غيث : سماح
سماح : اي
غيث : ياهلا والله تشرفت فيك
سماح : امم الشرف لي تفضل حياك
غيث ابتسم وجلس : وكيف الشغل
سماح فتحت جوالها بعدم تصديق : انت هذا الحساب لك من جد !
غيث ضحك: اي من جد شفيك !
سماح : يالله احس اني مو مصدقه للحين
غيث : لا صدقي
سماح: اطبعا مثل ماتكلمنا امس انو انا كبيره اكبر منك بكثير
غيث : اي وقلتي لي انك تعرفي امي !
سماح جلست : اي اعرفها
غيث : امم عادي تحكين لي عنها!
سماح ابتسمت: امك مامثلها ابد ولا رح تتكرر حبت ابوك حب مستحيل اي اثنين يحبون بعض بهالشكل وقفت بوجه اهلها وتزوجته بعد ماتزوجت انتقلت وانقطع التواصل بينا حاولت اوصل لها ماقدرت الا بمره تقابلت مع بندر اذا تعرفه !
غيث : اي
سماح : عرفت حسابك منه تواصلت معه وسالته كانت بنت اختي اللي ماسكه الحساب انصدمت بانك ولد طلال تشبه له كثير
غيث ابتسم : اول مره احد يقول لي اني اشبه ابوي
سماح: بعد ماتواصلنا قبل يوم كنت افكر بشكل طلال وتذكرت اني مصورته مع امك بيوم
نرجع لقبل يوم
سماح كانت على جوالها وتراسل غيث
غيث : اي انا غيث طلال ال ** انتي تعرفيني
سماح: لا بس اعرف اهلك
غيث : وكيف عرفتي حسابي من بعد ال٥ سنوات هذي
سماح: من بندر لانه مستحيل يتعامل الا بالبزنس فا لما سالته قال انك ولد شخص غالي عليه كثير
غيث : طيب ! مايبرر انه انا بالذات
سماح: صح بس اللي اعرفه عن بندر انه وحيد ابوه وكان صاحب طلال مره فا الشخص الوحيد اللي ممكن يكون يهتم بولد طلال هو بندر
غيث : اها
سماح : اذا فاضي بكرا اتركنا نلتقي
غيث : تمام متى ووين !
سماح : عندي كوفي نقدر نتقابل فيه
نرجع للواقع
فتحت جوالها وطلعت الصوره ببتسامه: كانو يحبون بعض كثير كنت مع امك باوقات كثير
غيث ابتسم : مبسوط مره اني عرفت عنك
سماح: انا اكثر رجعتني لسنوات كثيره وراء ياغيث
غيث ابتسم
بالشركه
ندى: وين غيث ؟
هتان: طالع
ندى: اها
هتان: فيه شي ؟
ندى: لا بس ممكن اتكلم معك عن شي خاص
هتان: اي تفضلي ادخلي
ندى دخلت وجلست بالكرسي : امم انت مرتبط
هتان: لا ليه
ندى: صاحبتي اللي امس مهتمه فيك اذا فيه مجال يعني
هتان انصدم شلون
ندى قاطعت افكاره كانها سمعته : يمكن تقول ليه اطلب منك هالطلب بس صارت لها حاله ارتباط ومن بعدها لسنوات ماشفتها منجذبه او مهتمه لاحد الا لما سمعت كلامها امس عنك كانت تمدح فيك وتشكر باخلاقك وتعاملك فا فكرت بهالشي اذا مالك مشاعر
هتان قاطعها : هو بصراحه وانا مهتم لها يعني بس كنت متردد اتكلم معك عنها ممكن تعطيني رقمها
بعيد عنهم بمركز الشرطه
محمد بضحكه: تمزح صح !
الضابط : مانمزح احنا هنا بجلسه تحقيق والادله كلها تثبت ادانه تزويرك لكل شي يخص غيث طلال
محمد: بس انا اللي شغلت الفلوس هذي وانا لي الحق فيها مو هو
الضابط : تقدر انك تاخذ الربع اما الكل يخص غيث
محمد التفت لعبد العزيز: سويتوها ياكلاب رح ادفعكم الثمن غالي
احمد بصرخه اربكته: احترم المكان اللي انت فيه على الاقل اذا مو محترم نفسك
محمد : اقدر اوكل محامي
احمد : اي تقدر بس نفس النتيجه والموضوع خالص من المحكمه جاينا
محمد بغضب: شلون كذا انا اللي اتعب
احمد وقف بصرامه وجديه : لو سمحت احترم المكان اللي انت فيه تقدرتتصل بمحاميك اذا مو مصدقني
بعد ساعه كانو جالسين
المحامي : الاوراق كلها صحيحه
محمد : يعني ايش !
المحامي : ماتقدر تسترجع الفلوس الشركه رح تبقى لك بس البقيه بينتقل باسم غيث
وقف عبد العزيز: اتوقع كذا انتهى دوري
محمد وقف بغضب وضرب عبد العزيز اللي كان قريب منهم انصدمو كلهم
احمد بغضب : اخذوه الحبس
عبد العزيز مسح على خده وببتسامه: خليك قدها
محمد قاومهم بس خذوه للحبس
احمد اللي ظل يناظر بعبد العزيز بعدها ضحكو سوا
احمد : ههههه جالس استوعب اللي صار معقول محمد يفقد صوابه من كلامك
عبد العزيز: وليه لا جبنا له الجنون بس الوعد عند بندر
بندر اللي كان بمكتبه انتبه لدخول غيث لمكتبه وراح له
بندر: وين كنت !
غيث : كان عندي موعد بمكان بقول لك عليه بس نطلع من الدوام
بندر : تمام
رجع مكتبه واتصل على احمد
احمد حكى له اللي صار
بندر بصدمه: وعزيز بخير !
عبد العزيز اللي كان يسمع: العشاء عليك ترا ما اخذ الضرب وانت تستمتع
بندر ضحك: تمام
يوسف دق الباب : لك يد باللي صار ؟
بندر عقد حواجبه: ايش ؟
يوسف : باللي صار بمحمد
احمد اللي كان يسمع : يوسف كل شي قانوني وماكنت بحطه بالحبس لولا تهجمه على عزيز
يوسف : تمام اهم شي لاتدخلون بسوالف منتو قدها
بعد الدوام
كانو بالطريق
غيث : كانت عندي متابعه من ٥ سنوات بتويتر امس تكلمنا وتواعدنا اننا نلتقي
بندر لف عليه بستغراب مستحيل غيث يسوي هالحركات: شتقصد تتقابلون ؟
غيث : اي تقابلنا بس قبل كنت متردد لما عرفتني بنفسها اسمها سماح
بندر اللي كان بطريق فاضي وهذا من حسن حظهم اخذ بريك قوي بصدمه غيث اللي كان رابط الحزام بس قوه البريك لها دور لف على بندر
غيث : شفيك !
بندر حرك السياره ووقف على جنب : سماح مين !
غيث : سماح صاحبه امي
بندر : التقيت فيها
غيث : اي
بندر بنتباه شديد : احكي لي قول وش قلتو وسويتو !
غيث : ولاشي تكلمنا عن امي وابوي بس ليه انفعالك وردت فعلك هذي
بندر بعد تردد : بقول لك بس مابغاك تدخل بسوالف وكل شي تسويه من اليوم تقول لي
غيث حس برتباك : ايش؟
بندر: سماح هذي تكون حب خالك الاول
غيث بصدمه: خالي مين !
بندر: خالك محمد اللي اخذك وتركك بميتم وهو اللي اخذ املاكك وفلوسك رجعت كل شي لك وتسجل كل شي باسمك بس
غيث : بس ايش ؟
بندر: سماح من بعد زواج ب سنه ماكانت موجوده بحياه امك
غيث : انتو سافرتو
بندر : اي كان ضروري انتقالنا
غيث : طيب ليه ارتباكك منها
بندر: لاني مو عارف وش نواياها يمكن جايه من طرف خالك خصوصا اننا رجعنا كل شي باسمك الحين
غيث بتفكير بس صوته كان عالي : يعني سماح تكون حب خالي الاول !
بندر : اي
غيث : وليه ماتزوجو طيب
بندر : لان اهل امك كانو رافضين وزوجوه لمصلحه العايله بوقت تعارف امك وابوك كانت المحاميه لطلال باغلب قضاياه
غيث بتفكير : طيب وبعدين
بندر: لما تزوجو امك وابوك غصب عن العايله عصب خالك وبداء يكره ابوك وامك بسبب ان حبهم نجح بس رجوع خالك وسماح بنفس الفتره يخليني اخاف اكثر
غيث : لاتخاف مارح يصير شي
بندر: وين قلت لي محلها !
غيث بداء يوصف لبندر المحل ورجعو للشقه
نام غيث والكل صار ببيته واللي يمارس روتينه اللي متعود عليه
عبد العزيز اللي كان عند بندر بصدمه: سماح هي نفسها سماح!
بندر: اي هي نفسها
عبد العزيزي للحين مصدوم: شجابها هذي من وين طلعت ؟
بندر تنهد : مدري علشان كذا قلت لغيث بنطلع نتعشاء انا وياك واذا هو يروح لهتان نوصله علشان اتطمن اكثر خصوصا ان محمد طلع
عبد العزيز : زين تسوي
ببيت محمد
محمد بعصبيه: تطلع من وظيفتك وترجع للشركه فاهم ؟
حسام للحين مو فاهم ليه ابوه يسوي كذا: يبه خلني افهم طيب شصاير ؟
محمد: مايخصك تسمع كلامي والا لا انت ولدي ولا انا ابوك فاهم
تركه وطلع لبرا البيت
عند بندر
وصلو غيث اللي كان مقرر يستشير هتان بالموضوع
توجه على وصف غيث اول ماوصل كان كوفي بنفس وصف غيث وقف السياره
عبد العزيز : لاتنفعل وتسبب مشاكل فاهم ؟
بندر : بزر ؟
عبد العزيز : انزل بس
دخلو للمحل
الموظفه : امروني ايش حابين تطلبون
بندر : المديره وين !
الموظفه: طالعه شوي وتوصل
بندر: اها
طلبو وجلسو اما هي اللي كانت طالعه تشتري الي ناقص الكوفي ورجعت انصدمت فيه قدامها رجعت بها السنوات لوراء
سماح: بندر !
بندر: هلا سماح كيف حالك
سماح: بخير نورت
بندر: اقدر اتكلم معك !
سماح : تفضل
عبد العزيز : بنتظرك برا
وقف وطلع جلس برا
اما سماح وبندر كانو بنفس الطاوله
سماح: كيف ايامك
بندر بدون مقدمات ويبغى يطمن قلبه : انت جايه من طرف محمد
سماح بستغراب : اخر مره شفت محمد قبل ١٠ سنوات
بندر عقد حواجبه : وايش يثبت
سماح فتحت جوالها ورفعته له كانت اخر محادثه بينهم وهي تطلب من محمد ماعاد يرسلها شي لانه عنده ولد ومتزوج
بندر تطمن كثير
انتهى البارت توقعاتكم للبارت الجاي ورايكم اكيد ؟
🤍🤍🤍🤍🤍🤍🤍🤍🤍🤍🤍🤍🤍🤍🤍🤍🤍
أنت تقرأ
مُهمل
Romanceكنت مُهمل الى ان التقيت بك وانه لمِن الجميل أن يكُون لديكَ صديقٌ كلّما أتيتَ له متكدّراً رجعت منه صافياً وكلّما قدمت إليه ضعيفاً عُدت منه أقوى 🤍🤍🫀
