اهليييين احبكم لحماسكم للبارت وعلشان كذا رح نكمل الروايه سوا > لاتنسون التعليقات والتوقعاتتت اللي ممكن تصير بالبارت اللي بعده
ولاتنسون اني احبكم كثيييير 🤍
بنص الدوام وبعد ماتعرف غيث على كل شي بالمكان
هتان دق باب مكتب غيث اللي كان مندمج
رفع راسه : هلا هتان !
هتان : ماودك نروح ناكل لان استراحه الغدا جاء وقتها
غيث ارتبك من الميانه اللي بادر بها هتان وبنفس الوقت ماعنده مبلغ يشتري به الاكل اخر مبلغ كان معه صرفه على اجار الشقه : شوي واجي او مارح اجي باقي عندي كذا شغله ضروريه
هتان تضايق * معقول يمكن علشانه موظف جديد فا منحرج* : تمام على راحتك
تركه ونزل للكفتيريا طلب ساندوتش وكوب قهوه وكانو الموظفين مجتمعين بحيث انها استراحه صباحيه لمده نص ساعه
هتان جلس بعيد شوي عنهم بس جذب انتباهه نفس الشخص اللي امس تكلم مع غيث لما طلع من المكتب انتبه لواحد يقول له
موظف ١ : حسام انت توك اليوم متوظف وناوي شر ؟
حسام بغضب: بشهادتي واسمي واسم عايلتي انقبل بمنصب عادي وهذاك اللي مايسوى واتوقع شهادته من هنا ينقبل مساعد الرئيس نفسه !
موظف ٢: طيب يمكن عنده مميزات افضل منك مو شرط ان الولد يكون عنه شهاده من برا ترا
حسام كان يناظر كوبه وبقلبه حقد كبير تجاه غيث : رح اخليه ينطرد اليوم قبل بكرا
هتان اللي كان يسمع تنهد عمره ماصارت بهالشركه نفس هالنوعيه من مشاعر الحقد بس ليه ! ومن يكون حسام علشان يتكلم كذا لازم اسال الرئيس واستشيره بهالموضوع
اما بمكتب غيث
يوسف كان يراقب غيث من مكتبه ويلاحظ اندماجه القوي بعد دقايق انتبه لهتان اللي دق الباب
يوسف : ادخل
هتان دخل وسكر الباب وراه: استاذ يوسف
يوسف : صاير شي هتان !
هتان: لا بس فيه شي ابي اتكلم معك فيه
يوسف : واللي اهو !
هتان حكى له اللي صار بالكفتيريا : انا مستغرب انه واثق بنفسه كثير كونه ولد احد من الكبار
يوسف بتفكير : قلت لي حسام عبدالله ال**
هتان: اي
يوسف : يكون ولد عم اكبر شركه بالاستيراد والتصدير ..
هتان بصدمه : شركه ال**
يوسف : اي
هتان : بس كيف كذا وليه جاء يقدم هنا من بين كل الاماكن !
يوسف : مدري بس واضح ان من ملفه الشخصي قدراته وخبراته قليله ودرجه شهادته قليل مو مثل غيث فا ماله حق يتكلم
هتان : اي صدق استاذ لك من استلمت الشركه٦ سنوات مابعمرك فكرت تحط مساعد مع ان جاو ناس اكثر واشهاداتهم اعلى من غيث ليه !
يوسف : بعدين تعرف بس مهمتك هاليومين تراقب لي هالحسام وتعطيني اخباره اول باول
هتان: اكيد
يوسف بتوضيح : وصح اهتم بغيث كثير ولا تبعد عنه
هتان: ابشر
يوسف مد له الكيس : خذ هذي له
هتان اخذ الكيس وراح لمكتب غيث اللي كان واضح عليه الارهاق : غيث خذ استراحه وخذ هذي من استاذ يوسف وبعدين لاترهق نفسك توك اول يوم ترا المفروض ماتسوي شي
غيث رفع راسه واخذ الكيس من هتان : مشكور * وبتعقيب على كلام هتان* لاحظت لخبطه بالحسابات علشان كذا جالس اراجعها
هتان عقد حواجبه بستفسار لكلام غيث: مافهمت !
غيث لف الشاشه لهتان وبدا يشرح له : يعني فيه نقص بالحسابات بشكل عام وفيه لعبه فيها
هتان بصدمه: لعبه في الحسابات شلون من يتجراء
غيث : مدري ولا ابي اظلم احد علشان كذا براجعها من جديد
هتان: تمام اجل طمني وش يصير معك
غيث : اكيد بس لاتقول لاستاذ يوسف اي شي الا لمن اتاكد !
هتان: تمام
طلع منه اما غيث فتح الكيس وشاف فيها فطيره وعلبه
قهوه وورقه : مو معناته انه اول يوم تجهد نفسك بالعمل
وماتاكل
ابتسم بسفقه على نفسه بس انا رح اعوض جميله هذا باني انجح شركته واترك لها صيتها ومكانتها فوق ماهي
اكل وبعد ما انتهى رجع لشغله استمر الدوام عادي الساعه ٥ طلع من مكتبه وانصدم انه للحين موجود
يوسف قرب من مكتب غيث
يوسف : غيث وش تسوي للحين هنا ؟
غيث وقف : اسف استاذ ماحسيت بالوقت
يوسف انتبه للساعه اللي كانت ل ٧
غيث : بطلع الحين
يوسف : وين هتان عنك ؟
غيث : جلس ينتظرني بس انا قلت له يطلع وبس اخلص برسل له ياخذني
هتان اللي دخل بهالوقت : استاذ يوسف !
يوسف : تعال خذه ولا عاد تتركه يشتغل لاكثر من ساعات العمل
هتان ناظر لغيث بعتب : شفت قايل لك
غيث بتذكر : بس صح دقيقه فيه شي ابيكم تشوفونه
استغربو اثنينهم
غيث اشر للكراسي قدام مكتبه: تفضلو !
لف الشاشه عليهم
يوسف : وش هذي ؟
هتان بصدمه: عرفتته ؟
غيث ابتسم: اي
يوسف اللي مو فاهم شي : وش تتكلمون عنه !
غيث بدا يشرح ليوسف خساره الارباح وضعف ميزانيه الشركه وسببها كانت صدمه بالنسبه ليوسف
اللي يعرف موظفينه كثير ولهم عمر معه
هتان : استاذ يوسف وش ناوي تسوي ؟
يوسف بتفكير : اتركو هالموضوع علي وانتو روحو ارتاحو بكرا نتصرف
طلعو كلهم اما يوسف اللي وقف ونادا غيث : غيث
غيث اللي مان يمشي بجنب هتان بهدوء التفت : هلا
يوسف : تعال
قرب منه اما يوسف طلع الظرف : هذا اول راتب لك نسيت اعطيك اياها لاني اعطي الموظفين راتب من اول يوم بس بنفس الوقت ماعرف حسابك البنكي !
غيث انحرج: اسف ماعندي
يوسف : كنت متوقع بس لاتحاتي بكرا نتصرف
راححو سوا بدا هتان يعرف غيث على الشقه وترتيبها
هتان: انا شقتي اللي مقابلك اذا صار شي وحبيت او احتجت شي تعال تمام
غيث : شكرا هتان تعبتك معي
هتان: ولايهمك تعبك راحه
طلع هتان انا غيث فتح حسابه بالتويتر ابتسم لاسمه "مُهمل "
كتب بتغريدته الجديده
تعودت ان اكون مُهمل اتوقع هذا الحال لن يدوم يا اصحاب 😄🤍
قفل جواله ونزله ببتسامه لحياته الجديده سمع صوت اشعارات كثيره تعلن تفاعل على تغريدته ماحس بنفسه لما نام صحى اليوم الثاني بعد مارتب نفسه طلع بسرعه من شقته وقابل هتان اللي رد عليه الصباح
بدا الدوام بشكل عادي بنص الدوام
دخلت بشكلها اللي جذب الكل ووابتسامتها الصغيره شعرها الحريري اللي يوصل لنص ظهرها عبايتها اللي بلون عنابي وشنطتها الطرحه اللي كانت على راسها بس كتغطيه وصلت لمكتبه
ندى: هتان ابوي فاضي ؟
هتان وقف ببتسامه: هلا استاذه ندى اي تقدرين تدخلين به كان ينتظرك
ندى دخلت لمكتب ابوها بعد ماسمح لها غيث كان جالس يتكلم مع يوسف وقف بيستئذن
يوسف : ندى غيث غيث هذي بنتي ندى
غيث وعينه بالارض : هلا تشرفت
ندى ابتسمت: هلابك انت غيث اللي محتاج تفتح حساب بالبنك؟
غيث رفع راسه وكان انطباعه الاولي عنها واووو ملاك هذي مو انسان : اي انا
يوسف ؛ ندى رح تهتم فيك يا غيث روح معها للبنك عندك وقت تطلع فيه تمام بس لاتتاخر
غيث برتباك: بس انا
يوسف رفع راسه : بنتي تسوق تقدر تروح معها !
غيث ناظر بيوسف بحرج وطلع معها لبرا الشركه
غيث برتباك: تقدرين تروحين والحقك باوبر
ندى ضحكت: ليه اوبر طيب سيارتي موجوده وابوي قال لك تجي معي
غيث : بس خايف اضايقك
ندى: يلا بسرعه لانتاخر
راح معها وفتح له حساب بالبنك وقبل يطلع
ندى: تعال بوصلك انا
غيث زاد ارتباكه وتوتره: ها لا مايحتاج
ندى : يلا بالمره بجلس عند ابوي شوي اساله
غيث : اذا كذا تمام
رجعو للشركه وكان وضعها مقلوب كان الاستغراب كبير من الطرفين كانو الامن منتشرين والموظفين بكل مكان
ندى قربت من هتان اللي كان واقف بجنب مكتب يوسف اللي واضح عليه العصبيه : هتان شصاير ؟
يوسف بصرخه ارعبتهم : وينه غيث !
غيث اللي انصدم ورجفت يده : امر استاذ
هتان تنهد للمره الالف لانه عارف ان غيث ماله دخل بس كل الادله تدل عليه...
أنت تقرأ
مُهمل
Любовные романыكنت مُهمل الى ان التقيت بك وانه لمِن الجميل أن يكُون لديكَ صديقٌ كلّما أتيتَ له متكدّراً رجعت منه صافياً وكلّما قدمت إليه ضعيفاً عُدت منه أقوى 🤍🤍🫀
