دق الباب لفتره قبل ينفتح
محمد تفاجئ من وجود غيث : غيث تفضل
غيث مشى بخطوات بطيئه لانه مايدري ليه راح له اصلا وكان متوتر بنفس الوقت من وجود باسل اللي مايدري هل غيث يعرف او لا
محمد : اخبارك وكيف سفرتك
غيث : الحمدلله حلوه
محمد: الحمدلله
غيث: جيت اسالك محتاج شي نساعدك بشي للزواج !
محمد ناظره لفتره مو مستوعب اللي يقوله: هااا
حسام: يبه يقول لك جاي يشوف ناقصك شي او لا
محمد : اسمع ترا
باسل اللي طلع من الغرفه سمع صوت كلام وقرر يروح يجلس معهم بس ماكان يعرف من اللي موجود
وقف قدامه وعقد حواجبه
باسل بشمئزاز وبهمس : انا ناقصك !
غيث ببتسامه مستفزه لباسل: اوه خالي باسل هنا وش صاير بالدنيا ولا من شوقك لي مارضيت تطول
باسل :قصدك جاي اسدد الدين اللي بينا
غيث بستنكار: شتقصد ؟
باسل: انت مارحت للبيت ولا متهاوش مع البابا
غيث وقف وحس نفسه مو قادر يصبر اكثر على باسل كل الغضب والكره اللي بداخله تجمعو بهاللحظه قرب منه وبدا يضربه بشكل جنوني لدرجه محمد وحسام مصدومين لفتره بعدها استوعبو اللي جالس يصير راح يركض له بخوف
محمد: غيث اتركه اتركه ياغيث
وكون ان غيث هو اللي فوق باسل ويضربه وباسل مستسلم لضربه حاولو يبعدون غيث عن باسل وبعد مده بعد عنه
غيث بكره وحده وغضب بوقت واحد : اياك تقرب من ابوي مره ثانيه اوعدك اذا شفتك مقرب منه من جديد بيكون اخر يوم بحياتك ماعاد بسكت وانتظر ايش بيصير راضي ادخل السجن بسبب قتلك لولا انك اللي مربي كنان والله مايمنعك عني احد
بمكان ثاني
يوسف اتصل عليهم محادثه جماعيه: وهذا اللي صار ياعيال
احمد بداء يتوتر : طيب وبعدين !
يوسف : بس هذا اللي كلمني كنان وانه جاء لهم بس اللي خايف منه انه يروح له عند محمد
ببيت محمد اندق الجرس بشكل جنوني
حسام راح يفتح وماكان غير احمد اللي بحث عن موقع تواجد غيث وعرف انه ببيت محمد وباسل هناك
حسام: من انت !
احمد: غيث وينه
حسام حس انه متطمن لاحمد : داخل
احمد دخل وشاف المنظر فتح عيونه بصدمه الكدمات والدم اللي بوجه باسل مو قليل وغير عنهم يدين غيث المليانه دم وكدمات ومجرد كدمه بخده
احمد راح له ومسك يده : تعال معي
غيث حس بقوته تضعف تسند على احمد قبل يطلع معه
احمد: تعال معي لاتسوق الحين
غيث : برجع بسيارتي
احمد: منت شايف شكلك امش معي
غيث ناظره لفتره بنظره غريبه على احمد كونه عرف غيث لفتره معقول اللي مسوي بباسل كل ذا هو غيث !
غيث : برجع اتكلم مع محمد
احمد شده وصرخ عليه: مجنون انت شفت وش سويت بالرجال ومتهجم عليه ببيته تدري لو يشتكي عليك بتنسجن لسنوات !
غيث : مايهمني
احمد بمحاوله انه يمسك اعصابه عن غيث وتصرفاته اللي يعتبرها مو طبيعيه ومو شي عادي : امش معي قبل اقول لبندر كل هاللي سويته
هنا غيث هدء وراح مع احمد رجعو لبيت احمد ومسح دم من يدين غيث حط الكريم عليها
احمد: ممكن تفهمني وش اللي صار !
غيث كان يناظر بسرحان
احمد: تسمعني !
غيث بتعب وخمول بدا يسيطر عليه : همم ابغى انام
احمد تنهد وراح لداخل البيت جاب لحاف ووساده وحطها له : نام لك كم ساعه بعدها باخذك للبيت بندر اكيد بينجن من عدم وجودك بالمكان او حوله
غيث رتب مكانه واول ماحط راسه دخل بالنوم العميق
الليل
بندر : كنان ماتواصل معك غيث
انفتح الباب بعد كلمته
غيث دخل بخطوات بطيئه لانه عارف وش بيجيه من بندر
بندر وكنان اللي كانت انظارهم للباب اول مادخل غيث والكدمات اللي بوجهه غير يدينه اللي ملصقه بلزقات صغيره بندر وقف بخوف
بندر : شفيك ليه يدك كذا
مسك وجهه والخوف والتوتر مسيطر عليه من انه هو السبب بهالكدمه
غيث مسك يد بندر وهو عارف ان بندر بيلوم نفسه لو عرف انه منه او من باسل وابتسم له : تهاوشت مع كم واحد وانا طالع
بندر بعد عنه وعقد حواجبه : متهاوش !
غيث؛ اي هواش
احمد قطع عليه وكان لابس بدلته : هواشه بسيطه ماتحتاج سالفه ومشكله
غيث : اي لاتحاتي
احمد: بندر ابيك شوي
غيث راح لكنان وجلس عنده
احمد بعد ما ابتعد هو وبندر: لاتساله كثير وتضغط عليه اذا جاء تكلم لك او لاتدخل معه بمشاكل
بندر اللي كان يناظر كيف غيث يضحك مع كنان تنهد: مستحيل اسوي شي خلاص ماعاد عندي طاقه اتركهم بعيد عني
احمد: وصح ترا بعد يومين زواج محمد فا اتركهم على راحتهم
بندر بعد تفكير : عادي اطلبك !
احمد استغرب بندر يطلبه شي : قول ولاتحاتي موافق
بندر: بروح انا بس
احمد ربت على كتفه: انا وعزوز ويوسف بنروح معك لاتحاتي
بندر ابتسم له: الله يخليكم لي
احمد: ويخليك لنا
بندر: صح بسالك
احمد: ها !
بندر: الهوشه اللي صايره وصلت للقسم !
بندر سال احمد كونه لابس البدله اما احمد ضحك لفتره
احمد: وانت مستوعب ولدك نفسك بيدخل السجن علشان هواشات
بندر ناظره لفتره : ياشينك
احمد: يلا بروح لدوامي
بندر اللي طلع معه وكانه استوعب : سياره غيث وينها !
احمد: عند بيتي يلا ادخل اجلس عند عيالك
بندر ابتسم له وودعه
احمد طلع واتصل على عبد العزيز
احمد: عز جهز نفسك بسرعه باللي انت لابسه انزل
عبد العزيز : خير شعندك انا نفسي بحياتي كلها اتمنى انك تجي تاخذني زي العالم والناس
احمد : لاتكثر حكي
طلع عبد العزيز لابس شورت صيفي وفنيله علاق بس طالعه عليه حلوه لان جسمه رياضي متناسق
احمد ناظره من فوق لتحت: سلامات
عبد العزيز بحلطمه: من اللي قايل لي اطلع باللي عليك مريض انت !
احمد تنهد بقله حيله : وبعدين فيه احد بكامل قواه العقليه يلبس هاالبس بالشتاء ؟
عبد العزيز : شعليك انت جسمك ولا جسمي وبعدين توني راجع من النادي وحر ساعه ونص تمرين تتوقع ببرد !
احمد عطاه نظره وكمل ططريق والصوت الوحيد هو للاغاني
احمد طلع مفتاح السياره كونه خذاه من غيث
عبد العزيز بشك ونظرات: مو هذا طريق بيت محمد
احمد: اي
عبد العزيز بفرح: اخيراااا
احمد التفت له: خير
عبدالعزيز : بنتهاوش ؟
احمد: انا قايل لك يبي لك تتعالج
عبد العزيز اول ماوقفو : غيث هنا !
احمد مد له المفتاح: خذ السياره لبيت بندر غيث هناك واجلس عندهم نص ساعه وبجي اخذك
عبد العزيز رفع كتفه بعدم اهتمام
بعد يومين يوم زواج محمد
فهد بهمس : مو اليوم كنان ولا تحاول
كنان تنهد: طيب
بندر اللي كان يعدل شماغه : فهد مو كانه صاير لاصق بكنان كثير !
فهد عطاه نظره قبل يتجاهله ويطلع
كنان : يبه شكلي عدل !
بندر انحنى يعدل شماغ كنان : اي ياروح ابوك وين غيث ماله حس
غيث نزل بكامل اناقته وشياكته
هتان دخل الفيلا : عرايس ؟
غيث كان بيرميه بشوزه بس تراجع: اتركني ساكت بنجي احد قال لك انتظر !
بندر وقف قدام غيث وهو معقد حواجبه: مو كان احسن انك تغطيها !
غيث : يبه مارح يصير شي
بندر تنهد طلعو كلهم واحمد عبد العزيز فهد يوسف كانو كلهم بالسيارات
ترتيب
هتان غيث وكنان
بندر ويوسف احمد عبد العزيز فهد
هتان ساعد غيث ب كنان كون بندر راح مع يوسف
بسياره احمد
يوسف : اسمع مانبي مشاكل
بندر : شوف اذا ماتعرض لي مارح اتعرض لي لولا ان العيال بيروحون ماكنت رحت
يوسف : انا حذرتك
فهد : علشان العيال رايح !
بندر تنهد: اللهم طولك ياروح يوسف شوفه ترا اللي فيني مكفيني
فهد ضحك: طيب بسكت
بندر وكانه تدكر شي : وبعدين تعال شعندك صاير مره قريب من ولدي !
فهد : ممنوع ؟
بندر: لا مو ممنوع بس مو عاجبني تقربك منه
فهد : ماطلبت رايك
احمد بحده: لو ماتسكتون بنزلكم اثنينكم
عبد العزيز شبك جواله بالسياره وشغل الاغنيه
بسياره غيث
كنان : غيث خليك معي وحولي
غيث : تمام
هتان: ولد انت وياه ماتقولون لي وش صاير عليكم تروحون
غيث رفع نظره للمرايه لان كنان جالس وراء وابتسم له
غيث : اول مناسبه نحضرها سوا واحنا اخوان
وصلو للقاعه ورتبو اشكالهم قبل يدخلون
محمد اللي كان واقف بمكانه وحسام وباسل اللي يستقبلون الناس
دخلو كلهم وسلمو عليهم
بندر انتبه للكدمات اللي بوجه باسل ويديه اللي ملفوفه لف على غيث اللي ماكان منتبه له وربط الاحداث اللي صارت ببعض بعد بندر بصدمه غيث متهاوش مع باسل بس ماقدر اقول شي الحين
غيث تقدم من باسل وشد على يده وهو يسلم
باسل : شكل ابوك للحين مايعرف
غيث شد بشكل قوي على يد باسل : واذا عرف رح يصير اسوء من اللي فيك الحين اتمنى وصلت الرساله
بندر قرب من غيث وسحبه وبهمس : انت اللي مسوي كذا
غيث التفت لباسل وابتسم بستفزاز : لا مو انا قلت لك تهاوشت بالشارع
بندر قرص يده : امش قدامي امش بس نطلع نتكلم
انتهى البارت 🤍🤍🤍🤍🤍🤍🤍🤍 انتظر رايكم عن البارت وتوقعاتكم للجاي لان البارت الجاي بيكون الاخير 😔🤍🤍ابي اشوف تعليقات حلوه علشان البارت الاخير يكون قوي
أنت تقرأ
مُهمل
Romansaكنت مُهمل الى ان التقيت بك وانه لمِن الجميل أن يكُون لديكَ صديقٌ كلّما أتيتَ له متكدّراً رجعت منه صافياً وكلّما قدمت إليه ضعيفاً عُدت منه أقوى 🤍🤍🫀
