2018.02.10
ජීවිතේට පාඩමක් ඉගෙන ගත්තු හුගක් තැන් වලට අපි කැමති නෑ. ඒත් හැම කෙනාම තමන්ගේ වැරදි තේරුම් ගත්තු එක තැනක් එතන. මගේ වැරැද්දත් වෙනත් ඍතුවක ස්පර්ශ වීමට ගොස් වසන්තය මග ඇරී යාම. නමුත් මා හැම විටම වස්සානය ප්‍රතික්ෂේප කරයි.
වසන්තය පමණක්ම නොවේ ලොව ඇති සෑම ඍතුවකටම කාලයත් සමග සමු දීමට දිනක් හමු වේවි. කාලයත් සමග අප ඒ ඍතුව අත හැරීමයි සුදුසු දේ.
වුවමනාවෙන් මග හැරි කලාපයක් වුවත් තදින් අල්ලා ගත් වස්සානය වුවත් තාවකාලික සතුටක් හෝ දුකක් පමණයි. සැම දේම සදාකාලික නොවන ලෝකේ අත් හැරීමයි තෝරා ගත යුතු මාර්ගය.
ඉදින්, ඇය වෙනුවෙන් මාගේ හිතේ ගොඩ නැගූ පැලය මා විසින්ම ගලවා අවසන් ය. ඇගේ සිතට දිනක් හෝ ඇතුලු නොවීම අවාසනාවක් ලෙස සිතීමට තවමත් හැකි වුවත් වාසනාව යනු අවාසනාවේම කොටසක් බව මා උගත්තේ ඇයගෙනි.
ඇයගේ සියලු මතකයන් හදවතක තනි කර දමා ඇය වෙනුවෙන් වෙන් කල සෑම පිටුවක්ම සැගවීමට කාලය එලඹී ඇත. සිදුවූ සියලු දේ අතීතයක් සේ සලකා මා අද සිට වර්තමානයේ ජීවත් විය යුතුයි.
ප්‍රේමය යනු වර්ණවත් සිදුවීමකි. එය සිදුවිය යුත්තේ අන්තර්ක්‍රියා වලින් පමණක් යැයි සිතන ලෝකයක සියලුම ප්‍රේමයන් මියැදී යනු ඇතියි. සමරිසි වීම වරදක් නොවන්නේ ප්‍රේමය හැදිනගත් විටයි. ආලය හදුනා ගත් ලොවක කෙදිනක හෝ මා ඇයව පතමි.
නමුත්,
අතීතයේ ඇය හමුවී දින මට ඇය මග හැරී නොගියේ මන්දැයි මා තවමත් පසු තැවෙන දෙයයි.
ලිවීමට හැකි වුවත් නොකී ප්‍රේමයේ නැවතීමට මට දැන් අවසරය ලැබී ඇත්තේ.
ඉදින් සමුගනිමි දිනපොත මා හා ඇයගේ ආලය දරා සිටි.
.
.
.
°°°°°°°°°°
නිමි.
කැමතිද අදවත් අදහසක් ලියන්න.
මේ දිනපොතේ නැවතුමයි.
ඊලග පිටුවේ ඕතර් කතා කරන්නම්.
මං යන්නම්.
YOU ARE READING
දිනපොත | 𝙶𝙻 ✔️
Literatura Faktu" ඔහුගේ දෑත් වල පහස ඇයව සනසමින් ඇතැයි මට අනුමාන කල හැක. සමහර වෙලාවට මම එලෙස තවත් කෙනෙකුගේ ස්පර්ශයක් දැනුණ මොහොතක් හෝ වැලද ගැනීමක් සිහි කරන්න උත්සහා කරනවා. එය මගේ හදවතට බර වීමක් වගේ දැනෙනවා." Non fiction | GL | Diary Published date :-2022.04.02 Finis...
