فهد بدا يباشر وظيفته بعد ما انتهى بعد عن غيث بعد ماعطاه حبوب ياكلها والمنشفه على راسه
فهد: واضح ان الموضوع ارهاق لاتحاتي
بندر تنهد براحه: متاكد !
فهد : اي بس اذا مانخفضت الحراره لازم ننقله للمستشفى
بندر: يارب
طلعو اثنينهم بعد ماقال كنان انه بيظل عند غيث قرب كرسيه من السرير ومسك يد غيث اللي كانت حاره
كنان بضيق : وش صار لك !
فهد : يشبه ابوه كثير
بندر التفت للغرفه: اي وهذا الي تركني اتعلق فيه اكثر
فهد ابتسم له: شكرا بندر
بندر استغرب: على !
فهد : لانك ماتركته يضيع او يضيعونه صح كنان كان عند باسل بس ما انكر اهتمامه فيه لما جابه لي اول مره وهو مو عارف اني بكون طبيبه رفض وكان بيطلع طلبته اني استمر اعالجه واني ما التقيت فيك لسنوات بعد سفرك بعد مارجعت التقيت بك بشركه طلال مره بس ماجلسنا كثير لانك كنت تحضر لاجتماع مهم ماكنت اعرف ان كنان مو معك بنفس المكان او مو عايشين سوا كنت متصور انكم مع بعض بس لاحظت استمرار باسل انه هو اللي يجيب كنان للمستشفى وهذا اللي بديت اشك فيه
بندر: ماكنت اعرف ولا كنت اعرف لولا رساله فرح
فهد : المهم ان ولدك رجع لحضنك من جديد
بندر : يااه يافهد مو متصور شقد انا مالك الدنيا ومافيها بوجود غيث وكنان
فهد : يحق لك بعد هم ينحبون كثير
بندر ابتسم له
اندق الباب
بندر وقف : دقيقه
فتح الباب
بندر: تفضلو مع اني مدري وش جابكم وواضح وراكم شي
عبد العزيز: خير وانت كل ماشفتنا بتقول كذا
بندر: لو اني ماشفت احمد ولو اني ما اعرف انك صاحبه كان قلت انك مختل عقلي من افكارك وتصرفاتك
عبد العزيز ببتسامه غريب قرب من بندر: وعلشان كذا اترك لي حريه اني اتصرف مع باسل لانه واقف برا
بندر بصدمه: برا ليه ؟
عبد العزيز: مدري عنه يقول بينتظر شوي ويروح
بندر: طيب ادخلو فيه ضيف بتنصدمون لما تشوفونه
احمد: ضيف !
بندر : ادخلو
دخلو اثنينهم اما بندر اللي فتح الباب وطلع وفعلا كان باسل واقف قدام الفيلا
داخل البيت
عبد العزيز شهق : فهدد !
فهد وقف : ياهلا ياهلا
احمد: هلا بالغالي ولد الغالي
فهد ابتسم له: هلا فيك
* ابو احمد يعرف ابو فهد معرفه عمل *
سلمو عليه
فهد: وين بندر !
عبد العزيز اللي كان يتلفت بالبيت
احمد: برا مع باسل
عبد العزيز : الا وين العيال ؟
فهد: غيث مريض وكنان جالس عنده
عبد العزيز بخوف؛ فيه شي ؟
فهد: لا بس ارهاق ماتذكر طلال قبل كان كل فتره وفتره يطيح مثل كذا من التعب
احمد: اي والله
برا الفيلا
بندر: باسل ؟
باسل اللي تفاجئ من جيت بندر له وبرتباك: بندر اوه هلا اسف بمشي الحين
بندر: تبغى كنان
باسل: كنت ابي اشوفه واتكلم معه اذا تسمح
بندر: لا حياك موجود وصاحي
باسل: تمام يلا
نزل وقفل السياره
دخلو الفيلا
عبد العزيز واحمد استغربو هدوء بندر وانه سمح بدخول باسل
بندر: ثواني
صعد بالمصعد لغرفه غيث دق الباب بشكل خفيف
فتح الباب وشاف كنان جالس يربت على يد غيث وكانه يطمنه
بندر قرب منه: باسل تحت يبغى يشوفك
كنان اومى بانه موافق نزلو
باسل لبندر: ممكن اخذه !
بندر ترك الكرسي واخذه باسل طلعو للحديقه
احمد بستغراب : شصاير بندر !
بندر: ولاشي ماقدر امنعه من انه يشوفه وهو اللي مربيه ومكبره
عبد العزيز تنهد: راحت تسليتي
اندق الباب
بندر وقف وطلع شافهم جالسين بالجلسه الخارجيه تركهم وراح يفتح الباب
هتان: هااي
بندر: اشش
هتان استغرب ولما دخل شاف كنان ومعه شخص دقق فيه : هذا ! تعرفونه ؟
بندر استغرب : انت تعرفه
هتان: جاء اليوم للشركه بعد ماطلعت يتكلم مع يوسف
بندر يوسف ماقال لي شي ؟ : تمام ادخل العيال داخل
هتان ناظره لفتره: غيث وين ؟
بندر: مريض بغرفته
هتان شهق ولفت انتباههم : مريض وينه الحين ؟
بندر: بغرفته
هتان راح يركض تارك بندر مصدوم من سرعته
صعد الدرج تحت صدمت العيال
عبد العزيز : من ذا القرد اللي مر بسرعه ؟
بندر ضحك وهو داخل : هتان
احمد : اكيد انصدم من اللي صاير لغيث
بندر: اي اول ماسمع ماشفت الا الغبار وراه
احمد ضحك: بعذره واضح صارو قريبين من بعض
بالحديقه
باسل : كيف موعدك
كنان : الحمدلله مافي شي جديد
باسل : للحين جسمك يبرد
كنان : الجو هنا ادفئ من برا بس برضو ابرد باوقات
باسل : بتتوظف مع ابوك !
كنان: لا
باسل استغرب : بتظل كذا
كنان : بستمر مع شركتك بس عن بعد بخلص الاجتماعات وبنفس الوقت رح اكون مع غيث بشركته بالحضور
باسل عقد حواجبه: مو كانه ضغط عليك ؟
كنان : لا عادي
باسل: وكيف بندر معك
كنان ابتسم الموضوع المحبب لقلبه لما يصير عن ابوه : بخير الحمدلله يحاول يعرف عني اكثر ويكون قريب مني كثير
باسل سكت
كنان: لاتحاتي ياخال الامور بتتحسن
باسل: وغيث
كنان : غيث ضغط على نفسه لفتره طويله وتعب اليوم
باسل : سلامته ومو ناوي يحنن قلبه علينا.
كنان : الحق ياخال اللي سويتوه مو قليل فا ما اقدر اتكلم معه عن اي شي بس اللي ابيك تعرفه انت وخالي محمد ان غيث مايرضى لابوي يتكلم عنكم او حتى يفكر يضايقكم باخر فتره كان مانع ابوي يروح لخالي محمد او يقرب منه علشان مايضايقه
باسل وقف : يلا انا جيت اتكلم معك واودعك !
كنان : بترجع تسافر
باسل : اي
كنان : بسلامه ولا تنسى تتصل علي
باسل: تمام وانت انتبه لنفسك ولو احتجت شي لاتنسى تراني خالك بالاول والاخير
كنان ابتسم له
باسل: بس اوصل وارتب اموري بترك السكرتير يرسل لك جدول الاجتماعات
كنان: تمام
باسل لعب بشعر كنان : يلا تعال ادخلك
كنان : لا بجلس هنا شوي لاتحاتي برسل لابوي
بغرفه غيث
فتح الباب بسرعه وانفاسه متسارعه وشاف شكله وهو بالسرير : لا لا تكفى ياغيث الا انت ماتعودت عليك مريض وتتعب بهالشكل
قرب منه وبدل المنشفه اللي على راسه تنفس غيث الثقيل والعرق اللي ينزل منه وجهه الاحمر من الحراره
هتان: وش صار لك ياصاحبي
بندر وصلته رساله من كنان بانه بيجلس برا انتبه لنزول هتان
بندر: هتان بالله روح شوف كنان
هتان: كنت بسالك عنه بس قبل باخذ لنا شاي
دخل المطبخ وطلع بكوبين
جلس مع كنان
مر اليوم هادي عليهم وغيث ماصحى
صباح اليوم الثاني
بندر اللي وصلته رساله من يوسف بانه ضروري يجي للشركه
بندر: كنان انا لازم اروح للشركه تقدر تنتبه لغيث ؟
كنان : اي عادي يبه لاتحاتي والدكتور فهد بيجي الساعه٨ ونص فا لاتحاتي
بندر: تمام ياقلبي انتبه لك انت بعد
كنان ابتسم لاهتمام ابوه فيهم
بندر رجع من جديد : بس يصير معكم شي اتصل علي تمام
كنان : تمام
بندر طلع وسكر الباب وراه
اما كنان اللي كان جالس وماسك يد غيث وبين فتره وفتره يغير المنشفه اللي على راسه غيث فتح عيونه بشويش حس بضيق من نور الشمس اللي داخل الغرفه بسبب النافذه
غيث بصوت مبحوح: ماء !
كنان اخذ الكوب ومده لغيث : بشويش
ساعد غيث يجلس وعطاه
كنان : كيفك غيث
غيث ابتسم لكنان: اسف قلقتكم
كنان بعتب: لاتقول كذا
غيث : وين ابوي ؟
كنان : بالدوام خليك مرتاح
غيث : ابغى شي اكله
كنان مسك يده : ابقى هنا بروح اجيب لك شي خفيف
غيث شد على يد كنان: انا بخير الحين بروح اجيب لي واجي
كنان حرك الكرسي بقلق وهو يشوف غيث يقوم من السرير بعناد
كنان حس بضيق بصدره : انزل بالمصعد
غيث اللي ابتسم له : لاتحاتي كنان مارح يصير شي
كنان اللي حس برجفه وعدم توازن غيث صرخ: غيث
غيث اللي حس بضباب يغطي عيونه من جديد طاح وتدحرج لنهايه الدرج صرخ كنان كون انه مايقدر يوقف راح للمصعد وهو يدفع الكرسي نزل بشكل سريع قرب من عنده وانتبه للدم اللي براسه شهق وهو مو قادر يسوي شي حس بالعبره تخنقه كون انه مقعد ومو قادر يسوي شي لاخوه
اما برا الفيلا اتصل عليه بندر وقال له انه ترك الباب مفتوح علشان مايزعج كنان بانه ينزل فتح الباب وشاف غيث اللي طايح بالارض وكنان الليزعلى الكرسي يبكي ويحاول انه يدفع نفسه عن الكرسي ويصرخ باسم اخوه
فهد راح لغيث بسرعه: غيث غيث
شاله وراح بسرعه للسياره
ورجع من جديد للفيلا بياخذ كنان
كنان كانت الكلمه الوحيده اللي طلعت منه : ما استحقهم
انتهى البارت 🤍🤍🤍🤍رايكممم وتوقعاتكم هل ممكن ينقلب الموضوع على كنان !! و>>> احبكم 🤍🤍🤍
أنت تقرأ
مُهمل
Romanceكنت مُهمل الى ان التقيت بك وانه لمِن الجميل أن يكُون لديكَ صديقٌ كلّما أتيتَ له متكدّراً رجعت منه صافياً وكلّما قدمت إليه ضعيفاً عُدت منه أقوى 🤍🤍🫀
