بالشقه
بندر اللي جلس بالصاله وحاط رجل على رجل ببتسامه غريبه
بندر: والله ولا اخليك تندم يا محمد رجعت وبنتقم من جديد رح اخليك تترجى غيث علشان ترجع بعقلك
غيث اللي استنكر تصرفات بندر: صاير شي معك !
بندر: لا شفيه؟
غيث : مدري من وصلنا وانت مو طبيعي
بندر: مافي شي ركز بس على مهامك شوي وتوصل ندى
غيث ارتبك: وش تسووي؟
بندر ناظر ارتباك غيث وضحك: لاتخاف عندها تعديل على تفاصيل الاجتماع بكرا مارح تجلس بدون هدف
غيث انحرج من تفكيره: اها
بندر ابتسم قبل يدخل لغرفته
بعيد عنهم
ندى : الو هتان انا عند الباب
هتان: تمام يلا
طلع من الشقه ومعاه اوراق كثير
هتان : هذي اوراق الاجتماع
ندى: مارح تجي ؟
هتان: لا عندي كذا شغله بخلصها ضروريه
ندى: اها تمام بتوفيق
وقفت عند كوفي بطريقها وخذت ٣ اكواب
ببيت يوسف
ريتاج: يعني غيث يكون !
يوسف : اي
ريتاج: وناوي يدخل معهم بندر بمتاهه صح
يوسف : اي بس مدري للحين وش ناوي عليه
ريتاج: اهم شي اتركوه يبعد عن العيال غيث وندى وهتان مالهم دخل بسوالف بندر ومحمد
يوسف : كلمته قبل الله يستر عاد بندر صاير فيه جنون غريب من حصل غيث
ببيت محمد
حسام: يمه تعرفين غيث ولد طلال ال**
الام : اي شفيه !
حسام بنتباه : صدق يمه !
الام: اي سمعت من ابوك انه اشترى شركه العرب حق خالتك
حسام باحباط : اها
حسام ليه يخبون موضوع غيث معقول يطلع ولد خالتي ! بس شلون ووين كان طول هالسنوات
بشقه بندر
بندر ببتسامه: تفضلي
ندى : اسبريسو !
بندر: تعجبيني
ندى : وغيث وين !
بندر: بالصاله طيب ادخلي
ندى : باقي اوراق بالسياره ماقدرت اجيبها
بندر: غيث تعال
غيث اللي كان جالس وحاط سماعه وحده حط جواله بجيبه وراح لبندر: هلا
غيث انتبه لندى : اسف اخبارك ندى ؟
ندى: بخير وانت
غيث : بخير
بندر : راح اليوم اخبارك بخير اسمع * كلم ندى* مفتاحك وين
ندى : بجيب الشنطه
بندر فتح جيب الشنطه وطلع المفتاح: جيب الاوراق وقفل السياره
غيث اخذ المفتاح وراح جاب الاوراق وقفل السياره رجع يصعد انتبه لواحد واقف من فتره طويله استغرب وماقرب منه
اما هو قرب من غيث : لو سمحت ابغى اسال عن واحد هنا !
غيث : امرني
محمد: بندر ال** هنا ساكن
غيث ارتبك بس ثبت نفسه: اي ساكن هنا جاري
محمد : اها تمام شكرا كم رقم شقته بروح له
غيث اذا قلت له عن الشقه ! : هو قال بيطلع اكيد بيجي بعد شوي
محمد : اها تمام بنتظره اجل
غيث صعد للشقه واول ماشاف بندر
غيث : بندر فيه واحد يسال عنك
بندر عقد حواجبه قبل يوقف : وينه ؟
غيث : تحت قلت له انك بتطلع بعد شوي وضعه مشكوك فيه من لما طلعت كان واقف وكانه من زمان يراقب المبنى
بندر اخذ كوب القهوه: تمام كملو شغلكم بروح اشوف من هو
راح لغرفته وطلع علبه الدخان ونزل انتبه له واقف بس معطيه ظهره: انت اللي تسال عن بندر ؟
محمد التفت لبندر
بندر جمدت تعابير وجهه بعدها ضحك: اوووه انت ! وش جابك هنا
محمد عقد حواجبه من طريقه بندر اللي قبل كان يخاف من محمد ويخاف من عايلتهم كامله : جاي اتكلم معك
بندر جلس على الدرج: تفضل !
محمد بستغراب لاسلوب بندر : هنا !
بندر: اي لان شقتي مشغوله * غمز لمحمد اللي حس بقرف من اسلوبه اللي كل مره يكون وقح * اذا حاب نتكلم بكرا بشركتك ماعندي مشكله ترا
محمد : يكون احسن بنتظرك الساعه١٠
بندر نفخ الدخان بستمتاع لتعابير محمد : ابد تم
اول ما اختفى محمد اتصل على احمد
احمد : اووه وش اللي صاير بالدنيا بندر يتصل علي
بندر: لاتكثر حكي وتعال لشقتي ابيك وجيب عزوز بطريقك
احمد استنكر الجديه اللي بندر يتعامل بها : مصيبه !
بندر : اذا جيت تعرف استعجلو
وقف وصعد للشقه شافهم يشتغلون وندى توضح لغيث كل انظمه الشركه الخاصه فيه لانه بينتقل قريب مع بندر كون انه اكثر خبره
غيث التفت لبندر : فيه شي
بندر ابتسم وبعثر شعر غيث : لا مافي ركز بشغلك علشان انا تعبت من الاداره ابي اكون موظف يغيب ويسحب متى ماحب
غيث ابتسم له قبل يكمل كتابه
بعد ربع ساعه اندق الباب
غيث استغرب من بيجي ! وقف بيفتح
بندر: اتركه بروح انا انتو خلصو يلا
فتح الباب
بندر: اوه هتان هلا تفضل
هتان: غيث هنا ؟
بندر بهمس : طلع مع ندى ل موعد
هتان انحرج وبعد عن بندر
غيث اللي وقف : اتركه عنك وتعال
بندر ضحك وكان بيسكر الباب
احمد: ماتبغى ندخل ؟
عبد العزيز: تاركنا نضرب مشوار واخر شي ماتبينا ندخل
بندر: ادخلو ادخلو المكتب
دخلو وانتبهو للثلاثه اللي كل واحد قدامه اوراق واللي لاب واللي ايباد
عبد العزيز : جاي استمتع واشوف هالمنظر
بندر ضحك: ادخلو المكتب انتو
بندر: غيث بنكون بالمكتب اذا احتجتو شي دق الباب قبل
ندى ضيقت عيونها وعرفت ان بندر ناوي على شي
بندر: لاتناظريني وخلصي ارجعي بيتكم بعد شوي بشوف يوسف هنا بسببك
ضحكو على كلامه لان صدق يوسف يخاف على بندر كثير ومن تصرفاته اللي زايده بهالكم يوم
احمد جلس وحط رجل على رجل : تفضل قول وش مصيبتك !
بندر عقد حواجبه: شمصيبته ؟
عبد العزيز : قلت له ويوسف اتصل علينا ينبهنا عليك
بندر بحلطمه: اي شي بسويه لازم اقول لكم ولا ماكنت بجيبكم هنا
احمد : تكلم يلا
بندر: محمد
عبد العزيز : من محمد
بندر : محمد خال غيث
احمد: شفيه
بندر: من شوي كان تحت
عبد العزيز بستنكار : تحت وين ؟
احمد بصدمه: جاك ؟
بندر: اي جاء وقال انه بيتكلم معي بكرا
عبد العزيز : شجابه ذا بعد هالسنوات ؟
بندر : للحين ماعرف بس اللي اعرفه اني لازم اخذ كل حقوق غيث منهم علشان كذا بسالكم كم سوال اذا تكلمت مايكون علي غلط
برا الغرفه
كانو جالسين
ندى : انا بكذا انتهيت
غيث ببتسامه: شكرا تعبناك معنا
ندى : تعبك راحه بروح الحين بلغ عمي سلامي
غيث : تمام
طلعت ندى وبقى غيث وهتان
هتان: شرايك نطلع نتمشى وناخذ عشاء
غيث فتح جواله وارسل له : بنطلع نجيب العشاء ندى راحت لبيتهم
بندر اللي قراء الرساله ابتسم وارسل: اوك
غيث : يلا قوم نروح
طلعو من الشقه
اما ببيت يوسف
يوسف : شصاير ؟
ندى: ولاشي احمد وعبد العزيز جاو واحنا جالسين ودخلو المكتب مع عمي
يوسف تنهد بقله حيله : مارح يترك اللي براسه
ندى: صدق يبه وش ناوي عليه عمي ؟
يوسف : انا مو عارف علشان كذا خليني لما اعرف اقول لك
انتهى اليوم باحداثه العاديه
اليوم الثاني
كانو كلهم مداومين بالشركه الساعه ٩
جوال بندر بمكتب يوسف
يوسف انتبه لا احمد يتصل
يوسف: هلا
احمد: اخوك وينه؟
يوسف؛ طالع ياخذ جوله على الموظفين
احمد: ياليل وقته
يوسف : تبي منه شي ؟
احمد: لا قال لي امره الساعه٩ والحين شكلي
يوسف: هذا هو جاء
بندر: نعم يا مزعج
احمد: انا تحت ماحبيت اقول شي ليوسف
بندر: تمام جايك يلا
احمد : انتظرك
نزل بندر وراح مع احمد وقف قدام شركه محمد
احمد : والله يابندر تسوي شي غير اللي اتفقنا عليه لاتلوم الا نفسك وطلع نفسك من الحبس مارح اتدخل هذا قلت لك ترا
بندر عطاه نظره قبل ينزل
وقف قدام السكرتير : عندي موعد مع محمد
السكرتير عقد حواجبه من انه نطق محمد بس توقع انه يمون عليه: لحظه
وقف فتره قبل يدخل للمكتب
محمد : تفضل
بندر جلس باهمال وحط رجل على رجل
محمد: انت صاير شي بعقلك
بندر: سلامات !
محمد : مدري يمكن فقدت عقلك بفتره اللي راحت
بندرببتسامه: مو انا اللي فقدت عقلي انا مجنون من يومي لما سمحت لكم تتصرفون على راحتكم
محمد: شتقصد ؟
بندر: انا جاي لانك طلبت مني ياليت تختصر الموضوع بسرعه
انتهى البارت 🤍🤍 توقعاتكم للجاي
بندر وش ممكن يسوي لمحمد
هل غيث بيعرف عن اللي صاير
علاقه ندى وغيث والبنت اللي تتواصل مع غيث بتويتر ايش قصتها
يوسف وتصرفات اخوه اللي مضايقته بس مايبي يضغط عليه
وطبعا رايكم بالبارت🤍🤍🤍🤍🤍🤍
أنت تقرأ
مُهمل
Romanceكنت مُهمل الى ان التقيت بك وانه لمِن الجميل أن يكُون لديكَ صديقٌ كلّما أتيتَ له متكدّراً رجعت منه صافياً وكلّما قدمت إليه ضعيفاً عُدت منه أقوى 🤍🤍🫀
