غيث : انت تعرفني ؟
احمد: هذا صاحب بندر واكيد عرف اسمك انسى يلا روح ارتاح الحين
غيث عقد حواجبه
محمد : انا خالك ياغيث
غيث انصدم ! : خالي
احمد تنهد : محمد تعال معي
محمد رفع حاجبه : انا جاي اتكلم مع بندر وغيث
غيث : اتركه احمد
احمد تنهد قبل يترك يد محمد : غيث انت عارف
غيث قاطعه : عارف وبعدين انا تكلمت مع بندر من قبل
محمد بعد يد احمد ودخل مع غيث
احمد دخل وجلس معهم
محمد : نعم ؟
احمد : متوقع بترككم ! مستحيل
غيث : امرني !
محمد : متوقع جلستك هنا عدله
غيث رفع حاجبه بستنكار: وايش فيها جلستي هنا
محمد: ليه ماتجي عندنا
غيث : اجي عندكم وين ؟
محمد : بيت اهل امك اهلك
احمد انصدم !!!
محمد : مو عدل جلستك مع شخص مايقرب لك واحنا اهلك ماتظل عندنا ولا !
غيث بتفكير : انت متاكد انك نفس الشخص قبل ٢٥ سنه
محمد : صح ممكن اكون غير وتصرفاتي غير وغير معقوله بالنسبه لك بس انا جاي اصلح كل شي
غيث رفع حاجبه: وتتوقع كل شي بيتصلح من كلامك !
محمد حط عينه بعين غيث : شتقصد ؟
غيث : انا اعتذر منك بس بظل عند بندر
محمد وقف : انا ماطلبت منك جواب الحين بتركك تفكر وتاخذ وقتك على راحتك وبس تحس نفسك مستعد وتبغى تجي حياك وبنفس الوقت حتى لو بتجي زياره بعد رح نستقبلك
غيث : وايش سبب التغير المفاجئ هذا
محمد : ولاشي حسيت اني غلطت بتصرفي معك ولازم اني اصلح هذا الشي
وقف طالع
محمد بجديه: انا قلت لك واتمنى تفكر بكلامي عدل
غيث : بشوف مع اني عارف قراري
محمد طلع من الشقه
اما بمدينه من مدن امريكا الجنوبيه
كان يرتب ثيابه اسبوعين صح ثقيله بس لازم انه يتعايش مع الوضع ويستمتع بكل لحظه
مر الاسبوع الاول وكانت احداثه هاديه غيث ماعاد التقى بمحمد ابد يتواصل مع بندر باوقات فراغه سماح ماعادت اتصلت فيه صارت تجمعه لقاءات مع ندى ولمار بحكم تخصص لمار بالتسويق وندى بالشركه وهتان كان يحضر اغلب الجلسات الا من بعض الجلسات اللي يحس نفسه ثقيل فيها ويغيب يوسف استمر بادارت الشركه بهدوء ويتكلم مع بندر من يوم ليوم يعرف اقرب احداث وتفاصيل الاجتماعات اللي تصير
باليل كان بندر جالس ووصلته رساله طلعته من طوره وبعصبيه اتصل على غيث اللي بحكم الوقت مارد وكان نايم اتصل على هتان اللي بدوره نايم
بدا يغلي من داخله ورجع فتح الرساله من جديد
محمد
السلام عليكم بندر كيف حالك
عرفت انك مسافر من غيث انا تكلمت معه بانه يجي عندي بس رفض اتمنى تعلمه مصلحته وانه لازم يكون ببيت اهله او حتى يزورنا مرات ومرات
وتوصل بسلامه
بندر اتصل على احمد اللي كان بمناوبته ورد
احمد: هلا والله
بندر: صدق اللي سمعته متى محمد قابل غيث وليه انا ماعندي اي علم !
احمد اخذ نفس ووقف يسكر باب المكتب الخاص فيه : اي صح وغيث قال لي مااقول لك شي لانه هو اللي بيحكي لك
بندر : وهذا هو مابلغني بشي ومحمد اللي قال لي الموضوع
احمد : ماكنت متطمن له بس موضوع انه يبي يرجع غيث لبيتهم !
بندر: بسكر الحين
احمد بصرامه: انتظر
بندر: نعم
احمد : غيث لاتتكلم معه عن هالموضوع الا لما يحكي لك فاهم اذا تبي تخسر غيث من حياتك نهائي تكلم معه عن هالموضوع
بندر : شتقصد ؟
احمد؛ غيث اذا سمع منك هذا الكلام بيبعد عنك اكثر لانك تصيطر عليه من كل الجهات والاشخاص فا اضبط انفعالاتك والا صدقني مارح تخسر غيث وبس رح تخسر كل اللي حولك
بندر بعدم تصديق لكلام احمد : احمد شتقول
احمد بصرامه: قلت لك اللي عندي
بندر: تمام مع السلامه
احمد سكر الخط اما هو دق باب مكتب احمد
عبد العزيز : هااي
احمد : الناس يسلمون ترا
عبد العزيز : السلام عليكم
احمد : وعليكم السلام
عبد العزيز : وش فيك واضح معصب ؟
احمد : فيه غيره اللي بيجيب لي السكته ؟
عبد العزيز ضحك : وش مسوي بعد
احمد : محمد مرسل له على انه تكلم مع غيث
عبد العزيز بصدمه : ايشششش متى صار هالكلام وليه انا اخر من يدري .
احمد رفع حاجبه : اخر مره شفتك متى أستاذ عبد العزيز ؟
عبد العزيز حرك شعره بفوضوية : أي والله صادق من زمان ماشفتكم يلا قول لي وش صار
احمد حكى له اللي صار
بعيد عنهم بكوفي سماح
محمد : تكلمت مع بندر واتمنى انه يوافق على كلامي
سماح بصدمه: وش قلت له !
محمد استغرب صدمتها : ان غيث يعيش عندنا
سماح : مجنون تسوي هالشي بدون ماتقول لي !!
محمد : شفيك
سماح تنهدت : يالله اتمنى بندر ماينفعل على غيث
محمد : شفيه وش صاير !
سماح تنهدت : انت غلطت بندر منفعل ويحاول يبعدك بكل الطرق عن غيث
محمد: ليه طيب انا ابي اصلح غلطي
سماح: وهذا الشي بندر مايعرف عنه علشان كذا منفعل من تقربك لغيث وان غيث ماحكى له وخصوصا غيث منع اللكل يتكلم عن الموضوع الا لما هو يتكلم مع بندر فهمتني !
محمد : اها طيب ماكان قصدي والله
سماح: بكرا تروح لغيث وتتكلم معه
محمد ؛ شقول له
سماح: تعتذر منه وتحكي له باللي صار
محمد ناظرها بصدمه: انا ؟
سماح: اجل انا
محمد : تمام بشوف
وقف
محمد : تامريني بشي ؟
سماح: سلامتك
محمد طلع من عندها اما هي جلست بقله حيله : اكلمه !بس لما اوصل البيت الوقت بدري عندهم
اما عند احمد وعبد العزيز
عبد العزيز : تمزززززح !
احمد : والله علشان كذا اقول لك مو متطمن للي صاير يا اما سماح لها تاثير حقيقي عليه يا اما ناوي على شر
عبد العزيز: ماتوقع يبي شر بتصرفه هذا
احمد: اتمنى بصراحه لان وضعه مشكوك فيه ورسالته لبندر غريبه
عبد العزيز : صدق وش مرسل
احمد : يقول انه مرسل بانه تكلم مع غيث وياليت لو بندر يتكلم معه ويقنعه يعيش مع اهل امه
عبد العزيز بسرحان : اها
ظل فتره يستوعب الكلام
احمد : انا مدري كيف صرت محامي ولك حالات جديه روح تعالج انت وصاحبك يبي لكم مستشفى نفسي بطاقم كامل لكم لحالكم
عبد العزيز بنفعال: يعني صادددق
احمد: لاتصرخ وجع
عبد العزيز: طيب اسمع بسالك
احمد رفع حاجبه: خير ؟
عبد العزيز : مدري بس ماتحس جلست غيث عند هتان غلط
احمد: غلط من اي ناحيه هتان اللي طلب منه يجي يعيش معه وبعدين انت ناسي ان هتان اقرب له مننا
عبد العزيز: اي صح
احمد رفع حاجبه : وبعدين اخلص من بندر تجي انت شتبون في الولد ان شاء الله يسافر ويسكن ببرج ايڤل شددخلكم
عبد العزيز بحلطمه: دايم عصبيي اهدا ياخي
احمد : ممكن تطلع لانك لو ظليت بنفجر فيك
عبد العزيز بدلع : افا حموده تطردني
احمد جمدت تعابيره من ردت فعل عبد العزيز وضحك من قلب لان عبد العزيز دايم يفاجئه وسط جديته
عبد العزيز : ايي افا عليك اتحدى احد يقدر يروقك كذا
احمد : لاتكثر حكي جوعان ودك نطلع
عبد العزيز انتبه لساعته: مواعد المدام
احمد : وجالس عندي قوم اخلص عاد كلش ولا هي
عبد العزيز : ياشينك بس من صارت حامل وهي صايره صعبه المزاج
احمد : تعود تعود
عبد العزيز: وانت !
احمد ابتسم : ودي اخذ غيث بكرا واعلمه المفاجئه
عبد العزيز : اي وحده
احمد: باني سميت ولدي غيث على اسمه
عبد العزيز بحماس : خذوني معكم
احمد : يصير خير يلا اطلع الحين
اليوم الثاني الصباح
بالشركه
هتان بتردد: غيث محمد هنا
غيث عقد حواجبه: محمد خالي !
هتان : اومئ
غيث وقف وببرود : تفضل استاذ محمد
محمد تنهد لان للحين واضح غيث مو متقبله كشخص قريب له
غيث : امرني !
محمد : بقول لك بس لاتنفعل وتزعل تمام اهدى وفكر عدل قبل تتصرف
غيث طول عمرك ماذيني ! وش مسوي هالمره : تمام قول
محمد حكى له اللي صار
غيث بصدمه: وانت من سمح لك تتكلم معه ؟
محمد استغرب صدمه غيث : ايش شفيك غيث اهدى بندر مارح يصير له شي ترا اذا عرف انك تكلمت معي
غيث : بالنسبه لك بس بالنسبه لي لاا فيها وكثير بعد
محمد : ايشش اللي فيها بندر مو بزر تداريه هو يداريك ويهتم فيك مشيتها بس انت بعد
غيث سند يدينه على الطاوله : انا وبندر مثل التوام بس من اشخاص مختلفين ترا اذا مو عارف
محمد تنهد ووقف : تمام واعتذر منك لاني تكلمت معه ورح اتكلم معك باي شي
غيث : نورت استاذ محمد
حسام اللي انتبه لدخول محمد من البدايه بس كان ينتظر خروجه من مكتب غيث : يبه
بعد ساعه
احمد : باخذ غيث
يوسف رفع راسه: وين !
عبد العزيز ببتسامه: بناخذه مشوار حلو
يوسف سند ظهره على الكرسي : وانا طيب خذوني معكم
عبد العزيز التفت لاحمد : يدري
احمد : لا للحين
عبد العزيز ببتسامه انتصار: يلا اجل تعال معنا
وقف يوسف بعد ماضغط الجرس
ندى تقدمت منهم : امرني استاذ يوسف
احمد : اخبارك ندى
ندى: بخير يا !
احمد رفع حاجبه: نعيد يعني ترا الشايب ابوك مو انا !
ندى ضحكت : تمام يا عمي احمد
احمد تنهد: مافي فايده ابد بنت يوسف مستحيل تطلع بعيد عنه تذكر لما كان ينادي طلال دايم ب عمي حتى وهم قريبين من عمر بعض ؟
عبد العزيز: غيوث
احمد التفت عليه بعدم تصديق : انت من جدك
عبد العزيز : شفيكم !
ندى ضحكت: بروح المكتب
يوسف : اذا احد طلبني سجلي شيبغى بعدين نتكلم
ندى : تمام
غيث اللي طلع من المكتب : شفيكم !
عبد العزيز ببتسامه شر: بنخطفك شنبي فيك يعني ؟
غيث استغرب والتفت ليوسف : ماعرف بس قالو مفاجئه لك
راحو كلهم وبالسياره
احمد : صاير شي غيث
غيث بعد تردد حكى لهم: ومدري اتكلم مع بندر او لا انا اصلا مدري ليه هو متضايق اني اتكلم مع محمد
احمد تنهد وقرر يحكي لغيث شي مايعرفه عن بندر: بقول لك شي عن بندر ممكن يتضايق لو يعرف اني قلته لك بس سبب كره بندر لخالك مو انه حطك بميتم !
غيث انصدم معقول فيه سبب ثاني لكره بندر لخالي ؟؟؟؟
انتهى البارت ماعاد بنزل الا لما اشوف ردت فعل تحمسني 😡🤍 البارت الفايت كانت كل احداثه حلوه وكشف لاشياء كثير ومافيه تفاعل اذا مشغولين معذورين
وبرضو انتظر رايكم واحبكم وامزح معكم بنزل السبت لان بكرا بيكون يوم عائلي 🫶🏻🤍🤍🤍🤍
أنت تقرأ
مُهمل
Lãng mạnكنت مُهمل الى ان التقيت بك وانه لمِن الجميل أن يكُون لديكَ صديقٌ كلّما أتيتَ له متكدّراً رجعت منه صافياً وكلّما قدمت إليه ضعيفاً عُدت منه أقوى 🤍🤍🫀
