل صراحهً كان طيب جدا و وقف جانبي و بقي في ما بين كلام و شوفت آسيا بصدفه و انا هناك و بس و لما طلبت ايديها هو وافق بس كان عايزكم تبقو موجدين بس هو تعب وراح المستشفي وخاف من خالها ف جوزهالي و بعديها ماتت و بعد ما خلصنا و خدنا العزا صفيت كل حاجه هناك و بظبط الدنيا اهو عشان ارجع علي هنا
صفيه: البيت هينور يا حبيبي
عامر: منور بيكم
ودعهم و وعدهم بمكلمه مره اخره
خديجه: طيب يا جماعه عن اذنكم انا هطلع انام عشان جايه تعبانه خالص
ساميه: اطلعي يا حبيبتي وانتِ كمان ي داليدا
داليدا: انا نمت ف القطر هطلع اقعد فوق السطح
طلعت خديجه تنام و داليدا طلعت فوق السطح و فضل الباقي قاعد تحت
مازن:يااااه الواحد فرحان كده وهو حاسس انو في كتكوته ف حياتو
محمود:والاحساس الاحسن لما تتجوز وتجيب بنوته او ولد يملو عليك حياتك
ساره:اه والله الطفل ده نعمه من عند ربنا
زهراء:راعو ان في سناجل هنا
يوسف:انتِ مفيش حد ناوي يتقدملك و نخلص منك
زهراء:ايدي علي كتفك يا ابن عمي هو فين بس اللي امه داعيه عليه و انا اتجوزو
يوسف بضحك:دي مش بتلمح انها مدلوقه لا بتقول انا مدلوقه
ضحكو الجميع وابتسم سليمان بفرحه بلمه اولاد عياله
دخل ادم
ادم: سلام عليكم
الجميع: و عليكم السلام و رحمه الله و بركاته
ادم: متجمعين عند النبي
محمود: و ياك
مازن: اهلا اهلا فينك يا عم ادم محدش بيشوفك من اخر مره عزمناك فيها
ادم:مترمط ف المحاضرات
محمود:ربنا يعينك
ادم:يرب
قام ادم و قال
ادم:طب عن اذنكم انا بقا يلا يا اسيل
اسيل:لو حد منكم يا بنات جاب رقم آسيا يبعتهولي و قولولها بردو
ادم بستغراب:مين آسيا
مازن:زوجه عامر
ادم:اي ده هو عامر رجع
سليمان:لا يا بني لسه مرجعش بس انهارده كلمنه و عرفنا انو اتجوز كلها يجي تلات اربع شهور و يجي
ادم:طيب يا عمي انا هبقي اكلمه و افهم منه
استأذن ادم وذهب هو و اسيل
يوسف:هطلع انام بقا تصبحو علي خير
الجميع:و انت من اهل الخير
قامو الجميع وكل واحد طلع اوضته و نام
قبل صلاه الفجر بساعه
قامت خديجه تصلي قيام الليل وبعد وقت خلصت صلاتها وقعدت تقرا قران لحد م الفجر يأذن وبعد م خلصت قراه القران أذن الفجر
قامت تصلِ الفجر
خلصت صلاه الفجر ولقيت مازن داخل
خديجه:تعالى يا مازن
مازن:تقبل الله
خديجه:منا ومنكم..صليت
مازن:اه نزلنا الجامع انا و الشباب صلينا و قولت اطلع اشوفك خلصتي صلاه ولا لا
خديجه:صفيه صحيت
مازن:كنت سايبه بتصلي هيا والبنات مصلتيش معاهم لي؟؟
خديجه:انا كنت صاحيه من ساعه بصلي قيام الليل وقعدت اقرا قران وانا بقرا الفجر اذن عليا ف قومت اصلي بقا تتعوض ان شاء الله
مازن:هتنامي
خديجه:اه الحق انام كام ساعه عشان ابقي فايقه عشان ورايا كام مشوار قبل ما سافر
مازن:تسافري؟؟تسافري فين
خديجه:هرجع القاهره مخلصتش اللي ورايا
مازن: اجي معاكِ
خديجه:لا بلاش خليك هنا و انا مش هتاخر كلها شهرين وهرجع
مازن:عايز اعرف بجد اي اللي وراكي
تنهدت خديجه ثم قالت ب ابتسامه:هو انت و عامر... انا عارفه اني عمري مخبيت حاجه عنك بس الموضوع المره دي حرفيا مفيش حد يعرفه
مازن:هو كمان عامر عايز يعرف يعني معناه انك مخبيه حاجه كبيره
خديجه:ولا كبيره و لا حاجه بس مش حابه اقول
مازن: تمام هسيبك علي راحتك هقوم انا بقا عشان تعرفي تنامي
خرج مازن من الاوضه
فتحت خديجه تليفونها وفتحت نت لقيت رساله جايلها علي الوتساب من بنت
فتحت الرساله لقيت الرساله مبعوته من بنت اسمها كرستين
الرساله كان محتوها
كرستين:مساء الخير يا خديجه مش عارفه انتِ نستيني ولا لا انا كنت صحبتك ف المدرسه الثانوي والدوروس انا كنت مدياكي رقمي قبل كده مش عارفه انتِ مسجله ولا اتمسح بس المُهم ان انا محتجاكي في موضوع مُهم اوي ياريت لما تفتحِ تبعتيلي مسدج في الرد
قرات خديجه المسدج وكانت مستغربه جدا لان مكنش ما بينهم علاقه و مستغربه لي بعد السنين دي جايه تكلمها
بعتت خديجه رساله بعد ما لقيتها اون لاين
خديجه:مساء النور يا كرستين ايوه طبعا انا فكراكي ولسه مسجله رقمك كمان متخفيش انا تحت امرك يا جميله خير اي الموضوع
شافت كرستين المسدج وقراته
كرستين:بصي انا عارفه انك ممكن تكوني بتكرهيني
خديجه:اكرهك؟؟ اكرهك لي انتِ عملتي حاجه عشان اكرهك
كرستين:يعنيي عشان انا مسحيه و انتِ مسلمه
خديجه:بس ده مش سبب يخليني اكرهك ده دينك واكيد مش هكرهك عشان كده
كرستين:بجد يا خديجه انتِ متفاهمه جدا
خديجه:يبنتي الحاجات دي لازم اكون متفاهمه فيها
كرستين:اصل في ناس يعني مش متفاهمه وكده
خديجه:دول ناس عندهم عنصريه وده غلط احنا كلنا بشر والديانه دي محدش يتكلم فيها
كرستين:كنت طالبه منك طلب
خديجه:لو اقدر عليه اعملو ف انا تحت امرك
كرستين:تسلميلي..زمان كنتِ بتعملي ندوات والاسامي بتعتها كانت حلوه اوي ف كانت بتشدني وببقي عايزه ادخل اسمع ودخلت فعلا كذا مره وحبيت الكلام جدا وكان في ندوه منهم بتكلم عن الاسلام وكده حبيت الكلام فا انا كنت حابه اعرف عند دينكم اكتر
خديجه:وانا تحت امرك حابه تعرفي اي وانا اعرفلك اللي اقدر عليه او اخليكِ تسمعي شيوخ بحبهم جدا هيعرفوكي كل حاجه عن دينا
كرستين:بصي تمام اديني اسميهم وانا لو في اي حاجه هدخل اكلمك
خديجه:وانا تحت امرك
كتبت خديجه اسماء الشيوخ و قفلت مع كرستين
وقبل ما تنام دخلت علي جروب و كتبت للبنات
خديجه: صباح الخير يا حفيدات عائشه و حشتوني جدا و عرفت اني متاخره عليكم و بقالي اسبوعين مبعملش حَلقات ف انا للاسف مش هعرف اعمل حَلقات لمده شهرين بس هبعتلكم حَلقات علي الجروب تباعوها بقا واي اسئله واستفسار زي ما متعودين انكم بتبعتوها و بيتم الرد عليه سلام عليكم اشوفك علي خير
خلصت خديجه كتب الرساله و اغلقت هاتفها و نامت
*************
في صباح اليوم التالي
استيقظت خديجه مبكراً عن باقي افراد اسرتها، مسكت خديجه هاتفها ونظرت ف الساعه فوجدتها لما تتجواز 8:00 صباحا، قامت خديجه من علي سريرها و دخلت الحمام التابع لغرفتها توضات ثم خرجت تؤدي فرضها
وبعد 10 دقائق كانت خلصت صلاتها،لبست نقابها علي الاسدال و دخلت بلكونه غرفتها وقفت قدام القفص الذي بدخله عصافير الونها مبهجه ونظرت علي قفص اخر يوجد بها عصفور ف غايه الجمال ثم قالت له:صباح الخير يا زين وحشتني اوي
حطيت لهم طعام وخرجت لبست فستان اسود وعليه خِمار ونقاب من نفس لون الفستان، خرجت خديجه من غرفتها ونزلت ولقيت الهدوء يَعم علي ارجاء المنزل
خديجه:الحمد الله محدش صاحي الحق اروح مشواري واجي
وخرجت برا منزلها وقفلت الباب خلفها
***★****★***★****★***
بعد 3 ساعات من خروج خديجه قامت باقي افراد العيله،   وكان يجلس الجميع ف الاسفل لحظت ساميه من عدم وجود خديجه ثم قالت:اومال فين خديجه مش من عادته تصحي متاخر
قطع كلامه نزول اهداء وهي بتجري علي السلم وتقول:خديجه وقفت باقي كلامه لتاخذ نفسها وقف الجميع وهما يقولون:مالها خديجه
استكملت اهداء باقي حديثها وقالت:خديجه مش فوق
قال سليمان:ازاي يعني مش فوق خديجه مش بتخرج من غير متعرفني او تعرف جدتها
اهداء:معرفش يا جدي انا كنت داخله اتكلم معاه قعدت اخبط علي الباب مردتش ف انا خفت عليها قولت يمكن تعبت وداخت زي ما بيحصلها ملقتهاش ف الاوضه ولا البلكونه وخبطت علي الحمام برضو ملقتش رد مش عارفه راحت فين
قال ماهر:رنو عليها
قالت اهداء بتوتر:ما ما انا رنيت عليها والتليفون مقفول
قالت صفيه لكي تهدي الاجواء:في اي بس يا جماعه صلوا علي النبي هتلقيها بتجيب حاجه و جايه وبعدين هيا مش اول مره تخرج الصبح كده متخفوش هتلقي زمانها جايه
حاول الباقي ان يهدي علي كلمات صفيه وقعدو مستنين قدوم خديجه
***★****★***★****★***
في مكان اخر كانت واقفه وهيا بتقول:نورتينا انهارده يا خديجه والله
خديجه:المكان منور بيكم متعرفيش الاطفال كانت وحشاني قد اي
قالت مدير دار الايتام:هما كانو كمان بيسالو عليكِ كتير و بذات ااا
قطع كلامه صوت طفله وهيا تقول بسعاده:ماما خديجه
التفت خديجه اليها وهيا تقول بفرحه:رقيه حبيبه قلب ماما
حضنتها خديجه جامد قالت رقيه ببراءة:لي غيبتي عني كده انتِ بتوحشيني علي طول
قالت خديجه:وانتِ كمان بتوحشيني علي طول و في مفجاءه عاملها كمان ليكِ انهارده
رقيه بفرحه:بجد اي هيا
خديجه:هنستأذن مديره الدار وهخدك اوريكِ بيتي، مش انتِ كلن نفسك تشوفي البيت اللي عايشه فيه وتشوفي جدو سليم اللي دايما بحكيلك عنو
رقيه:بجد هتاخديني انا فرحانه اوي
خديجه:ايوه بجد هاخدك ثم وجهت كلمه لمديره الدار وقالت: بعد اذن حضرتك هاخدها وارجعها
المديره:ماشي انا موافقه
رقيه بطفوله:هييييي يحيا العدل يحيا العدل انا بحبكم اوي هروح البس بسرعه و اجي
جريت رقيه من امامهم
المديره ل خديجه:متعلقه بيكِ جدا ولما بتغيبي عننا شويه مبتخرجش برا الاوضه و معظم الوقت بتعيط عشان عايزه تشوفك احنا بنحمد ربنا انها بتتفاعل معاكِ
تنهدت خديجه بحزن ثم قالت:قريب بأذن الله هاجي و هتكفل بيها وهاخدها معايا
المديره:واحنا ف انتظارك
جآت رقيه بفرحه:اي رايك ف فستاني الجديد
خديجه:جميل جدا زي رقيه
ابتسمت رقيه بسعاده وهيا تمسك يد خديجه و خارجين برا الدار
***★****★***★****★***
ف منزل الشيمي
كان أفراد العائله جالسه بتوتر،نزلت داليدا من فوق نظرت لهم بستغراب ثم قالت:مالكم قاعدين كده لي
قالت ساميه بهجوم:وانتِ من امته وانتِ بتسالي عننا وعن حاجه تخصنا من يومك وانتِ مبتحبيش الا نفسك حضرتك نايمه ولا علي بالك اختك برا ومنعرفش هيا فين وتليفونها مقفول
قطع كلامها سليمان وهو يقول بحده:ساميه بس خلاص
ساميه:لا يا سليم مش خلاص هيا مش حاسه بحد حتىٰ اختها اللي مهتميه بينا كلنا قبل نفسها وهيا بتعاملها بجفاء و كلنا عارفين ده
وقبل هذا الحوار كانت خديجه قربت علي المنزل خديجه ل رقيه:هتحبي عيلتي اوي وهما كمان هيحبوكي اوي اوي
قالت رقيه بحزن:بجد هيحبوني اوي اوي
خديجه:ايوه طبعا هيحبوكي اوي اوي كمان
كانت خديجه وصلت المنزل ولقيت باب المنزل مفتوح، دخلت خديجه واستمعت كلام ساميه
خديجه:تيتا
التفت الجميع اللي الصوت لقوا خديجه واقفه وفي يديها طفله لم تتجاوز الخمس سنين
خديجه:في اي يا تيتا مش كذا مره اقولكم متكلموش ف الموضوع ده مع داليدا
سليمان بحده:كنتِ فين يا خديجه من الصبح و ازاي تخرجي من غير متعرفينا ازاي تسيبنا قاعدين خايفين عليكِ كده
قالت خديجه وهيا تتصنع ببراءه:يا جدو انا كنت بجبلكم القمر دي تتعرفو عليها ولما صحيت مكنتوش انتم صحيتوا وانا مكنتش عايزه اقلقكم
سليمان:طالعه ل ابوكي بصحيح ثم نظر ل رقيه وهو يقول بحنان:مين القمر دي
رقيه بطفوله:انا رقيه اكيد انت جدو سليم انت عسول اوي يا جدو
ضحك سليمان من قلبه وهو يقول:ده انتِ شقيه خالص يا رقيه
اشارت رقيه علي نفسها وهيا تقول:انا شقيه لا انا مش شقيه مش صح يا ماما خديجه
خديجه:لا يا روحي انتِ جميله خالص
قالت ساميه بصدمه:البنت دي شبه خديجه وهيا صغيره
نظر الجميع ل ساميه ب استغراب قالت ساميه:والله البنوته دي شبه خديجه وهيا صغيره جدا
قال سليمان:ايوه فعلا بس يخلق من الشبه اربعين يا ساميه
غيرت خديجه الموضوع بتعريف الجميع علي رقيه
رقيه وهيا تشير علي احمد وتقول ل خديجه بهمس:ماما خديجه يقربلك اي ده
خديجه ب ستغراب من سؤالها:ده يا حبيبتي يبقي ابن خالتي الله يرحمها
مر وقت لطيف ف وجود رقيه
قامت خديجه وهيا تنادي علي داليدا:داليدا داليدا
نزلت داليدا وهيا تقول:خير
خديجه:جهزي نفسك والشنط عشان هروح اوصل رقيه ونرجع علي المطار علي طول
داليدا:طيب
رقيه ل الجميع:سلام هتحشوني ابقو تعالو شفوني عشان خاطري انا حبيتكم اوي انتم حبتوني؟؟
قالت اخر كلمتها ب حزن
نزل مازن لمستواه وهو يقول بحب:احنا حبناكي اوي وانا هاجي انا و زهراء و يوسف و اهداء والكل عشان نشوفك
قالت رقيه:وعد يا عمو
مازن:وعد يا قلب عمو
نزلت خديجه وهيا تمسك عروستها المفضله وقالت ل رقيه:العروسه دي مفضله عندي جدا وبحبها اوي وانا عشان بحبك هديهالك
قالت رقيه بعد القت نظره علي العروسه:بس انا معايا شبه بظبط يا ماما
قالت خديجه:بجد طيب خلاص خلي الدبدوب ده معاكِ
رقيه:حاضر هحضنو علي طول
خديجه:يلا نمشي بقا
ودعو الكل رقيه و وعدها الجميع ب الزياره
يتَبع...
الفصل كبير جدا ومن اطول الفصول اللي كتبتها في حياتي وحابه اقولكم اللي شافتو اللي فات ده حماده واللي جاي حماده تانيي خالص، هينكشف اسرار و اللغاز صدمه للجميع.
رايكم يهمني بجد...دي حاجه مُهمه بنسبالي لان ده اللي بيشجعني اني اكتب ليكم...متنسوش الفوت والكومنت اللطيف بتاعكم وعايزه توقعتكم ف اللي جاي..واسفه جدا لو في غلط املائي انا كتبت الفصل و مرجعتش عليه
دمتم سالمين
بقلمِ/مريم نادر