مُهمل

بارت ٢٩🫶🏻🤍

بعد كم يوم من استمتاعهم بالشاليه والمواقف العاديه وتكرار زياره فهد لهم
كانو بالبيت
بالصاله
كنان وغيث بندر كان طالع
غيث بعد تردد: كنان ابي اطلب منك خدمه !
كنان : انت تامر مو تطلب
غيث ابتسم له : بسافر عندي اجتماع تقدر لو سالك ابوي تقول له !
كنان : سفر واقول لابوي ليه غيث فيه شي !
غيث : بصراحه ودي ازور باسل عندي كم موضوع معه وماودي ابوي يعرف
كنان عقد حواجبه: صاير شي غيث بديت تربكني
غيث: لا لاتحاتي مافي شي بس يعني فيه موضوع ضروري لازم اتكلم معه فيه
كنان : اها فهمت عليك تمام بغطي عليك
غيث: وترا فهد بيصير يزورك باوقات ابوي بالدوام علشان يساعدك بما ان فرصه نجاحك ٩٠٪؜
كنان تنهد برتياح: اي اخيرا
غيث وقف : بروح اجهز شنطتي
كنان انصدم: بتروح اليوم ؟
غيث: لا بكرا الصباح بقول لابوي اني بولايه ثانيه وبيكون بينا اجتماع اون لاين وهو صدق بس بروح لباسل اشوفه
كنان : اها تمام
غيث راح لغرفته وبدا يرتب ثيابه
ببيت يوسف
بندر: مدري وضعه مو عااجبني يايوسف
يوسف اللي كان جالس ويسمع بندر: طيب ماسالته
بندر: كثير بس ماجاوب انا خايف لايصير فيه شي او يسوي شي بدون علمي
يوسف : لاتحاتي
وقف بندر: بروح لهم
يوسف : طمني
بندر : تمام
بعد وصول بندر شاف كنان لحاله بالصاله
بندر : وين غيث !
كنان ناظر الدرج :فوق
بندر: كنان اخوك قال لك شي هالكم يوم
كنان استغرب : ليه يبه ؟
بندر: مدري مو عاجبني وضعه وتصرفاته
كنان : لا يبه بس عنده اجتماع بعد بكرا وجالس يجهز له من اسبوع
بندر : اجتماع ايش !
نزل غيث وكمل : عندي اجتماع مهم مع شركه اذا نجح هالاجتماع بيتعاقدون معنا وبيكونون مستورد ومصدر للشركه
بندر : بس ماقلت لي على الاقل تركت احد يروح معك !
غيث بتفكير : اذا يناسبك باخذ هتان
بندر: كنت اقصد من شركتك بس بما انك تبي هتان بكلم يوسف يعطيه اجازه كم يوم
غيث: لا انا بكلمه لان الشغله لي
بندر وقف وبجديه:انت متاكد مافيك شي ؟
غيث ابتسم له: اي
اندق الباب راح غيث يفتح
فهد دخل بعد ماسلم على غيث
بندر: ماتقول لي وش عندك هالايام كل شوي جاي
فهد بحلطمه: يعني ما اتطمن على صحه كنان!
بندر: لا حياك روح شوفه
غيث : طيب يبه بروح لعمي وبعدها بروح لهتان اقول له
بندر: تمام
فهد التفت بستغراب : شفيه !
بندر كانت نظراته للباب بتعقيده حواجب : لو اعرف ماشفتني واقف هالوقفه
عند يوسف
يوسف : تمام ماعندي مشكله كم مده السفر !
غيث: ٥ ايام عندي الاجتماع على يومين ومع السفر راحت الايام
يوسف : تمام ولايهمك وطمني وش يصير باجتماعك
غيث وقف: تمام
يوسف : غيث
غيث التفت عليه: هلا
يوسف: بندر خايف عليك طمنه
غيث: عارف وخوفه وقلقه ماله داعي
يوسف: انتبه لك
غيث ابتسم: وانتو
طلع بالحديقه وشاف ندى جالسه بكتبها وكوب القهوه الخاص فيها
غيث ابتسم لها: كيفك ندى
ندى: بخير وانت
غيث : بخير بتبدا الامتحانات مستعده !
ندى: ان شاء الله
غيث : يلا انتبهي لنفسك
طلع وسكر الباب وراه اتصل على هتان اللي مارد
وصل لشقه هتان ودق الباب
هتان بحلطمه: يعني ماتعرفون هتان الا لما يكون نايم
فتح الباب
غيث : هتان لو يعرف انا ليه جاي بيطير النوم من عيونه
هتان دخل ودخل وراه غيث وسكر الباب
هتان: ووش هالحظ الحلو اللي رماك علي
غيث: جهز شنطتك
هتان اللي كان بيجلس وفيه نوم ناظر غيث لفتره: بلا استهبال صاحي انت ؟
غيث: استهبل معك بتروح ولا اخذ سكرتير الشركه بدالك !
هتان: لا لا ثواني اكون جاهز عندك لاتتهور وتكنسل !
غيث : تمام بجي اخذك الساعه٧ الصياح تمام
هتان: تمام * سكت فتره وكانه استوعب* دقيقه انت فيه سر بهالسفريه صح جديتك ومزاجك وهدوئك هالايام مو طبيعي من بعد اللي صار ليكون فقدت الذاكره
غيث ضحك : روح جهز شنطتك وانت ساكت
رجع للبيت وبندر مو متطمن من هالسفره وكان حقيقي فيه شي بيصير لغيث
بندر بعد ماصعد غيث : ماني متطمن لها السفره
كنان ناظر بندر لفتره: يبه ماله داعي خوفك على غيث
الصباح
غيث اخذ شنطته وودعهم وصل لشقه هتان وخذاه معه
بعد صعودهم للطياره
هتان: وين بنروح
غيث: ٣ بلدان عندنا اجتماعين بمنطقتين وعندي مكان ابي اروح له بمنطقه
هتان بشك : خالك !
غيث سكت وماجاوب
هتان: علشان كذا مو راضي تقول لبندر تدري امس اتصل علي وسالني
غيث : ومابغاه يعرف اني بروح له لما ينتهي الموضوع
هتان: طيب قول لي وش صاير
غيث بجديه : والله ياهتان احس الموضوع كبير عن انه ينشرح كذا علشان كذا اتركني لما على الاقل افهم الموضوع واكلمك فيه
هتان: تمام براحتك المهم ماتسوي شي تندم عليه
غيث ابتسم له: لا ماعليك
وصلو وكان الفندق محجوز وقاعه الاجتماعات بالفندق محجوزه لهم
بمكان بعيد عنهم
محمد: باسل مارح تحضر زواجي ؟
باسل اللي كان جالس ببيته: للحين مدري بشوف يامحمد على حسب الوضع
محمد تنهد: تمام بس اتمنى انك تجي
باسل: بفكر الا صدق عيال فرح بيجون !
محمد: كلمت كنان للحين مارد علي او قال لي شي بس قال ان شاء الله بنكون اول الحضور
انتهت اجتماعاتهم بسلام وانتقلو لمدينه الرئيسيه ومكان سكن باسل رتبو اشيائهم بالفندق وكان الوقت عصر
غيث اخذ شنطته الكبيره وطلع منها شنطه دبلوماسيه صغيره
هتان: بتروح ؟
غيث : اي اكيد انه بالبيت بهالوقت
هتان: اجل بنام انا لاني عارف ابوك مارح يتركني بحالي وعلشان ما اكذب عليه بكون نايم
غيث ضحك: تمام مارح اطول وبجي وانام ونصحى ونطلع
هتان: طف النور معك
طلع غيث من عند هتان وتوجه لبيت باسل
وقف عند البا ودقه
بعيد عنه
ببيت يوسف
يوسف : ندى وش مسويه بامتحاناتك يابنتي !
ندى : بخير يبه مستعده بس خايفه من كم ماده
يوسف ابتسم له : توكلي على الله وبتكون امورك كلها تمام
ندى: يارب يبه
يوسف : اخر سنه بالجامعه شدي حيلك ماوصيك
ندى بعد تردد: يبه ابي اتكلم معك بموضوع
يوسف استغرب وقرب منها جلس بالكرسي بجنبها: قولي
ندى: امم بايام الاستراحه
يوسف تذكر موضوعها مع غيث : اي شفيها !
ندى: غيث تكلم معي بانه بيتقدم لي بعد امتحاناتي اذا كنت موافقه
يوسف عقد حواجبه: طيب ؟
ندى : امم مدري يعني قلت اكلمك بالموضوع
يوسف : طيب وش رايك تفكرين بهالموضوع بعد الامتحانات وتركزين على دراستك !
ندى: اكيد يبه وهذا اللي كنت بسويه بس اني ماقدر اخبي عليك
يوسف ابتسم : ياقلبي انتي الله يوفقك
ندى ابتسمت له
ببيت بندر
غيث كان يرسل لبندر كل يوم بيومه وعلمه انه وصل
بندر بستغراب : غيث بنفس مدينه باسل ليه ؟
كنان اللي كان مسوي انه مو عارف الموضوع: صدق غريبه يمكن انتقل موعد الاجتماع او طلع له اجتماع جديد
بندر: تتوقع ؟
كنان: يمكن يعني ليه لا
بندر: والله هالولد مخوفني واحس فيه شي بيصير الله يستر لايروح لباسل
كنان : يبه ليه تخاف على غيث من خالي ترا مارح يسوي شي
بندر: لا فيه فرق ترا بين محمد وبين باسل باسل شديد ويسوي اي شي بدم بارد ومايهمه اي احد حتى لو يذبح
كنان بصدمه: لها الدرجه
بندر: واكثر علشان كذا ماخفت عليكم من محمد بعكس خوفي من باسل صح ممكن يكون العكس بالنسبه لك
كنان : كيف ؟
بندر: يعني هو مربيك مستحيل يسوي شي فيك عكس غيث كون انه ولد طلال
كنان : بينه وبين خالي شي ؟
بندر: مدري باخر ايام طلال كان يروح كثير لباسل مدري علشان يتطمن عليك او فيه موضوع بس عارف ان فيه شي بهالموضوع وعلشان كذا خايف على غيث يلتقي فيه
بعيد عنهم
غيث دق الجرس. بعد دقايق
فتح الباب بصدمه: غيث ؟

   اقرو اللي تحت ضروري ❤️❤️

       انتهى البارت عارفه طولت عليكم بس كنت ماخذه فتره راحه من الكتابه واحبكم انتظر توقعاتكم لان توقعات هالبارت بيكون البارت الجاي عليها ابي اشوف حماسكم علشان انزل البارت باسرع وقت ولو شفت تفاعل حلو بينزل بكرا البارت 🤍🤍🤍🤍البارت الجاي بيكون لازم اني اشوف تفاعل وايش توقعاتكم للي بين غيث وباسل وايش دخل الشنطه اللي مع غيث !